ٴتىلشىمىز مىڭ شيا حابارلايدى. كۇللى جۇرت نازار اۋدارىپ وتىرعان جۇڭگو كوممۋنيستىك پارتياسىنىڭ مەملەكەتتىك 20 - قۇرىلتايى 10 - ايدىڭ 16 - كۇنى بەيجيڭدە سالتاناتپەن اشىلادى. پارتيا قۇرىلتايىنىڭ ۋاكىلى بولعان ىلەدەگى كەستەشى ايەل لي پيڭ مەن وقىتۋشى ٴراھيما اۋۇت ەرەكشە تەبىرەندى. ولار تەزدەتىپ ۇيرەنىپ، مىندەتتەرىن مۇقيات ادا ەتىپ، تەكسەرۋ - زەرتتەۋ مازمۇنىنا ىشكەرىلەي وزگەرىس ەنگىزىپ، سوزگە شىعارداعى ماتەريالدارىن رەتتەپ، تولىقتىرىپ، نەگىزگى ساتىداعى پارتيا مۇشەلەرى مەن بۇقارانىڭ جۇرەك ٴۇنىن ويداعىداي جەتكىزىپ، تاسقىنداعان ساياسي ىنتامەن جانە تاماشا رۋحاني كۇيمەن سالتاناتتى جينالىسقا قاتىناساتىندىقتارىن ٴبىلدىردى.

«مەن قاراپايىم كەستەشى ايەلمىن، اۋىل - قىستاقتاعى پارتيا مۇشەسىمىن، پارتيانىڭ 20 - قۇرىلتايىنا قاتىناسقانىمدى شەكسىز داڭق، ماقتانىش سەزىنەمىن، سەلبەستىك كووپەراتيۆىندەگى اپەكە - سىڭلىلەرىم دە مەن ٴۇشىن قاتتى قۋاندى، كوپشىلىك كۇندى تۇنگە جالعاپ بىرنەشە كۇن ىشىندە سىبە ۇلتىنىڭ ٴبىر پار ٴداستۇرلى كيىمىن ٴوز قولدارىمەن تىگىپ، بەيجيڭگە كيىپ بارۋىما ازىرلەدى» دەدى 10 - ايدىڭ 15 - كۇنى پارتيا قۇرىلتايىنىڭ ۋاكىلى، چاپچال سىبە اۆتونوميالى اۋدانى جەتىسۇمىن اۋىلى سىبە كەستەشىلىك، قولونەر بۇيىمدارىن جاساۋ كاسىپتىك سەلبەستىك كووپەراتيۆىنىڭ كەستەشىسى لي پيڭ ٴتىلشىنىڭ تەلەفونداعى تىلشىلىگىن قابىلداعاندا.

لي پيڭ بىلاي دەدى: ٴبىزدىڭ كەستەشىلىك كووپەراتيۆىمىز 2009 - جىلى قۇرىلدى، وسى 10 نەشە جىلدا ٴار دارەجەلى پارتيا ۇيىمدارىنىڭ كومەكتەسۋىندە، سەلبەستىك كووپەراتيۆىمىز السىزدەن كۇشەيىپ، كىشكەنەدەن كولەمدەنىپ، ەڭ العاشقى 25 كەستەشى ايەل عانا ىستەگەن جاعدايدان، بۇل كۇندە توڭىرەكتەگى 100 دەن استام كەستەشى ايەلدى تەحنيكا ۇيرەنىپ، كىرىستى ارتتىرىپ، اۋقاتتانۋعا باستاۋدا، نەگىزگى ساتىداعى بۇقارانىڭ تۇرمىسى بارعان سايىن جاقسارىپ، وزدەرى بارعان سايىن جىگەرلەنە ٴتۇستى. «اۋىلداستاردىڭ بارلىعى ماعان وزدەرىنىڭ شالقىعان تاماشا تۇرمىس كەشىرىپ جاتقانىن بەيجيڭگە جەتكىزۋىمدى، پارتيا ورتالىق كوميتەتىنە دەگەن العىس سەزىمىن باس شۋجيگە جەتكىزۋىمدى تاپسىردى».

شينجياڭ سىرتىنا جىبەرىلگەن وقىتۋشىلىق تاجىريبەسى بار قۇلجا قالالىق 23 - ورتا مەكتەپتىڭ وقىتۋشىسى ٴراھيما اۋۇت كەزىندە «2021 - جىلعى شاندۇڭداعى ەڭ سۇيىكتى وقىتۋشى» دەگەن داڭقتى اتاققا يە بولعان. بۇل جولى پارتيا قۇرىلتايى ۋاكىلى رەتىندە پارتيانىڭ 20 - قۇرىلتايىنا قاتىناسقانىنا ٴبىر جاعىنان، تەبىرەنىسە، ٴبىر جاعىنان جاۋاپكەرشىلىگىنىڭ اۋىر ەكەنىن تەرەڭ سەزىنىپ وتىر.

«پارتيا قۇرىلتايىنىڭ ۋاكىلى بولعانىمدى ايرىقشا داڭق جانە ماقتانىش سەزىنەمىن». ٴراھيما اۋۇت بىلاي دەدى: بۇل − اۋىر جاۋاپكەرشىلىك. مەن قۇلجا قالاسىنداعى بارشا پارتيا مۇشەلەرى مەن وقىتۋشىلاردىڭ ٴۇمىتىن ارقالاپ، پارتيا قۇرىلتايى ۋاكىلىندىك مىندەتىمدى مۇقيات اتقارىپ، قۇرىلتاي بايانداماسى مەن باس شۋجي شي جينپيڭنىڭ ماڭىزدى ٴسوزىن مۇقيات تىڭدايمىن.

ٴبىرىنشى شەپتەگى وقىتۋشى رەتىندە ٴراھيما اۋۇت پارتيا ورتالىق كوميتەتىنىڭ كوڭىل ٴبولۋى مەن قامقورلىعىندا، نەگىزگى ساتى وقۋ - اعارتۋ ىستەرىنىڭ قارىشتاپ دامۋىنا، شەت - شالعاي ەگىن، مال شارۋاشىلىق رايوندارىنداعى بالالاردىڭ وقيتىن مەكتەبى بولۋدان جاقسى مەكتەپكە ٴتۇسىپ وقۋىنا دەيىنگى وزگەرىسكە كۋا بولدى. اتتانار الدىندا ول قۇلجا قالالىق 23 - ورتا مەكتەپتىڭ وقۋشىلارىمەن بىرگە وتانعا كۇش - قۋاتىن ارناعان «1 - شىلدە وردەنى» يەگەرلەرىنىڭ، ٴىرى ەل شەبەرلەرىنىڭ تيپتىك ىزگى ىستەرىن كوردى، ۇيرەندى. بالالار قاھارماندارعا دەگەن قۇرمەت سەزىمىن ٴبىلدىرىپ، ەرجەتكەننەن كەيىن مەملەكەتتىڭ جارامدى دارىندىلارى بولاتىندىعىن ٴبىلدىردى. ول وسى تارتىمدى حيكايالاردى باس شۋجيگە اڭگىمەلەپ  بەرەتىنىن ايتتى.