ٴتىلشىمىز دۋ لەي، ەرىكتى ٴتىلشى جاڭ شياۋچين حابارلايدى. اۋىل شارۋاشىلىعىمەن اينالىسۋ ٴۇشىن سۇيىسپەنشىلىك بولۋ كەرەك دەگەن ەل اۋزىنداعى وسى ٴبىر ٴسوز كۇنەس اۋدانى يۋانليحىڭ اۋىل شارۋاشىلىق ماشينالارى جانە اۋىل شارۋاشىلىعىن ۋنيۆەرسالدى اشۋ كاسىپتىك سەلبەستىك كووپەراتيۆىنىڭ باس القاسى ياڭ جي ـ ۋي جونىندە ايتىلسا تيتتەي دە جالعاندىعى بولماس ەدى. 2000 - جىلى ياڭ جي - ۋي شينجياڭ اۋىل شارۋاشىلىعى داشۋەسىنەن وقۋ تاۋىسقاننان كەيىن اۋىلىنا قايتىپ، تاسقىنداعان جانە مويىماس جىگەرىمەن كۇنەس اۋدانىندا اۋىل شارۋاشىلىعى سالاسىنان تىڭ ٴورىس اشىپ، نەگىزگى ساتىعا سۇيىسپەنشىلىگىن ارناپ، باتىلدىقپەن جاڭالىق اشقان اۋىل - قىستاقتاعى بايۋدىڭ باستاماشىسىنا اينالدى.

2005 - جىلدارى ىلە چيۋفىڭ تۇقىم شارۋاشىلىعى شەكتى جاۋاپكەرشىلىك سەرىكتەستىگىندە ٴبىرقانشا جىل باس مەڭگەرۋشى بولعان ياڭ جي - ۋي يگىلىك تىكتەۋگە بەل بايلاپ، كۇنەس اۋدانى يۋانليحىڭ اۋىل شارۋاشىلىق ماشينالارى جانە اۋىل شارۋاشىلىعىن ۋنيۆەرسالدى اشۋ كاسىپتىك سەلبەستىك كووپەراتيۆىن قۇرىپ، اۋىل شارۋاشىلىق ٴوندىرىسى قىزمەتىمەن شۇعىلدانادى.

سەلبەستىك كووپەراتيۆى قۇرىلعان العاشقى كەزدە، جەردى اينالىمعا سالىپ، جۇگەرى ەگۋ ٴۇشىن ياڭ جي ـ ۋي قىستاقتا كۇن ـ ٴتۇن دەمەي وتباسى سايىن ارالاپ، يدەيالىق قىزمەت ىستەدى. تىنباي قۇلشىنعان ياڭ جي - ۋي سەلبەستىك كووپەراتيۆتىڭ باستاماشىلدىعىندا، ٴارقايسى وتباسىلارىن بىتىراندى شارۋاشىلىق جۇرگىزۋدەن شوعىرلى، ۇلاسپالى شارۋاشىلىق جۇرگىزۋگە بۇرىلىس جاساپ، كاسىپ قۇرىلىمىن رەتتەپ، شوعىرلى تيجارات جۇرگىزىپ، ”ياچەيكا + سەلبەستىك كووپەراتيۆى + بازا + ەگىمشىلىك وتباسى“ سىندى اينالىم ۇلگىسىن قولدانىپ، ”بەس ٴبىر تۇلعالانعان“ اتىز باسقارۋ ۇلگىسىن اتقارىپ، جەردىڭ پايدالانىلۋ مولشەرى مەن ٴونىم مولشەرىن ۇتىمدى جوعارىلاتتى. يگەرىلگەن جەر كولەمى باستاپقى 800 مۋدان 30 مىڭ مۋعا ارتتى، ٴار مۋ جەردىڭ اينالىم باعاسى 500 يۋاننان ٴبىر مىڭ 450 يۋانعا جوعارىلادى. سەلبەستىك كووپەراتيۆى قىستاقتاعى 1777 وتباسىنىڭ جەرىن اينالىمعا  سالىپ، 3000 نان استام ەڭبەككۇشتى ازات ەتتى، ساپالى تۇقىم جەتىلدىرەتىندەر العاشقى كەزدەگى 200 وتباسىنان قازىرگى 2000 نان استام وتباسىعا كوبەيىپ، ساپالى تۇقىم  جەتىلدىرۋ مەزگىلىندە 10 مىڭعا جۋىق ەڭبەككۇش تىڭنان قوسىلىپ، اۋىل ـ قىستاقتاعى بوس ەڭبەككۇشتەردى باسقا سالاعا ويىستىرۋدى پارمەندى ىلگەرىلەتتى.

2014 .ـ جىلى سەلبەستىك كووپەراتيۆى كۇنەس اۋدانى بەستوبە اۋىلى تەلقارا قىستاعىمەن جەردى اينالىمعا سالۋ جونىندە 10 جىلدىق توقتامعا قول قويىسىپ، وسى قىستاقتاعى 200 دەن استام وتباسىنىڭ 6000 مۋ جەرىن اينالىمعا سالدى. بۇل قىستاقتىڭ باسىم كوپ جەرى تاۋ بەتكەيىنە ورنالاسقاندىقتان، توعان قازىلىپ، سۋ جەتكىزىلمەگەن ەدى. سەلبەستىك كووپەراتيۆى 9 ميلليون 300 مىڭ يۋان قارجى قوسىپ، بۇركىپ، تامشىلاتىپ سۋارۋ قۇرىلعىسىن ورناتىپ، 6000 مۋ جەردى سۋارۋعا نەبارى 7 كۇن عانا ۋاقىت جۇمسادى.

”بۇل جەرگە بارىپ جۇمىس ىستەۋ وتە قاراپايىم، باستىسى، سۋلياۋ جارعاق جاتقىزۋ، مايسا باپتاۋ، جارعاقتى جيناپ الۋ سياقتى اتىز باپتاۋ جۇمىستارى عانا.“ قىستاق تۇرعىنى ساۋ چۇنيىننىڭ ايتۋىنشا، وسى ارادا ٴبىر جىلدا 30 - 40 مىڭ يۋان كىرىس كىرگىزۋ دەگەن تۇك  ەمەس ەكەن. ياڭ جي - ۋي سياقتى ەڭ ەرتە اۋقاتتانعان باي وتباسىنا سۇيەنىپ، شىعىس قىزاردى ماركالى شاعىن تۇرپاتتى تراكتوردان قازىرگى ٴۇش ٴىرى تۇرپاتتى تراكتورعا قولى جەتكەنگە دەيىن، ساۋ چۇنيىن ياڭ جي - ۋيمەن بىرلەسىپ ەگىن سالىپ، ٴار جىلى مول كىرىس كىرگىزەدى. قىسقا عانا 5 جىلدا ساۋ چۇنيىن قاراپايىم قىستاق تۇرعىنىنان اۋقاتتىلار قاتارىنا ٴبىراق قوسىلدى.  ”ساۋ چۇنيىن سياقتى ياڭ جي ـ ۋيعا سۇيەنىپ دامىعان قىستاق تۇرعىندارى دا از ەمەس، قىستاقتىڭ كوللەكتيۆ شارۋاشىلىعى دا دامىپ زورايعان سوڭ، قىستاق تۇرعىندارى ٴۇشىن جۇمىس ىستەيتىن بولدى. بەستوبە اۋىلى تەلقارا قىستاعى پارتيا ياچەيكاسىنىڭ شۋجيى لي حۇي بىلاي دەدى: قىستاق كوللەكتيۆتىڭ جەرىن اينالىمعا سالۋدى ىسكە قوسىقاننان كەيىن، قىستاق كوللەكتيۆى جىلىنا كەمىندە 300 مىڭ يۋان كىرىس كىرگىزۋدە، وسى بىرنەشە جىلدا قىستاقتاعى 60 جاسقا تولعان قارتتارعا تۇرمىس قاراجات تاراتتى، جول جاسادى، قىستاقتى كورىكتەندىردى، قىستاق تۇرعىندار كوميتەتىنىڭ مادەنيەت شەبىن قۇردى... ٴتۇرلى قيمىلدار دابىرالى وتكىزىلەتىن بولدى، قىستاق تا بارعان سايىن كورىكتەنە ٴتۇستى.

كۇنەس اۋدانى يۋانليحىڭ اۋىل شارۋاشىلىق ماشينالارى جانە اۋىل شارۋاشىلىعىن ۋنيۆەرسالدى اشۋ كاسىپتىك سەلبەستىك كووپەراتيۆى تەلقارا قىستاعىندا قۇرىلعاننان بەرى قىستاقتا اۋىل شارۋاشىلىق ماشينالارى بار 20 ٴىرى وتباسى جارىققا شىقتى، قىستاقتاعى %95 بوس ەڭبەككۇش سەلبەستىك كووپەراتيۆىندە جۇمىس ىستەپ، قىستاق كوللەكتيۆى مەن قىستاق تۇرعىندارىنىڭ جەرى جاندانا ٴتۇستى.

2013 - جىلى ياڭ جي - ۋي كۇنەس اۋدانىنىڭ 10 تاڭداۋلى شارۋاشىلىق قۇرۋ شەبەرى، 2015 - جىلى كۇنەس اۋدانىنىڭ اۋىل شارۋاشىلىق ماشينالارى ارقىلى اۋقاتتانۋدىڭ باستاماشىسى بولىپ باعالاندى، 2021 - جىلى ىلە وبلىسى جاعىنان اۆتونوميالى وبلىستىڭ ەڭبەك ۇلگىسى، 2023 - جىلى مەملەكەتتىك اۋىل شارۋاشىلىعى جانە اۋىل - قىستاق سالاسىنداعى ەڭبەك ۇلگىسى بولىپ ماراپاتتالدى.