وبلىستىق ايەلدەر بىرلەستىگى، وبلىستىق دەنە تاربيە مەكەمەسى حالىقارالىق وتباسى كۇنى بايلانىسىمەن جەلىلەس قيمىلدار وتكىزدى

تىلشىلەرىمىز مىڭ شيا، شىن شياۋمىڭ، گۋ رۇڭ حابارلايدى. ”وتباسى − ەڭ شاعىن مەملەكەت، مەملەكەت سان مىڭداعان وتباسىنان قۇرالادى“. 5 ـ ايدىڭ 15 ـ كۇنى حالىقارالىق وتباسى كۇنى قارساڭىندا تاماشا وتباسى سالتىن، جۇڭحۋا ۇلتىنىڭ ٴداستۇرلى تاماشا ٴمورالىن بارىنشا ساۋلەلەندىرۋ، تۇتاس قوعامدا جاڭا داۋىردەگى وتباسى كوزقاراسىن ورناتۋدى دارىپتەپ، وتباسى تاربيەسىنە، وتباسى سالتىنا ٴمان بەرەتىن قويۋ اۋان قالىپتاستىرۋ ٴۇشىن 5 ـ ايدىڭ 11 ـ، 12 ـ كۇندەرى ىلە وبلىستىق ايەلدەر بىرلەستىگى مەن ىلە وبلىستىق دەنە تاربيە مەكەمەسى بىرلەسىپ حالىقارالىق وتباسى كۇنى بايلانىسىمەن جەلىلەس قيمىلدار ۇيىمداستىردى.

5 - ايدىڭ 11 - كۇنى وبلىستىق ايەلدەر بىرلەستىگىنىڭ، وبلىستىق دەنە تاربيە مەكەمەسىنىڭ پارتيالى كادرلارى ٴتۇسىندىرۋشىنىڭ باستاۋىندا ىلە قازاق اۆتونوميالى وبلىسىنىڭ ”انار گۇلى“ وتباسى تاربيەسى، وتباسى سالتى تاربيە بازاسىن ەكسكۋرسيالادى. كوپشىلىك تۇسىندىرمەنى دەن قويا تىڭداپ، كورمە تاقتاسىن مۇقيات كورىپ، ايگىلى ادامداردىڭ ىزگى ىستەرىن، وتباسى تاربيەسىندەگى حيكايالارىن تىڭداپ، جۇڭگونىڭ ٴداستۇرلى مادەنيەتى مەن وتباسى سالتى مادەنيەتىنىڭ ارىدان باستاۋ العانىن سەزىنىپ، پاك وتباسى مەن وتباسى سالتىنا، وتباسى تاربيەسىنە مۇراگەرلىك ەتۋدىڭ ۇلى ٴمانىن ٴتۇسىندى. قيمىل بارىسىندا بارلىق قىزمەتكەر ميكرو پارتيا ساباعىن تىڭداپ، ساقتاندىرۋ تاربيەسى فيلمىن كورىپ، پاك وتباسى ۋادەناماسىنا قول قويدى. پارتيالى كادرلار وتباسى سالتى قۇرىلىسىن ارقاۋ ەتىپ، پىكىر اۋىستىرىپ، ٴسوز سويلەپ، تاڭداۋلى وتباسى تاربيەسى، وتباسى سالتى جونىندەگى اسەرلەرىن ٴبولىستى.

5 - ايدىڭ 12 - كۇنى ىلە وبلىستىق ايەلدەر بىرلەستىگى ۇيىمداستىرعان ”وتباسى تاربيەسىمەن جۇرەككە ٴنار قۇيىپ، بىرگە ەسەيىپ ـ ەرجەتەيىك“ اتىنداعى اتا - انالار مەن بالالار جونىندەگى قيمىل ىلە قازاق اۆتونوميالى وبلىسىنىڭ ”انار گۇلى“ وتباسى تاربيەسى، وتباسى سالتى تاربيە بازاسىندا باستالدى، قيمىل ىلە وبلىستىق دەنە تاربيە مەكەمەسى مەن وبلىستىق ايەلدەر بىرلەستىگىنىڭ قۇلجا قالاسى قازانشى كوشەسى ايدوڭ الەۋمەتتىك اۋماعىندا تۇراتىن قىزمەت اترەتىنىڭ زور كۇشپەن قولداۋىندا ٴوتتى. ايدوڭ الەۋمەتتىك اۋماعىنان كەلگەن 20 جۇپ اتا - انا مەن بالالار ۋاكىلى ۇلى ادامداردىڭ، ماڭايىنداعى تيپتىك ”ەڭ ارداقتى وتباسىنىڭ“ ناقتى اڭگىمەلەرىن ۇعىسۋ ارقىلى تاماشا وتباسى سالتىنىڭ قۇدىرەتىن سەزىنىپ، ٴمورالدى قاستەرلەپ، ىزگىلىككە تالپىنۋدىڭ ىشكى قوزعاۋشى كۇشىن قاۋلاتتى.

 بۇپادام مامەت بىلاي دەدى: ”بۇل قيمىل وتە جاقسى بولدى، اتا ـ انالار مەن بالالار قارىم ـ قاتىناسىن نىعايتۋمەن بىرگە، تاماشا وتباسى سالتىن جالعاستىرۋدىڭ ماڭىزدىلىعىن دا تانىدىق“.

وبلىستىق ايەلدەر بىرلەستىگىنىڭ، وبلىستىق دەنە تاربيە مەكەمەسىنىڭ پارتيالى كادرلارى ىلە وبلىسى ”انار گۇلى“ وتباسى تاربيەسى، وتباسى سالتى تاربيە بازاسىن ەكسكۋرسيالادى.  سۋرەتتى شىن شياۋمىڭ تۇسىرگەن