伊犁新闻网

قۇلجانىڭ كوركەم كورىنىسىنەن كوزايدىن بولاتىن، ۇلتتىق سالت - سانا مادەنيەتىنەن سۋسىندايتىن، ساياحاتتىڭ سارا جولدارىندا ٴلاززات الىپ، وزگەشە سالت - ساناعا ۇڭىلەتىن

«ىلە الماسىنىڭ ٴيىسى» اتىنداعى قۇلجا قالاسىنىڭ سالت - سانا مادەنيەت - ساياحات اپتالىعى باستالدى

حابارىن جازىپ، سۋرەتىن تۇسىرگەن تىلشىلەرىمىز ليۋ چۇنشيڭ، چىن تيانجين

ٴبىر تاماشا انمەن ٴبىر قالانىڭ اتاعى اسپانداۋدا. «الما ٴيىسى» اتتى انمەن قۇلجا قالاسىنىڭ ۇلتتىق سالت - سانا، مادەنيەت ساياحاتىنىڭ سالتاناتى، تانىمالدىعى ٴتىپتى دە ارتا تۇسكەندەي. 9 - ايدىڭ 26 - كۇنى كەشتە ”ىلە الماسىنىڭ ٴيىسى“ اتىنداعى 2024 - جىلعى قۇلجا قالاسىنىڭ ۇلتتىق سالت - سانا، مادەنيەت - ساياحات اپتالىعى قۇلجا كونە قالا رايونى قازانشى ۇلتتىق سالت - سانا ساياحات رايونىندا باستالدى.

سول كۇنى كەشتە «ىلە ٴسىزدى قارسى الادى» بيىمەن كونسەرت شىمىلدىعى اشىلىپ، «تارتىمدى جاڭا قۇلجا»، «بارشا گۇلدەر شەشەك اتسىن»، «كوڭىلدى بەللەن»، «ىلە سالتاناتى»، «تيانشانداعى شوپان جىرى»، «جۇپارگۇلدىڭ حوش ٴيىسى» سىندى باي مازمۇندى، تارتىمدى ٴان - ٴبي نومىرلەرى جانە شاعىن ساحنالىق قويىلىمدارمەن جالعاسىن تاپتى.

كونسەرتتەن بۇرىن، قۇلجا قالاسى قازانشى ۇلتتىق سالت ـ سانا ساياحات اشۋ شەكتى جاۋاپكەرشىلىك سەرىكتەستىگىنىڭ جاۋاپتىسى كوپتەگەن ساياحات سەرىكتەستىكتەرىمەن سول جەردىڭ وزىندە كەلىسىم جاساسىپ، قۇلجا قالاسىنىڭ كۇز، قىس ماۋسىمدارىنداعى ساياحاتىن رەسمي باستادى. كونسەرت ارەدىگىندە سيلى قوناقتار لاڭگى، ۋاڭ ياڭ جانە وسى رەتكى قيمىلدىڭ جۇرگىزۋشىسى جاي ۋيعا ىلە وبلىسىنىڭ مادەنيەت، ساياحاتىن ۇگىتتەۋشى، جالپىلاستىرۋشى ەلشىسى ۇسىنىس حاتىن تاپسىردى.

«ىلە الماسىنىڭ ٴيىسى» 2024 - جىلعى قۇلجا قالاسىنىڭ ۇلتتىق سالت - سانا، مادەنيەت - ساياحات اپتالىعىندا قۇلجانىڭ كوركەم كورىنىسىنەن كوزايدىن بولۋ، ۇلتتىق سالت - سانا مادەنيەتىنەن سۋسىنداۋ، ساياحات سارا جولدارىندا ٴلاززات الۋ، وزگەشە سالت - ساناعا ٴۇڭىلۋدى كۇزدى قارسى الۋ بەتاشارى ەتىپ، ىلەنىڭ كوپ نەگىزدى، ٴبىر تۇلعالى مادەنيەتىنىڭ ايقىن ەرەكشەلىگى مەن قويۋ ۇلتتىق سالت - ساناسىن جان - جاقتى ايگىلەپ، قالانىڭ اتاعى مەن داڭقىن ونان ارى جوعارىلاتىپ، مادەنيەت، سەيىل - سەرۋەن، ساياحاتتىڭ باۋراۋ قۋاتىن ۇزدىكسىز كۇشەيتتى.

قۇلجا قالالىق مادەنيەت، دەنە تاربيە، راديو - تەلەۆيزيا جانە ساياحات مەكەمەسى پارتيا باسشىلىق گرۋپپاسىنىڭ مۇشەسى، مادەنيەت مۇراجايىنىڭ باستىعى لي جينفىڭ بىلاي دەپ تانىستىردى: اشىلۋ سالتىنداعى ادەبيەت - كوركەمونەر ويىندارىنان سىرت، 9 - ايدىڭ 27 - كۇنىنەن 10 - ايدىڭ 30 - كۇنىنە دەيىنگى ارالىقتا قۇلجا كونە قالا رايونى قازانشى ۇلتتىق سالت - سانا ساياحات رايونى، التىشۋار كوشەسى كورىنىس رايونى تاعى قۇلجا قالاسىنىڭ ”گۇل جايناعان جىبەك جولى . ىلەنىڭ كيىم - كەشەك سالتاناتى“ اتىنداعى ۇلتتىق كيىم - كەشەك سالتاناتى، ”قازانشىدا جۇزدەسىپ، ۇلتتىق سالت - سانادان سۋسىندايىق“ − 2 - كەزەكتى بەيزاتتىق مادەنيەت مۇرالارى ۇسىنىس كورمەسى، ”كوگىلدىر اۋلاداعى سان مىڭ ەستەمە“ − ىلە كونە قـالاسـى فـوتوسۋرەت تۋىندىلارى كورمەسى، 2 - كەزەكتى ”شاتتىق ٴانى شىرقالعان ىلە“ اتىنداعى ىلە حالىق اندەرى جارىسى، قوراز تالاستىرۋ باسەكەسى، ”التىشۋار كوشەسىندەگى بايان ٴۇنى“ − قۇلجا قالاسىنىڭ 2024 - جىلعى گارمون حالىقتىق ٴان - كۇي جارىسى، ”ىلە الماسىنىڭ ٴيىسى“ اتىنداعى كوپشىلىك بىرگە شىرقاۋ، جاڭارتىپ شىرقاۋ باسەكەسى، MV كەسكىنگە الۋ، قۇراستىرۋ جارىسى، ”شينجياڭعا باعىتتامالى كومەكتەسۋ لوڭقاسى“ اتىنداعى شينجياڭعا باعىتتامالى كومەكتەسەتىن ولكە، قالالاردىڭ فۋتبول ۇسىنىس جارىسى، «ٴبارىمىز دە ىرىستى ولكەدەمىز» ٴان - ٴبي تەاترىنىڭ قۇلجاداعى تۇڭعىش قويىلىمى، 2024 - جىلعى ىلەنىڭ ”ەرەن كەش“ فۋتبول سالتاناتى سياقتى 12 ٴتۇرلى باي مازمۇندى قيمىل وتكىزىلەدى.