ٴتىلشىمىز لي يافىڭ حابارلايدى. ”ۇكىمەتتىڭ سۇيەمەلدەۋىندە ٴبىز قارجى قۇراۋ قيىن، كولەمى شاعىن بولۋ، جابدىقتاردىڭ كونەرۋ سياقتى ماسەلەلەردى جەڭىپ، ورنىقتى دامۋدى جۇزەگە اسىردىق. وسىنشاما تاماشا شارۋاشىلىق - ساۋدا ورتاسى كاسىپورنىمىزدى زورايتۋ، الۋەتتەندىرۋ سەنىمىمىزدى نىعايتتى“ دەدى 4 - ايدىڭ 18 - كۇنى شينجياڭ شيمۋيۋان ازىق ـ تۇلىك شەكتى سەرىكتەستىگىنىڭ القا باستىعى جۋ تيڭشين ماقتانىشپەن.

جۋ تيڭشين تىلگە تيەك ەتىپ وتىرعان تاماشا شارۋاشىلىق - ساۋدا ورتاسى − بيىل ىلە وبلىسى ”شارۋاشىلىق - ساۋدا ورتاسىن جاقسارتۋ جىلى“ قيمىلىن ىشكەرىلەي ورىستەتىپ، ساياسات جاعىنان دالمە - ٴدال قامداۋدى كۇشەيتىپ، ٴتۇيىندى سالالاردان قامال الۋدى، ناتيجە جاراتۋدى ىلگەرىلەتىپ، شارۋاشىلىق - ساۋدا ورتاسىنداعى كورنەكتى ماسەلەلەردى ارناۋلى رەتتەپ - وڭاپ، بازار تۇلعالارىن جەتىلدىرىپ، ”شارۋاشىلىق قۇرۋ، جاڭالىق اشۋ“ ومىرشەڭدىك كۇشىن قاۋلاتىپ، بازارلانعان، زاڭمەن باسقارىلاتىن، حالىقارالانعان ماڭداي الدى شارۋاشىلىق - ساۋدا ورتاسىن كۇش سالا قالىپتاستىرعاندىعىنىڭ ىقشام كورىنىسى.

3 - ايدىڭ سوڭىنا دەيىن ىلە وبلىسىنا توتە قاراستى ورىندار بويىنشا جالپى 256 مىڭ 100 ٴتۇرلى بازار تۇلعاسى تىركەلدى، تىزىمدەلدى، بۇل بىلتىرعى سايكەس مەزگىلدەگىدەن %7 ارتتى، ٴتۇرلى بازار تۇلعالارى تىركەۋگە الدىرىپ تاپسىرعان كاپيتال قارجىسى 533 ميلليارد 448 ميلليون يۋان بولىپ، بىلتىرعى سايكەس مەزگىلدەگىدەن 32 ميلليارد 486 ميلليون يۋان ارتىپ، دامۋدىڭ وراسان زور ومىرشەڭدىك كۇشىن ايگىلەدى.

تاماشا شارۋاشىلىق - ساۋدا ورتاسى وندىرگىش كۇش قانا ەمەس، ونان دا ماڭىزدىسى باسەكەلىك قۋات. وبلىستىق پارتكوم مەن ۇكىمەت 2024 - جىلدى ”شارۋاشىلىق - ساۋدا ورتاسىن جاقسارتۋ جىلى“ ەتىپ بەلگىلەپ، ”ٴتۇيىندى وڭىرلەر رەفورماسىن، كاسىپورىندارعا كومەكتەسۋدى، قىزمەت وتەۋدى كۇشەيتۋ، سيفرلى ۇكىمەت قۇرىلىسى، سەنىمدى ۇكىمەت قۇرىلىسى، زاڭمەن باسقارىلاتىن ۇكىمەت قۇرىلىسى، ٴتۇيىندى سالالار رەفورماسى“ سىندى 6 جاقتى قامال الۋ ٴتۇيىنى ەتىپ، ىلە وبلىسىنا توتە قاراستى ورىندارداعى بازارلاردىڭ ومىرشەڭدىك كۇشى مەن قوعامنىڭ جاسامپازدىق قۋاتىن كۇش سالا جانداندىرىپ، ”ساياسات تابىستى، كوڭىل تىلەكتەس، جول اشىق، قازىنا ىركىلىسسىز“ شارۋاشىلىق - ساۋدا ورتاسىن جەدەل قالىپتاستىرىپ، ىلە وبلىسىنىڭ ساياساتى ۇيلەسىمدى، حالقى بەرەكەلى، ساۋداگەرلەردى قۇرمەتتەيتىن، ايالايتىن، شارۋاشىلىعى شالقىعان تاماشا جەرگە اينالۋىن ىلگەرىلەتتى.

وبلىستىق دامۋ جانە رەفورما كوميتەتى شارۋاشىلىق - ساۋدا ورتاسىن ساپالىلاندىرۋ قىزمەتىندە باستاماشى ورىن رەتىندە، وبلىستىق پارتكوم مەن ۇكىمەتتىڭ شارۋاشىلىق - ساۋدا ورتاسىن ساپالىلاندىرۋ قىزمەتى جونىندەگى ورنالاستىرۋلارىن تياناقتاندىرۋدى بەلسەنە ىلگەرىلەتىپ، باستاماشىلدىقپەن يگەرۋ رولىن تولىق ساۋلەلەندىرىپ، ىلە وبلىسىنا توتە قاراستى ورىنداردىڭ 2024 - جىلعى شارۋاشىلىق - ساۋدا ورتاسى جانە ساۋداگەر شاقىرىپ، قارجى ەنگىزۋ جينالىسىنا باستاماشىلدىقپەن دايىندالدى جانە ونى ٴساتتى اشتى. قاتىستى تاراۋلارمەن بىرگە ٴىشىنارا اۋدان، قالالاردىڭ اكىمشىلىك قىزمەت وتەۋ زالى جانە وبلىسقا توتە قاراستى ورىندارداعى بانكە قۇرىلىمدارى، قامسىزداندىرۋ قۇرىلىمدارى سياقتىلارعا بارىپ باستاماشىلىقپەن تەكسەرۋ - زەرتتەۋ جۇرگىزىپ، ”بازارلانعان، زاڭمەن باسقارىلاتىن، حالىقارالانعان شارۋاشىلىق - ساۋدا ورتاسىن بەلسەنە قالىپتاستىرۋدى“ ارقاۋ ەتىپ، ”فينانستىق قىزمەت وتەۋ، سەنىمدىلىكتى جوعارىلاتۋ، ايگىلى ماركا جاراتىپ، دەڭگەيىن جوعارىلاتۋدى جەبەۋ، ساياساتتى ۇگىتتەۋ، كاسىپورىندارعا كومەكتەسۋ، قىزمەت وتەۋ، دارىندىلار تىرەگى، ۇلگى ورناتىپ، دەڭگەيىن جوعارىلاتۋدى جەبەۋ، ونىمدىلىكتى جوعارىلاتۋ، ۇقىق - مۇددەنى قورعاۋ، سيفرلىق قۋات ۇستەۋ“ سىندى ون ٴىرى ارەكەتتى تىڭعىلىقتى ىلگەرىلەتىپ، وبلىسقا توتە قاراستى ورىنداردىڭ بازار ومىرشەڭدىك كۇشى مەن قوعامدىق جاسامپازدىق قۋاتىن بارىنشا جانداندىرىپ، جۇمىس ٴتارتىبىن بارىنشا ىقشامداپ، قىزمەت وتەۋدى ساپالىلاندىرىپ، ونىمدىلىكتى جوعارىلاتىپ، كاسىپورىندار مەن بۇقارانىڭ ٴىس بىتىرۋىنە قولايلىلىق جاساۋ دارەجەسىن ۇزدىكسىز جوعارىلاتتى.

وبلىس، اۋدان ەكى دارەجەلى قوعامدىق سەنىمدىلىك ينفورماتسياسىنان بىرگە يگىلىكتەنۋ تۇعىرى جۇيەسىن قۇرىپ جانە كەمەلدەندىرىپ، مەملەكەت، اۆتونوميالى رايون، اۆتونوميالى وبلىس، اۋدان، قالا سىندى ٴتورت دارەجەلى تۇعىردى ٴوزارا تۇتاستىرۋدى، ينفورماتسيادان بىرگە يگىلىكتەنۋدى جۇزەگە اسىرىپ، جەتى ٴتۇرلى اكىمشىلىك باسقارۋ ينفورماتسياسىن، ەرەكشە ينفورماتسيانى، سەنىمدىلىك ۋادەسىن جيناقتاۋدى، بىرگە يگىلىكتەنۋدى، اشىق جاريالاۋدى جەدەل ىلگەرىلەتىپ، رايون، تاراۋ، كاسىپ اتتاعان سەنىمدىلىك ينفورماتسياسىن اۋىستىرۋدى، ودان بىرگە يگىلىكتەنۋدى جانە ٴوزارا تۇتاستىرۋدى ىلگەرىلەتتى. بازار تۇلعالارىنىڭ شينجياڭنىڭ ”سەنىمدى قارىز اقشا“ تۇعىرىنا كىرۋىن بار كۇشپەن ىلگەرىلەتىپ، ورتا، شاعىن كاسىپورىنداردىڭ قارجى قۇراۋ قيىن بولۋ ماسەلەسىن شەشۋىنە بارىنشا دەم بەردى. 3 - ايدىڭ سوڭىنا دەيىن جيىنى ٴبىر ميلليون 36 مىڭ 700 سەنىمدىلىك ينفورماتسياسىن جيناقتاپ جولدادى، 89 بانكە (تارماق بانكەنى قامتيدى) 79 مىڭ 715 بازار تۇلعاسى وسى تۇعىرعا ورنالاستى، بانكە سالاسىنىڭ فينانس قۇرىلىمى جيىنى 856 رەت سەنىمدىلىك بەردى، سەنىمدىلىك سوماسى 2 ميلليارد 140 ميلليون يۋان بولدى، 389 رەتتە 525 ميلليون يۋان قارىز اقشا تاراتتى.

وبلىستىق دامۋ جانە رەفورما كوميتەتى زاڭ - ەرەجە باسقارماسىنىڭ باستىعى شىڭ يۇيبين بىلاي دەپ تانىستىردى: ”ساندى مالىمەتتەردى كوپتەپ ىسكە قوسۋ، بۇقارانى از سابىلتۋ“ ۇستانىمىنان جازباي، ەلەكتر قۋاتى سالاسىندا شارۋاشىلىق - ساۋدا ورتاسىن ۇزدىكسىز ساپالىلاندىرىپ، تۇرعىنداردىڭ ”ٴبىر كۋالىكپەن ەلەكترگە قاتىستى جۇمىستى ٴبىتىرۋىن“، كاسىپورىن تۇتىنۋشىلارىنىڭ ”ٴبىر كۋالىكپەن ەلەكترگە قاتىستى جۇمىستى ٴبىتىرۋىن“ جۇزەگە اسىردى. ىلە وبلىسىنا توتە قاراستى اۋدان، قالالاردىڭ اكىمشىلىك قىزمەت وتەۋ زالىندا ەلەكترمەن قامداۋعا قىزمەت وتەۋى جونىندەگى ٴبىر جاقتى ەتۋ تەرەزەسىن جاپپاي قامتۋدى جۇزەگە اسىردى. بۇدان كەيىن ”شارۋاشىلىق - ساۋدا ورتاسىن جاقسارتۋ جىلى“ قيمىلىن كۇش سالا ورىستەتىپ، شارۋاشىلىق - ساۋدا ورتاسىنان قامال الۋ ارناۋلى ارەكەتىن ىشكەرىلەي ىلگەرىلەتىپ، ”تومەنگە بەرۋ“ جاعىندا قامال الۋدى يگەرۋگە، ”باسقارۋ“ جاعىندا سەرپىندى ارتتىرۋعا، ”قىزمەت وتەۋ“ جاعىندا ونىمدىلىكتى جوعارىلاتۋعا كۇش سالىپ، بار كۇشپەن سىزداۋ تۇيىندەرىن الاستاپ، بوگەتتى تۇيىندەردى اشىپ، قيىن تۇيىندەردەن قامال الىپ، رەفورما جاساۋ، جاڭالىق اشۋدىڭ ساپاسى مەن ونىمدىلىگىن جاپپاي جوعارىلاتىپ، باۋراۋ قۋاتى، باسەكەلىك قۋاتى اناعۇرلىم كۇشتى بازارلانعان، زاڭمەن باسقارىلاتىن، حالىقارالانعان ماڭداي الدى شارۋاشىلىق - ساۋدا ورتاسىن جاپپاي قۇرىپ، ىلە وبلىسى ەكونوميكاسىنىڭ، قوعامىنىڭ جوعارى ساپالى دامۋىنا پارمەندى تىرەك جانە كەپىلدىك ازىرلەيمىز.