ٴتىلشىمىز حى رۇڭ موڭعۇلكۇرەدەن حابارلايدى. تاياۋدا موڭعۇلكۇرە اۋدانى قاراسۋ قالاشىعى اۋىل شارۋاشىلىق تەحنيكاسىن جالپىلاستىرۋ پۋنكتى اۋىل شارۋاشىلىق ماشينالارى تەحنيكتەرىن ۇيىمداستىرىپ، وسى قالاشىقتاعى اۋىل شارۋاشىلىق ماشينالارى ٴىرى وتباسىلارىنا بارىپ، ولاردىڭ اۋىل شارۋاشىلىق ماشينالارىن تەكسەرىپ جوندەۋىنە، كۇتىمدەۋىنە جانە سىناقتان وتكىزۋىنە ٴارى قىستا بىرنەشە اي بوس تۇرعان اۋىل شارۋاشىلىق ماشينالارى مەن جابدىقتارعا تەكسەرۋ جۇرگىزۋىنە جەتەكشىلىك ەتىپ، كوكتەمگى ەگىس وندىرىسىنە ساقاداي سايلاندى.

”تەحنيكتەر اۋىل شارۋاشىلىعى ماشينالارىمدى تەكسەرۋىمە كومەكتەسىپ قانا قويماي، ماعان جوندەۋ، كۇتىمدەۋ بىلىمدەرىن دە ۇيرەتتى، ەگىس ماشينالارىمىزدى تۇگەلدەي تەكسەرىپ جوندەپ بولدىق“ دەدى قاراسۋ قالاشىعى تاسارنا قىستاعىنىڭ تۇرعىنى جاڭ جۇنكۇي.

تۇتاس جىلدا اۋىل شارۋاشىلىق ٴوندىرىسىنىڭ ٴساتتى باستالۋىنا كەپىلدىك ەتۋ ٴۇشىن، بىرنەشە كۇننەن بەرى موڭعۇلكۇرە اۋدانىنىڭ ٴارقايسى اۋىل ـ قالاشىقتارى، قاتىستى تاراۋلار بارشا پارتيالى كادرلار مەن اۋىل شارۋاشىلىق ماشينالارى تەحنيكتەرىن ۇيىمداستىرىپ، اتتانىسقا كەلتىرىپ، اۋىل شارۋاشىلىق ماشينالارىن تەكسەرۋ ـ جوندەۋ، اۋىل شارۋاشىلىق ٴوندىرىس قۇرال ـ جابدىقتارىن زاپاس ساقتاۋ سياقتى جاقتاردان جاپپاي قىزمەت وتەپ، شارۋالاردىڭ اۋىل شارۋاشىلىق وندىرىسىندە جولىققان ٴىس جۇزىندىك ماسەلەلەرىن شەشۋىنە كومەكتەستى. كوكتەمگى ەگىس ازىرلىگى قىزمەتىنىڭ بارلىق شارۋاسىن ويداعىداي ىستەپ، اۋىل شارۋاشىلىعىنىڭ ”نەگىزگى جاعدايىن“ ورنىقتىرۋعا كەپىلدىك ەتتى.

اۋىل شارۋاشىلىق ماشينالارى تەحنيكتەرى وتباسىلارىن ارالاپ، قىستاق تۇرعىندارىنىڭ ٴتۇرلى اۋىل شارۋاشىلىق ماشينالارىن تەكسەرىپ، بۇلىنگەن بولشەكتەرىن اۋىستىرىپ، موتوردى جۋىپ، تەكسەرۋگە تيىستىلەرىن تۇگەل تەكسەرىپ، اۋىستىرۋعا تيىستىلەرىن تۇگەل اۋىستىرىپ، اۋىل شارۋاشىلىق ماشينالارىنىڭ كوكتەمگى ٴوندىرىستىڭ شەشۋشى ساتىندە الاڭسىز پايدالانىلۋىنا شىنايى كەپىلدىك ەتتى.

قاراسۋ قالاشىعىنىڭ ورىنباسار باستىعى فان ليمين بىلاي دەدى: ”ك−وكتەمگى وندىرىستەن كۇزگى جيىن ـ تەرىنگە دەيىنگى جالپى بارىستا قالاشىعىمىز تەحنيكالىق جاقتان جەتەكشىلىك ەتۋ، ساياساتتى ۇگىتتەۋ، زاتتىق ماتەريالداردى زاپاس ساقتاۋ، اۋىل شارۋاشىلىعى ماشينالارىن تەكسەرۋ ـ جوندەۋ سياقتى قىزمەتتەردى تىڭعىلىقتى ويداعىداي ىستەپ، كوكتەمگى اۋىل شارۋاشىلىعى ٴوندىرىسىن ورنىقتى ىلگەرىلەتىپ، قىستاق تۇرعىندارىنىڭ ٴونىمدى ارتتىرىپ، كىرىستى ارتتىرۋىنا دەم بەرىپ كەلەدى“.

موڭعۇلكۇرە اۋدانى اقسۋ اۋىلى اۋداندىق اۋىل شارۋاشىلىعى جالپىلىق زاڭ اتقارۋ ۇلكەن اترەتىن اۋىل شارۋاشىلىق ماشينالارىن ت−ەكسەرىپ - بەكىتۋ قيمىلىن ورىستەتۋگە ۇسىنىس ەتىپ، اۋىل شارۋاشىلىق ماشينالارى شوفەرلەرىنىڭ ”ٴبىر پۋنكت ۇلگىسىندەگى“ اۋىل شارۋاشىلىق ماشينالارىن جىلدىق تەكسەرتىپ - سارالاتۋىنا مۇمكىندىك جاراتىپ، كوكتەمگى ەگىس وندىرىسىنە دەم بەردى. قىزمەتكەرلەر قاتاڭ تەكسەرۋ ٴتارتىبى مەن ولشەمى بويىنشا اۋىل شارۋاشىلىق ماشينالارىنىڭ سىرتقى كورىنىسى، شىراعى، تورموز سياقتىلاردى ٴتۇيىندى تۇردە تەكسەرىپ، تىزىمدەپ، اۋىل شارۋاشىلىق ماشينالارىنىڭ شوفەرلىق كۋالىگىن مۇقيات سالىستىرىپ، بارلىق اۋىل شارۋاشىلىق ماشينالارىنان جابدىق، شوفەر، كۋالىك سياقتىلاردىڭ ٴبارى دە تولىق بولۋىنا كەپىلدىك ەتتى.