موڭعۇلكۇرەدەگى پارتيالى كادرلاردىڭ ۇگىت ـ لەكسياسى جەرگىلىكتى جاعدايعا جاناسىمدى بولىپ، جۇرت كوڭىلىنە تەرەڭ ۇيالادى

پارتيا 20 - قۇرىلتايى رۋحىنىڭ نەگىزگى ساتىدا تياناقتانىپ، ونىمدىلىك كورسەتۋىن ىلگەرىلەتتى

ەرىكتى تىلشىلەر ۋاڭ دۇڭشۇي، سۇن چينحۋا حابارلايدى. جۋىق كۇندەردەن بەرى موڭعۇلكۇرە اۋدانىنداعى قالىڭ نەگىزگى ساتى پارتيالى كادرلارى پارتيا 20 - قۇرىلتايىنىڭ رۋحىن جەرگىلىكتى جاعدايمەن ۇشتاستىرىپ، جۇرت جۇرەگىن تەبىرەنتە وتىرىپ، جان - جاقتى، ٴار قىرىنان ۇگىتتەپ، پارتيانىڭ نازارياسى مەن ساياساتىن قاراپايىم بۇقارا وتباسىلارىنا جەتكىزدى.

موڭعۇلكۇرە اۋدانى اقدالا قالاشىعى جۋانتوبە قىستاعى پارتيا ياچەيكاسى پارتيالى كادرلاردى ات ٴۇستى ۇگىت ـ لەكسيا اترەتىن قۇرۋعا ۇيىمداستىرىپ، پارتيا 20 ـ قۇرىلتايىنىڭ رۋحىن قىستاۋعا، پارتيانىڭ ٴۇنىن ەڭ شالعايداعى وتباسىنا شىنايى جەتكىزدى. ۇگىت ـ لەكسيا ۇيىرمەسى اۋىل - قىستاقتاعى جاڭا وزگەرىستەرمەن جانە وسى زامانعى مال شارۋاشىلىعىنىڭ دامۋىمەن بىرلەستىرىپ، مالشىلارعا پارتيا 20 ـ قۇرىلتايىنىڭ بايانداماسىندا العا قويىلعان اۋىل ـ قىستاقتىڭ ەرەكشە كاسىپ سالاسىن دامىتۋ، شارۋالار كىرىسىن ارتتىرىپ، اۋقاتتانۋ ارناسىن كەڭەيتۋ سياقتى مازمۇندار جونىندە ىشكەرىلەي ۇگىت ـ لەكسيا جاساپ، پارتيا 20 ـ قۇرىلتايى رۋحىنىڭ نەگىزگى ساتىدا تەرەڭدەۋىن، ناقتىلانۋىن، تياناقتانىپ تامىر تارتۋىن جەبەدى.

پارتيا 20 - قۇرىلتايىنىڭ بايانداماسىندا «حالىق تۇرمىسىنا تيىمدىلىك جاساپ، حالىق جۇرەگىن جىلىتاتىن اناعۇرلىم كوپ شارالاردى قولدانىپ، حالىق بۇقاراسىنىڭ شۇعىل، قيىن، ۋايىمداعان، ٴزارۋ ماسەلەلەرىن كۇش سالا شەشۋ كەرەك» دەپ العا قويىلعانىنان حابار تاپقان شارۋالار جابال قول شاپالاق سوعىپ، مەملەكەتتىڭ شىعارعان حالىققا تيىمدىلىك جەتكىزۋ جەلىلەس ساياساتتارىن جاقسى دەپ القادى. ۇگىت - لەكسيا ارەدىگىندە پارتيالى كادرلار مالشىلارمەن اڭگىمەلەسىپ، دامۋدى جوسپارلاپ، بۇقاراعا قىزمەت وتەۋدىڭ «ەڭ سوڭعى شاقىرىمىن» شىنايى تۇتاستىردى.

تاياۋ مەزگىلدەن بەرى موڭعۇلكۇرە اۋدانى حۇسۇنتۇحارسۇن موڭعۇل ۇلتتىق اۋىلى قاراسۋ قىستاعىنىڭ «ەكى كوميتەتى» مەن موڭعۇلكۇرە اۋداندىق ادام كۇشى بايلىعى جانە قوعامدىق قامتاماسىزداندىرۋ مەكەمەسىنىڭ وسى قىستاقتا تۇراتىن «ۇعىسۋ، تيىمدىلىك جاساۋ، توعىستىرۋ» قىزمەت اترەتى وتباسىلارىن ارالاپ، جاعداي ۇعىسىپ، پارتيا 20 - قۇرىلتايىنىڭ بايانداماسىن ىشكەرىلەي ۇگىتتەپ، پارتيانىڭ ٴۇنىن، جاقسى ساياساتتارىن ەگىن، مال شارۋاشىلىق رايوندارىنا جەتكىزىپ، پارتيا 20 - قۇرىلتايىنىڭ رۋحىن جۇرت كوكەيىنە تەرەڭ ۇيالاتىپ، اۋىل ـ قىستاقتىڭ گۇلدەنۋىن ىلگەرىلەتەتىن قۇدىرەتتى كۇش ۇيىستىردى.

ۇگىت - لەكسيا بارىسىندا پارتيالى كادرلار مەن بۇقارا قورالاي وتىرىپ، 10 جىلدان بەرگى پارتيا مەن مەملەكەت ىستەرىندە قول جەتكىزىلگەن كەلەلى تابىستاردى اڭگىمەلەدى، سونىمەن بىرگە، پارتيا 20 - قۇرىلتايىنىڭ بايانداماسى مەن اۋىل ـ قىستاقتى گۇلدەندىرۋ، اۋىل ـ قىستاقتىڭ قونىس ورتاسىن وڭاۋ سياقتى بۇقارانىڭ ماڭايىنداعى ىستەرمەن ۇشتاستىرىپ، بۇقارانىڭ كۇندەلىكتى تۇرمىسىنان باستاپ اڭگىمەلەپ، بۇقاراعا جاناسىمدى ۇگىت ـ لەكسيا ارقىلى پارتيا 20 ـ قۇرىلتايىنىڭ رۋحىن كوكەيگە قوندىرىپ، جۇرەككە ۇيالاتتى.

قاراسۋ قىستاعىنىڭ تۇرعىنى ۋاڭ تايليڭ بىلاي دەدى: «كادرلاردىڭ ۇگىت - لەكسياسىن جاقسى تۇسىندىك، حالىققا ٴتيىمدى ساياسات بارعان سايىن كوبەيىپ، جاقسارىپ، بۇقارانىڭ تۇرمىسى دا بارعان سايىن جاقساردى، مەن اۋلا ەگىمشىلىگى مەن باعىمشىلىعىن ۇزدىكسىز جاقسى ىستەپ، تۇرمىسىمدى جاقسارتامىن».

«پارتيا 20 - قۇرىلتايىنىڭ بايانداماسىنداعى <حالىق> ٴسوزى ەڭ ماڭىزدى، ٴاربىر ٴارىپ، ٴاربىر جولدان حالىق تۇرمىسىنا دەگەن سۇيىسپەنشىلىك مەنمۇندالايدى. ٴبىز وتباسىلارىن ارالاۋ، جاعداي ۇعىسۋ تاسىلىمەن پارتيانىڭ ٴۇنىن سان مىڭداعان وتباسىنا جەتكىزىپ، بۇكىل قىستاقتاعى كادرلار مەن بۇقارانى اناعۇرلىم ىنتىماقتاستىرىپ جانە باستاپ، كورىكتى اۋىل - قىستاق قۇرامىز. ٴبىز تاعى دا ۇگىت - لەكسيا قوسىنىن ۇزدىكسىز زورايتىپ، ۇگىت - لەكسيا قىزمەتىن ۇدايىلاندىرۋدى، ۇگىت - لەكسيا نەگىزگى تۇلعاسىن، فورماسىن الۋان تۇرلىلەندىرۋدى ىلگەرىلەتىپ، پارتيا 20 ـ قۇرىلتايى رۋحىنىڭ نەگىزگى ساتىدا تياناقتانىپ، ونىمدىلىك كورسەتۋىن شىنايى ىلگەرىلەتەمىز» دەدى قاراسۋ قىستاعىنىڭ ٴبىرىنشى شۋجيى، موڭعۇلكۇرە اۋداندىق ادام كۇشى بايلىعى جانە قوعامدىق قامتاماسىزداندىرۋ مەكەمەسىنىڭ وسى قىستاقتا تۇراتىن «ۇعىسۋ، تيىمدىلىك جاساۋ، توعىستىرۋ» قىزمەتى اترەتىنىڭ باستىعى موڭكىساك.