تىنىش، جاراسىمدى ىلە قۇرىپ، بۇقارانىڭ باقىت كورسەتكىشىن جوعارىلاتتى
- ىقىلاستى تاپسىرمانى ەستە بەرىك ساقتاۋ جونىندەگى جەلىلەس حابار - اناعۇرلىم جوعارى دەڭگەيدەگى تىنىش ىلە قۇرۋدى ىلگەرىلەتتى
حابارىن جازعان ٴتىلشىمىز جاڭ جينفىڭ، ەرىكتى تىلشىلەرىمىز جاڭ تيڭ، ما ۋىنجيڭ، سۋرەتتەرىن تارتقان تىلشىلەرىمىز سۋ مين، ليۋ چىڭگاڭ
ىلە وبلىستىق پارتكوم شي جينپيڭنىڭ زاڭمەن باسقارۋ يدەياسىن جانە جالپى تۇلعالىق مەملەكەت حاۋىپسىزدىگى كوزقاراسىن جاپپاي دايەكتىلەندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال دايەكتىلەندىرىپ، شينجياڭدى زاڭمەن باسقارۋعا تاباندى بولىپ، مەحانيزمدە جاڭالىق اشىپ، بىرىككەن كۇش ۇيىستىرىپ، قوعامدى جونگە سالۋ جۇيەسىن اقاۋسىزداندىرىپ، كەمەلدەندىرىپ، ”حالىقتى بارىنەن جوعارى قويۋ“ ۇستانىمىنا باستان ـ اياق تاباندى بولىپ، تىنىشتىق قۇرىلىسى قىزمەتىن ۇزدىكسىز ىشكەرىلەي ىلگەرىلەتىپ، قوعامنىڭ ورنىقتىلىعىن، حالىقتىڭ تىنىشتىعىن كۇش سالا قورعادى.
بيىل ىلە وبلىسىنا توتە قاراستى ورىندارداعى ەكى دارەجەلى سوت مەكەمەسى ٴادىليانى حالىق ٴۇشىن جۇرگىزۋدىڭ ”VIP“ ىن قالىپتاستىرىپ، قىزمەت وتەۋدى كەمەلدەندىرىپ، داۋ - شار شەشۋ وتكەلىن كەڭەيتىپ، وبلىسقا توتە قاراستى ورىنداردان ”ارىز - شاعىم دەلوسى تۋىلماعان، زاڭ اق قاعازى بولماعان، زاڭ جالپىلاستىرۋدا قالتارىس ٴوڭىرى بولماعان“ 32 قىستاق (الەۋمەتتىك اۋماق) قۇرىپ، كوپ جاق سەلبەسكەن، ارتىقشىلىقتار ارقىلى ٴبىرىن - ٴبىرى تولىقتايتىن، كوپ نەگىزدى بىرگە جونگە سالاتىن، بىرگە يگەرىپ، بىرگە باسقاراتىن قىزمەت جاعدايىن قالىپتاستىردى.
تەكەس اۋدانى قاراجون كورىنىس رايونىنىڭ «كيىز ٴۇي سوت بولىمشەسى» ناق مايداندا دەلو تۇرعىزۋ، سول جەردىڭ وزىندە سوت اشۋ، ارالاپ ٴجۇرىپ سوت جۇرگىزۋ، زاڭدى جالپىلاستىرۋ ۇگىتى سياقتى «ينتەرنەت جەلىسىندە + ينتەرنەت جەلىسىنەن تىس» ٴبىر بەكەتتىك ارىز - شاعىم قىزمەت وتەۋىمەن قامداپ، تەز دەلو تۇرعىزۋدى، دەلونى تەز اياقتاتۋدى، تەز اتقارۋدى ورىندادى.
ىلە وبلىسىنا توتە قاراستى ورىندارداعى ەكى دارەجەلى سوت مەكەمەلەرى مەملەكەتتىك 4A دارەجەلى، 5A دارەجەلى كورىنىس رايوندارىندا 14 كوشپەلى سوت قۇرىپ، بىلتىردان بەرى 421 داۋ - شاردى شەشىپ، ”زاڭدى كورىنىس وڭىرلەرىنە جەتكىزۋ“، ”زاڭدى قىستاق - اترەتتەرگە جەتكىزۋ“ سياقتى قيمىلداردى رەت سانى بويىنشا 238 مايدان ورىستەتىپ، ساياحاتشىلارعا جانە قىستاق تۇرعىندارىنا 2500 رەتتەن استام زاڭ جاعىنان كەڭەس بەردى.
چاپچال سىبە اۆتونوميالى اۋدانى شوقىر قالاشىعى شوقىر قىستاعىنداعى ”اق قار سۋديالار قىزمەت كەڭسەسىنىڭ“ اتى الىس - جاقىنعا ايگىلى، قازىر قىستاقتاعى داۋ - شاردىڭ %90 ى قىستاقتا شەشىمىن تاپقان.
باس شۋجي شي جينپيڭ شينجياڭدا قىزمەت تەكسەرگەندە بىلاي دەپ اتاپ كورسەتتى: الەۋمەتتىك اۋماق قىزمەتى بارشا وتباسىلارمەن بايلانىسىپ جاتادى، الەۋمەتتىك اۋماقتاعى نەگىزگى ساتى پارتيا ۇيىمىنىڭ جاۋىنگەر قورعاندىق رولىن تولىق ساۋلەلەندىرىپ، قىزمەتتىڭ سالماق ٴتۇيىنىن تومەنگە اۋدارىپ، ٴار ۇلت تۇرعىندارىنىڭ ويلاعانىنا، ارمانداعانىنا، كۇتكەنىنە تىعىز جاناستىرىپ، كوپشىلىككە كومەكتەسىپ جاقسى ٴىس ىستەپ، ناقتى ٴىس ىستەپ، قيىن ماسەلەلەردى شەشىپ، ٴار ۇلت بۇقاراسىنىڭ تۋىسقانداي ەتەنە بولۋىن، ٴوزارا قارايلاسۋىن جەبەپ، كورىكتى مەكەندى بىرگە قۇرىپ، تاماشا بولاشاققا بىرگە جول اشۋ كەرەك.
ىلە وبلىسى حاۋىپسىز دامۋ كوزقاراسىن بەرىك ورناتىپ، جالپى حالىقتىڭ شۇعىل جاعدايعا توتەپ بەرۋ تانىمىن كۇشەيتىپ، بۇقارانىڭ حاۋىپسىزدىك جونىندەگى ساپاسىن جوعارىلاتىپ، اپاتتان ساقتانۋ، اپات زيانىن ازايتۋ، اپاتتان قۇتقارۋ قابىلەتىن جوعارىلاتىپ، اۋىر، ەرەكشە اۋىر شىرعالاڭداردىڭ تۋىلۋىنان ٴونىمدى ساقتانىپ جانە ونى باتىل تەجەپ، وبلىسقا توتە قاراستى ورىنداردىڭ ٴوندىرىس حاۋىپسىزدىگى جاعدايىنىڭ ۇزدىكسىز جاقسارۋىن جاپپاي ىلگەرىلەتىپ، حالىق بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن جانە ريزا بولۋ دارەجەسىن ۇزدىكسىز كۇشەيتتى.
بالالار ”مەيىر باعىشتاۋ كىتاپ ۇيىندە“ كىتاپ وقۋدا.
اۋىلعا قايتقان ستۋدەنتتەر قۇلجا قالاسى پانجىم قالاشىعى پانجىم قىستاعىندا زاڭمەن باسقارۋ جونىندە ۇگىت ـ لەكسيا جاساۋدا.
ىلە وبلىستىق ورمان ٴورتىن ٴوشىرۋ - ورتتەن ساقتانۋ بولىمشە اترەتى ٴورت ٴوشىرۋ جاتتىعۋىن وتكىزۋدە.
ورتالىق قالا بازارىندا زات جەتكىلىكتى، باعا ورنىقتى بولدى.
ىلە وبلىستىق قارتتار دەنە تاربيە قوعامى ەسىك دوپ جارىسىن وتكىزۋدە.
ي - نان ونەركاسىپ باقشا رايونى جۇمىسكەرلەردى تاربيەلەۋدە.
قۇلجا قالاسى الۋان قيمىلدارمەن «1 - ماۋسىمدى» قۇتتىقتادى.