ەرىكتى ٴتىلشى جىڭ حۋايشيا حابارلايدى. سوڭعى جىلداردان بەرى ىلە وبلىستىق پارتكوم مەن ۇكىمەت قالا - قالاشىقتارداعى كونە، ەسكى شاعىن اۋماقتاردى وزگەرتۋدى ٴتۇيىندى حالىق تۇرمىسى ينجەنەرياسى ەتتى. ىلە وبلىستىق تۇرعىن ٴۇي جانە قالا - اۋىل قۇرىلىسى مەكەمەسى بۇقارانىڭ ٴىس جۇزىندىك قاجەتىن شىعار ٴتۇيىن ەتىپ، قالا - قالاشىقتارداعى كونە، ەسكى شاعىن اۋماقتاردى وزگەرتۋ سىندى حالىق تۇرمىسى ينجەنەرياسىنىڭ قارقىنىن جەدەلدەتىپ، ساپاسىن جوعارىلاتۋدى بار كۇشپەن ىلگەرىلەتىپ، بۇقارانىڭ قونىستانۋ ورتاسىن كۇش سالا جاقسارتىپ، حالىق بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز جوعارىلاتتى.

2019 - جىلدان 2023 - جىلعا دەيىن ىلە وبلىسىنا توتە قاراستى ورىندار قالا - قالاشىقتارداعى ٴبىر مىڭ 76 كونە، ەسكى شاعىن اۋماقتى وزگەرتىپ جاساپ، مۇنان 106 مىڭ وتباسىنداعى 300 مىڭعا تاياۋ ادام يگىلىكتەندى. كونەرگەن جانە كومەسكى قاتەر ورىن تەپكەن تابيعي گاز قۇبىر تورابى، سۋمەن قامداۋ، سۋ ىعىستىرۋ، جىلۋمەن قامداۋ، ەلەكترمەن قامداۋ سياقتى قۇبىر لەنياسىنان 677 مىڭ مەترىن جاڭالاپ، وزگەرتىپ، 10 مىڭ اۆتوموبيل توقتاتۋ ورنىن تىڭنان قۇرىپ، قارتتاردى كۇتىمدەۋ، اماناتتاپ تاربيەلەۋ، حالىققا قولايلى بازار سياقتى الەۋمەتتىك اۋماقتاردىڭ قىزمەت وتەۋ قۇرىلعىلارىن 130 عا جەتكىزدى.

حالىق تۇرمىسى نىساندارىن دانەكەر ەتىپ، تۇرعىنداردىڭ تاماشا تۇرمىسىنىڭ باقىتتى كارتيناسىن سالدى. ىلە وبلىستىق تۇرعىن ٴۇي جانە قالا - اۋىل قۇرىلىسى مەكەمەسى بيىل قالا ـ قالاشىقتارداعى 99 كونە، ەسكى شاعىن اۋماقتارداعى 15 مىڭ 737 ٴۇيدى وزگەرتۋ جوسپارىن شىنايى ويداعىداي يگەرىپ، وزگەرتىلگەن شاعىن اۋماقتاردى ”قايتا قاداعالاپ“، ولقىلىقتاردى تولىقتاپ، باياندى باسقارۋ مەحانيزمىن قالىپتاستىرماقشى؛ كەلەر جىلعى وزگەرتۋ جوسپارىن مەرزىمنەن بۇرىن ورنالاستىرىپ، شارتقا سايكەس كەلەتىن قالا - قالاشىقتارداعى كونە، ەسكى شاعىن اۋماقتاردى وزگەرتۋ جوسپارىنا ەنگىزىپ، وزگەرتۋگە تيىستىلەرىن مۇمكىندىگىنشە وزگەرتىپ، وسى ماڭىزدى ”حالىق تۇرمىسى ينجەنەرياسىن“، ”دامۋ ينجەنەرياسىن“ بۇقارانىڭ ”حالىق تىلەگى ينجەنەرياسىنا“ اينالدىرماقشى.