− ىلە وبلىسىنىڭ 3 - توقسانداعى كەلەلى نىساندار قۇرىلىسىنان كوزايىم ساتتەر

ماقالاسىن جازىپ، سۋرەتىن تۇسىرگەن تىلشىلەرىمىز ۋاڭ جىحۋا، لي يافىڭ، سۇن ي - نان

10 - ايدىڭ 23 - كۇنىنەن 25 - كۇنىنە دەيىن ىلە وبلىسىنىڭ 3 - توقسانداعى كەلەلى نىساندار قۇرىلىسىن كوزدەن كەشىرۋ قيمىلىنا ىلەسكەندە، 11 اۋدان، قالانىڭ 67 كەلەلى نىسانىنىڭ قۇرىلىس جاعدايىن باعامداپ، ٴارقايسى اۋدان، قالالاردىڭ تەبىنىن شىنايى سەزىنگەندەي بولدىق.

كەلەلى نىساندار ەكونوميكانى ورنىقتى ارتتىرۋدىڭ ”ورنىقتىرعىشى“، ەكونوميكانىڭ جوعارى ساپالى دامۋىن جۇزەگە اسىرۋدىڭ قوزعاۋشى كۇش قاينارى. ٴبىر جىلدان بەرى ىلە وبلىسى ”1+1+8“ كاسىپ سالاسى شوعىرى قۇرىلىسىن مىقتاپ ارقاۋ ەتىپ، جاسىل كەن كاسىبىن، اۋىل - قىستاقتى گۇلدەندىرۋدى، مادەنيەت - ساياحات كاسىبىن، شەكارا وتكەلى ەكونوميكاسىن نەگىزگى قامال الۋ باعىتى ەتۋدەن جازباي، كاسىپ سالاسىنىڭ ورنالاسۋىن رەتتەپ، ساپالىلاندىرىپ، كاسىپ سالاسى تىزبەگى قۇرىلىسىن، كاسىپورىنداردى جەتىلدىرۋدى، باقشا رايونىنىڭ دارەجەسىن جوعارىلاتۋدى جەدەل ىلگەرىلەتىپ، كومىر، كومىر ەلەكتر، كومىر حيميا ونەركاسىبى كاسىپ سالاسىن، مۇناي، مۇناي حيميا ونەركاسىبىندەگى ٴوندىرۋدى، مانەرلەۋدى، توقىماشىلىق، كيىم - كەشەك كاسىبىنىڭ ٴونىمىن جوعارىلاتىپ، ونىمدىلىگىن ارتتىرۋدى بەكەمدەپ، جاڭا ەنەرگيا، جاڭا ماتەريال جانە جاسىل كەن كاسىبى سالاسىن جەدەل دامىتىپ، جاسىل ورگانيكالىق جەمىس ـ جيدەك، كوكونىس كاسىپ سالاسىن، ساپالى مال شارۋاشىلىق ونىمدەرى كاسىپ سالاسىن، ورگانيكالىق استىق - ماي كاسىپ سالاسىن جەتىلدىرىپ، الۋەتتەندىرىپ، نىسانداردىڭ ”گۇلدەنىپ، جەمىس بەرۋىنە“ مۇمكىندىك جاساپ، ەكونوميكانىڭ تىڭ ارتۋ تۇيىندەرىن جەتىلدىردى؛ ٴبىر توپ نىسانداردىڭ ”تامىر تارتۋىنا“ مۇمكىندىك جاساپ، دامۋدىڭ جاڭا ارتۋ ۇيەگىن قالىپتاستىردى.

چاپچال سىبە اۆتونوميالى اۋدانى ىلە تيان - ي اۋىل شارۋاشىلىق شەكتى سەرىكتەستىگىنىڭ اۋاسىزداندىرىپ قوراپتاۋ جانە جۇگەرى (كوكونىس) كونسەرۆا ٴوندىرىس جەلىسى نىسانىنىڭ ٴوندىرىس سەحى 

كۇنەس اۋدانى نارات تيانشان قويناۋىنداعى مادەنيەت ـ ساياحات امبەباپ نىسانى قۇرىلىسىنىڭ جۇمىس باسى

كۇنەس اۋدانىنىڭ وسى زامانعى ساپالى تۇقىم جەتىلدىرۋدەن ۇلگى كورسەتۋ باقشاسى قۇرىلىسىنىڭ نىسانى

توعىزتاراۋ اۋدانى بەكىرە زەردەلى بالىق شارۋاشىلىعى جانە مانەرلەۋ عىلىم ـ تەحنيكا كاسىپ باقشاسى  نىسانى قۇرىلىسىنىڭ جۇمىس باسى

چاپچال اۋدانى شينجياڭ جىچىڭشيڭ قۇبىر كاسىبى شەكتى سەرىكتەستىگىنىڭ 300 مىڭ توننالىق بۇراندالى دانەكەرلەۋ قۇبىر ٴوندىرىس جەلىسى مەن 100 مىڭ توننالىق شىرۋدەن ساقتانۋ ٴوندىرىس نىسانىنىڭ ٴوندىرىس سەحى