مەملەكەتتىك حالىق قۇرىلتايىنىڭ ۋاكىلى كۇڭ فيفي:

ەكى ماجىلىستەن ”كوكتەم سامالىن“ اۋىلىما الا كەلدىم

3 - ايدىڭ 15 - كۇنى كۇڭ فيفي (ورتادا) شينجياڭ لانپاي مادەنيەت جاسامپازدىعى كاسىبى شەكتى سەرىكتەستىگىنە بارىپ، كاسىپورىن جۇمىسشى - قىزمەتكەرلەرىمەن پىكىر الماستىرىپ، مەملەكەتتىك ەكى ٴماجىلىستىڭ رۋحىن ۇگىتتەدى.  دۋ لەي فوتوسى

ٴتىلشىمىز دۋ لەي، ەرىكتى تىلشىلەر ۋ يانان، جىڭ فيفي حابارلايدى. ”2024 - جىلعى «ۇكىمەت قىزمەتىنەن باياندامادا» ’مادەنيەت كاسىبىن زور كۇشپەن دامىتۋ‘، ’بەيزاتتىق مادەنيەت مۇرالارىن قورعاۋدى، جالعاستىرۋدى ىلگەرىلەتۋ‘ كەرەكتىگى اتاپ كورسەتىلدى. مەن مەملەكەتتىك ەكى ماجىلىسكە قاتىناسقان كەزىمدە، سىبە كەستەشىلىك كاسىپ باقشاسى نىسانىن اتقارۋ جونىندە ۇسىنىس قويدىم، مەن بۇل قۋانىشتى حاباردى دەرەۋ كاسىپورىنعا جەتكىزەمىن“ دەدى 3 - ايدىڭ 15 - كۇنى بەيجيڭنەن قايتىپ كەلگەن مەملەكەتتىك حالىق قۇرىلتايىنىڭ ۋاكىلى، چاپچال سىبە اۆتونوميالى اۋدانى چاپچال قالاشىعى پارتكومىنىڭ ورىنباسار شۋجيى، قالاشىق باستىعى كۇڭ فيفي شينجياڭ لانپاي مادەنيەت جاسامپازدىعى كاسىبى شەكتى سەرىكتەستىگىنە بارىپ، كاسىپورىن جۇمىسشى - قىزمەتكەرلەرىمەن ەكى ٴماجىلىستىڭ رۋحاني نارىمەن بولىسكەندە.

كاسىپورىننىڭ ٴوندىرىس سەحىنا بارعاندا كۇڭ فيفيدى جۇمىسشىلار جابال قاۋمالاپ الدى. ”كۇڭ ۋاكىل، بىزگە قانداي قۋانىشتى حابار الا كەلدىڭىز؟“، ”وسى رەتكى مەملەكەتتىك ەكى ماجىلىسكە قاتىناسىپ، قانداي تەرەڭ اسەر الدىڭىز؟“ دەپ كوپشىلىك جارىسا ٴوز سۇراۋلارىن ورتاعا قويدى، كۇڭ فيفي بۇعان ٴبىر - بىرلەپ جاۋاپ بەردى. 

بيىل جىل باسىندا كۇڭ فيفي وسى كاسىپورىنعا جانە كوپتەگەن اۋىل ـ قالاشىق، فەرمالارعا تالاي رەت ىشكەرىلەي بارىپ، سىبە ۇلتىنىڭ كەستەشىلىك كاسىبىن دامىتۋ ماسەلەسىنە تەكسەرۋ - زەرتتەۋ جۇرگىزدى ٴارى مەملەكەتتىك ەكى ماجىلىستە سىبە ۇلتىنىڭ كەستەشىلىك كاسىپ باقشاسى نىسانىن اتقارۋ جونىندەگى ۇسىنىسىن العا قويدى، ياعني قازىرگى كەستەشىلىك بايلىعىن بىرىكتىرىپ، ٴوندىرۋ، ۇيرەنۋ، زەرتتەۋدى شوعىرلاندىرىپ، ٴبىر تۇلعالاندىرعان كەستەشىلىك مادەنيەتى جونىندە اۋىس - كۇيىس جاساۋ، زەرتتەۋ - اشۋ ورتالىعىن قۇرىپ، ٴتىپتى دە كوپ ادامدى حالىقتىق ٴداستۇرلى قولونەردى جالعاستىرۋعا جانە وعان جاڭالىق اشۋعا باۋرادى.

كۇڭ فيفي قاراپايىم تىلمەن ٴوزىنىڭ مەملەكەتتىك ەكى ماجىلىستە ەستىگەندەرىن، كورگەندەرىن، سەزىنگەندەرىن كوپشىلىكپەن ٴبولىستى. سونىمەن بىرگە، مادەنيەت كاسىبىن قالاي زور كۇشپەن دامىتۋ سياقتى مازمۇندار جونىندە ەگجەي - تەگجەيلى تۇسىنىك جاسادى.

شينجياڭ لانپاي مادەنيەت جاسامپازدىعى كاسىبى شەكتى سەرىكتەستىگى پارتيا ياچەيكاسىنىڭ شۋجيى، باس ديرەكتورى دۇڭ لان بىلاي دەدى: ”ۋاكىل كۇڭ فيفي بىزگە ەكى ٴماجىلىستىڭ رۋحىن ۇگىتتەدى، اسىرەسە، بەيزاتتىق مادەنيەت مۇرالارىن قورعاۋدى، جالعاستىرۋدى ىلگەرىلەتۋدى تىلگە تيەك ەتىپ، كاسىپورىندى زورايتۋ، الۋەتتەندىرۋ سەنىمىمىزدى كۇشەيتتى. ٴبىز كاسىپورنىمىزدىڭ وزىندىك باسىمدىعىن ۇزدىكسىز ساۋلەلەندىرىپ، ٴتىپتى دە كوپ قولونەرشىلەردى ەرەكشەلىككە يە ايگىلى مادەنيەت كاسىبىن قۇرۋعا جەتەكتەيمىز. ’مادەنيەت، ساياحات + كاسىپ سالاسى + شەبەرحانا‘ سىندى مادەنيەت پەن ساياحاتتى توعىستىرىپ، تۇتىنۋدى سەزىنۋ ارقىلى ۇلتتىق ٴداستۇرلى مادەنيەتتى قورعاۋدى جانە جالعاستىرۋدى ىلگەرىلەتىپ، جۇڭحۋانىڭ ٴداستۇرلى قولونەرىنىڭ گۇلدەنۋىن جەبەيمىز“.

كۇڭ فيفي بىلاي دەپ تانىستىردى: بيىلعى مەملەكەتتىك ەكى ٴماجىلىس كەزىندە شينجياڭ اۋەلگىدەي ٴار سالا نازار اۋدارعان ٴتۇيىن بولدى. 3 - ايدىڭ 7 - كۇنى تۇستەن بۇرىن شينجياڭ ۋاكىلدەر ۇيىرمەسى اراعا 4 جىل سالىپ ۇيىرمەنى اشىق ۇستاۋ كۇنى قيمىلىن تاعى دا وتكىزدى، 64 جۇڭگولىق، شەتەلدىك اقپارات قۇرالىنىڭ 135 ٴتىلشىسى ناق مايدانعا بارىپ تىلشىلىك ىستەپ، شينجياڭنىڭ تاماشا حيكايالارىن، جاقسى ٴۇنىن تىڭدادى. وسى كەزدە 10 ۋاكىل 2 ساعاتتان استام ۋاقىت تارتىمدى جاۋاپ قايتارىپ، ەگجەي ـ تەگجەيلى ساندى مالىمەتتەردى مىسالعا الىپ، ناقتى مىسالداردى تانىستىرىپ، ورىندى، دالەلدى، ۇيلەسىمدى تۇردە شينجياڭنىڭ اشىق، سەنىمدى، بۇكپەسىز، ەكپىندەي ىلگەرىلەگەن جاڭا بەينەسىن تولىق ايگىلەدى.

كۇڭ فيفي بىلاي دەدى: ”بيىل بەيجيڭگە بارىپ ەكى ماجىلىسكە قاتىناسقانىمدا كوڭىل كۇي جاعىندا ايرىقشا تەبىرەنىستە بولىپ، مىناداي تەرەڭ اسەر الدىم: بىرىنشىدەن، قىزمەت بايانداماسى ايرىقشا تارتىمدى بولدى. مەيلى «ۇكىمەت قىزمەتىنەن بايانداما»، «مەملەكەتتىك حالىق قۇرىلتايى تۇراقتى كوميتەتىنىڭ قىزمەت بايانداماسى» بولسىن، الدە «ەڭ جوعارى حالىق سوتى مەكەمەسىنىڭ قىزمەت بايانداماسى»، «ەڭ جوعارى حالىق پروكۋراتۋراسىنىڭ قىزمەت بايانداماسى» بولسىن حالىق تۇرمىسىن قامتاماسىزداندىرۋ مەن جاقسارتۋ باياندامانىڭ ٴارقايسى بولەكتەرىنە سىڭىرىلگەن. ەكىنشىدەن، اناعۇرلىم سەنىمدى، اشىق، بايسالدى، بەرىك شينجياڭ بەينەسىن كورە بىلدىك. بيىلعى ەكى ماجىلىستە ٴار دارەجەلى، ٴار تۇردەگى تىلشىلىك وتە كوپ بولدى، جۇڭگولىق، شەتەلدىك اقپارات قۇرالدارىنىڭ تىلشىلەرى الدىندا ۋاكىلدەر ’شينجياڭ بۇقارا ناقتى تيىمدىلىگىن شىنايى سەزىنە الاتىن حالىق تۇرمىسىنا  ٴتيىمدى ٴبىر توپ ناقتى ىستەردى ىستەدى‘ دەپ ايبىندى جاۋاپ قايتاردى، بۇل شينجياڭنىڭ ەسىك اشۋ سەنىمىن ايگىلەدى. ۇشىنشىدەن، ۇسىنىس - پىكىرلەردە، كەڭەستىك جوبالاردا بولسىن، نازار جوعارى ساپالى دامۋ مەن حالىق تۇرمىسىنداعى قولامتالى تۇيىندەرگە اناعۇرلىم شوعىرلاندى. ۋاكىلدەر ۇسىنعان كەڭەستىك جوبالار، ۇسىنىس - پىكىرلەر حالىق تۇرمىسىن قامتاماسىز ەتۋ، اۋىل - قىستاقتى گۇلدەندىرۋ، سونداي - اق بۇقارا جاپپاي نازار اۋدارعان حالىق تۇرمىسى ماسەلەلەرىندە ٴتۇيىندى ارقاۋ ەتىپ اقىل - كەڭەس بەرىپ، حالىق بۇقاراسىنىڭ ارمانىن جانە تالاپ - تىلەگىن شوعىرلى بەينەلەپ، حالىق بۇقاراسىنىڭ اقىل - پاراساتى مەن كۇش - قۋاتىن ۇيىستىردى“.

كۇڭ فيفي مىنانى ٴبىلدىردى: ”قازىر مەن قىزمەت ورنىما قايتىپ كەلدىم، ەڭ باستىسى، مەن مەملەكەتتىك ەكى ٴماجىلىستىڭ رۋحىن ويداعىداي تياناقتاندىرىپ، پارتيانىڭ ٴۇنىن بارشا وتباسىلارىنا جەتكىزۋىم كەرەك. مەن بۇقارا ۇناتا تىڭداپ، قۇمارتا كورەتىن تاسىلمەن ەكى ٴماجىلىستىڭ رۋحىن ويداعىداي ۇگىتتەپ، باس شۋجي شي جينپيڭنىڭ ماڭىزدى ٴسوزىنىڭ رۋحىن، نەگىزگى ساتىداعى كادرلار مەن بۇقاراعا تاپسىرماسىن جانە ەكى ماجىلىسكە قاتىناسقانداعى اسەرىمدى اۋىلداستارىما ويداعىداي جەتكىزەمىن. سونىمەن بىرگە، قىزمەت ورنىمدى تياناق ەتىپ، نەگىزگى ساتىدا قىزمەت ىستەگەن باسىمدىعىمدى ساۋلەلەندىرىپ، باياندامادا العا قويىلعان حالىق تۇرمىسىنا قاتىستى شارالاردى ويداعىداي اتقارىپ، بۇقارانى ابزال ساياساتتىڭ پايداسىنان يگىلىكتەندىرۋگە كۇش سالامىن“.