ەرىكتى تىلشىلەر دۇڭ جىجيە، جاڭ ياڭ حابارلايدى. كوپ نەگىزدى قامداپ، كوپ ارنالى قامتاماسىزداندىراتىن، مايعا بەرۋ مەن ساتىپ الۋ قاتار اتقارىلاتىن تۇرعىن ۇيمەن قامتاماسىزداندىرۋ ٴتۇزىمىن اقاۋسىزداندىرىپ، ەڭبەكاقى الاتىن قاۋىمنىڭ تۇرعىن ٴۇي الۋى قيىن بولۋ ماسەلەسىن كۇش سالا شەشۋ ٴۇشىن، قورعاس قالاسى قامتاماسىزداندىرۋ سيپاتتى تۇرعىن ٴۇي قۇرىلىسىن تىڭعىلىقتى ىلگەرىلەتىپ، قورعاستىڭ وڭتۇستىك كاسىپ باقشاسى رايونىنداعى قامتاماسىزداندىرۋ سيپاتتى مايعا بەرىلەتىن 990 تۇرعىن ٴۇيدى بيىل پايدالانۋعا بەرمەكشى.

قورعاستىڭ وڭتۇستىك  كاسىپ باقشاسى رايونىنداعى قامتاماسىزداندىرۋ سيپاتتى مايعا بەرىلەتىن تۇرعىن ٴۇي قۇرىلىسى نىسانىنا بارساڭىز،  قالىڭ ەڭسەلى قۇرىلىستاردى، بولات شىبىقتاردى بايلاۋ، سەمەنت قۇيۋ سياقتى جۇمىستارمەن قاربالاس بولىپ جاتقان جۇمىسشىلاردىڭ دۋماندى بەينەسىن كورەسىز.

قورعاستىڭ وڭتۇستىك كاسىپ باقشاسى رايونىنداعى قامتاماسىزداندىرۋ سيپاتتى مايعا بەرىلەتىن تۇرعىن ٴۇي قۇرىلىسى نىسانىنىڭ جاۋاپتىسى چىن جينپيڭ بىلاي دەدى: ”نىساندا جالپى 20 عيمارات، 990 ٴۇي بار، جەكە ـ جەكە 5 قابات، 8 قابات، 12 قابات بويىنشا سالىنادى. قازىر 12 عيماراتتىڭ توبەسى جابىلدى، ەكىنشى رەتكى قۇرىلىمنىڭ %90 ى ورىندالدى، قالعان 8 عيماراتتىڭ نەگىزگى تۇلعاسىنىڭ ۇشتەن ەكىسى ورىندالدى، كەلەسى ايدىڭ باسىنان باستاپ اشەكەيلەۋ جانە عيماراتتىڭ سىرتقى جۇمىستارى باستالادى. بۇل نىسان ەكى توپقا  ٴبولىنىپ تاپسىرىلادى، ٴبىرىنشى توپتاعى 9 عيماراتقا 10 - ايدىڭ ورتا شەنىندە، ەكىنشى توپتاعى ۇيلەرگە 12 - ايدىڭ 30  - كۇندەرى كوشىپ كىرۋگە بولادى.

قورعاستىڭ وڭتۇستىك كاسىپ باقشاسى رايونىنداعى قامتاماسىزداندىرۋ سيپاتتى مايعا بەرىلەتىن تۇرعىن ٴۇي قۇرىلىسى نىسانى قالا جوباسى بويىنشا 1 - جولدىڭ وڭتۇستىگىنە، بەكەت الدى جولىنىڭ سولتۇستىگىنە، بيڭتۋان داڭعىلىنىڭ شىعىسىنا، چاڭدا سولتۇستىك جولىنىڭ باتىسىنا ورنالاسقان، جالپى 240 ميلليون يۋان قارجى قوسىلعان، يەلەگەن جەر كولەمى 63758.82 شارشى مەتر، سالىنىپ بولعاننان كەيىن وسىندا ىرگە تەپكەن كاسىپورىندارعا، كاسىپ باقشا رايونىنا تىكەلەي مايعا بەرۋگە بولادى، كوشىپ كىرۋ شارتىنا ۇيلەسەتىن جاستارعا، قوسىننان شەگىنگەن اسكەريلەرگە، قالاعا كىرىپ جۇمىس ىستەۋشىلەرگە مايعا بەرىلىپ، جاڭا قالا تۇرعىندارى تۇرار جايمەن قامتاماسىز ەتىلەدى.

چىن جينپيڭ بىلاي دەدى: ”ٴبىز چەرتوج بويىنشا جوبالاۋ مەن قۇرىلىس جۇرگىزۋدى ارناعا ٴتۇسىرۋ تالابى بويىنشا حاۋىپسىزدىك وتكەلىن، ساپا وتكەلىن قاتاڭ يگەرىپ، سارا ينجەنەريا، ۇلگى كورسەتەتىن ينجەنەريا ەتىپ قۇرىپ شىعۋعا شىنايى كەپىلدىك ەتەمىز“.

قامتاماسىزداندىرۋ سيپاتتى تۇرعىن ٴۇي قۇرىلىسى باستالعاننان بەرى، قورعاس قالاسى قامتاماسىزداندىرۋ سيپاتتى 1464 تۇرعىن ٴۇي سالىپ، ەڭ تومەنگى تۇرمىسى قامتاماسىزداندىرىلاتىن، تومەن كىرىستەگىلەر، سىرتتان كەلگەن جۇمىسكەرلەر مەن جاڭادان جۇمىسقا ورنالاسقان جۇمىسشى ـ قىزمەتكەرلەر سياقتىلاردان 1431 وتباسىن تۇرار جايمەن قامتاماسىز ەتتى.

شينفۋلي شاعىن رايونىنىڭ تۇرعىنى دۋمان ماتكەرىم ۇلى سولاردىڭ ٴبىرى، قۇرىلعىلارى تولىق، تازا، جانعا جايلى قامتاماسىزداندىرۋ سيپاتتى تۇرعىن ٴۇي ٴبىر وتباسىنىڭ باقىتىن ارقالاپ تۇرعانداي.

دۋمان بىلاي دەدى: ”بۇرىن تۇرعىن  ٴۇيدى مايعا الۋدا قاتتى قينالاتىن ەدىم، اي سايىن 1000 يۋاننان استام  ماياقى تولەيتىنمىن، قازىر شينفۋلي شاعىن اۋماق رايونىنا اي سايىن نەبارى 260 يۋان عانا تولەيمىن، نەگىزىنەن كوپ قيىنشىلىق جوق، ونىڭ ۇستىنە شاعىن اۋماقتىڭ ورتاسى جاقسى، توڭىرەكتەگى سايكەستى قۇرىلعىلارى تولىق، مەن دە تۇراقتى قىزمەتكە يە بولدىم، بۇعان شىنىمەن قۋانىشتىمىن“.