شينجياڭ گازەتىنىڭ حابارى (ٴتىلشى جاۋ شييا). ٴتىلشىنىڭ قۇلجا قالالىق حالىق ىستەرى مەكەمەسىنەن ۇعىسۋىنشا، بيىل جىل باسىنان بەرى قۇلجا قالاسىندا 164 قارتتاردىڭ تاماقتانۋىنا كومەكتەسۋ ٴتۇيىنى قۇرىلىپ، ماڭدايشالىق اسقان.

7 - ايدىڭ 30 ـ كۇنى تۇسكى تاماق ۋاقىتى بولعاندا قۇلجا قالاسى نيڭيۋان ٴمالى باسقارماسى ۋىنيۋان الەۋمەتتىك اۋماعىنداعى قارتتاردىڭ تاماقتانۋىنا كومەكتەسۋ ٴتۇيىنى ەرەكشە دۋمانعا بولەندى، قاراستى اۋماقتاعى كوپتەگەن قارت ۋادەلەسكەندەي وسى اراعا تاماقتانۋعا كەلدى.

”مۇنتازداي تازا، ميفان، لاعمان، ساۋزىميان دەيسىز بە، ٴار كۇنى ٴتۇر - تۇرىمەن جاسالادى، باعاسى دا ارزان“. تۇرعىن ۋاڭ شىرۇڭ وسى ارانىڭ تۇراقتى قوناعى، جۇبايى ەكەۋى ەكى ادامدىق تاماق الىپ قايتپاقشى.

ۋىنيۋان الەۋمەتتىك اۋماعى الەۋمەتتىك اۋماقتاعى بوس تۇرعان ورىنداردى وزگەرتىپ جاساۋ ارقىلى قوعامدىق كۇشتەردى ەنگىزىپ، قارتتاردىڭ تاماقتانۋىنا كومەكتەسۋ ورنىن قۇردى. الەۋمەتتىك اۋماق اسحاناسىندا تاماق باعاسى ٴبىرشاما تومەن، قارتتار ٴبىر ۋاققى تاماعىنا 5 - 15 يۋان جۇمسايدى. قارتتاردىڭ جاقسى تاماقتانۋىنا، اقاۋسىز تاماقتانۋىنا مۇمكىندىك جاساۋ ٴۇشىن، الەۋمەتتىك اۋماق اسحاناسى سالاماتتىق باسقارۋشىلاردى كوكونىس دايىنداۋعا ۇسىنىس ەتتى، ٴىشىنارا قارتتاردىڭ قاجەتىن ويلاستىرىپ ماي قۇرامى، تۇزى تومەن قۋىرماشتاردى شىعاردى.

قۇلجا قالاسىنىڭ ٴارقايسى الەۋمەتتىك اۋماقتارىندا، اس ـ سۋ كاسىپورىندارىندا ۋىنيۋان الەۋمەتتىك اۋماعىنداعى سياقتى قارتتاردىڭ تاماقتانۋىنا كومەكتەسۋ تۇيىندەرى ورنالاسقان، الەۋمەتتىك اۋماقتاعى جاسى ۇلعايعان، جالعىز تۇراتىن، بالا - شاعاسى قاسىندا جوق، قيىنشىلىعى بار قارتتار تاماقتانۋعا كومەكتەسۋ قىزمەت وتەۋىنەن يگىلىكتەنە الادى.

قۇلجا قالالىق پارتكوم مەن قالالىق ۇكىمەت قارتتاردىڭ تاماقتانۋىنا كومەكتەسۋ قىزمەتىنە ايرىقشا ٴمان بەرىپ، ونى ۇكىمەتتىڭ حالىق تۇرمىسىنا قاتىستى 10 ناقتى ىسىنە ەنگىزىپ، ٴۇشىنشى جاق قوعامدىق كۇشتەردى قىزمەت وتەۋدى ساتىپ الۋعا ەنگىزۋ ٴتاسىلى ارقىلى قارتتاردى ارزان ٴارى ٴدامدى تۇسكى اسپەن قامداپ، قارتتاردىڭ قولايلى، حاۋىپسىز، اقاۋسىز اس - سۋ قىزمەت وتەۋىنەن يگىلىكتەنۋىنە مۇمكىندىك جاسادى.

قاراستى رايونداعى قارتتاردىڭ از - كوپتىگىن، تاماقتانۋ قاجەتىن ەسكەرە وتىرىپ، قۇلجا قالالىق حالىق ىستەر مەكەمەسى 22 اۋىل - قالاشىققا (ٴمالى باسقارماسى) كومەكتەسىپ، قارتتاردىڭ تاماقتانۋىنا كومەكتەسۋ تۇيىندەرىنىڭ سانى مەن ورنالاسىمىن جوبالاپ بەردى، ٴارقايسى ساۋدالىق ماڭدايشالىق اسقان تۇيىندەردە قۇرىلعان قارتتاردىڭ تاماقتانۋ رايونىندا قارتتار 6 - 8 پايىز جەڭىلدىكپەن تاماقتانا الادى. سونىمەن بىرگە، بازارلانعان اينالىمدى باسقارۋدى نەگىز، ۇكىمەت سۇيەمەلدەۋدى قوسىمشا ەتكەن ۇلگى بويىنشا قارتتاردىڭ تاماقتانۋىنا كومەكتەسۋدىڭ ىشكەرىلەي كەڭەيۋىن جەبەدى. ياعني ۇكىمەت قارتتارعا كۇندىز قارايلاسۋ ورنىنا اس - سـۋ قىزمەت وتـەۋىمـەن قـامدايتىن ٴۇشىنشى جاقتى تەگىن ورنالاستىرادى؛ شارت - جاعدايى بار قىستاق تۇرعىندار كوميتەتى كوللەكتيۆ شارۋاشىلىقتىڭ دەمەۋشىلىك رولىن ساۋلەلەندىرىپ، اۋىل - قىستاقتاعى قارتتاردىڭ تاماقتانۋىنا كومەكتەسۋ ٴتۇيىنى قۇرىلىسىن ىلگەرىلەتىپ، جاسى ەگدەلەگەن، ەڭ تومەنگى تۇرمىسى قامتاماسىزداندىرىلاتىن وبيەكتىلەرگە بەلگىلى تيىمدىلىك جاسادى.

ٴبىز قارتتاردىڭ كۇتىمدەۋ بويىنشا تاماقتانۋىنا كومەكتەسۋدىڭ 15 مينۋتتىق قىزمەت وتەۋ شەڭبەرىن بەلسەنە قۇرىپ، ٴتىپتى دە كوپ قارتتىڭ ٴۇيىنىڭ ىرگەسىنەن ىستىق تاماق جەۋىنە مۇمكىندىك جاسايمىز“. قۇلجا قالالىق حالىق ىستەرى مەكەمەسى پارتيا باسشىلىق گرۋپپاسىنىڭ مۇشەسى دياۋ حۇيجۇن بىلاي دەپ تانىستىردى: قۇلجا قالاسى قارتتاردىڭ تاماقتانۋىنا كومەكتەسۋ ٴتۇيىنى مەن قارتتارعا كۇندىز قارايلاسۋ ورتالىعى قۇرىلىسىن ٴبىر تۇلعالاندىرىپ ىلگەرىلەتىپ، ٴبىر توبىن جوسپارلاپ، ٴبىر توبىمەن سەلبەسىپ، ٴبىر توبىن قۇرىپ، تاراۋلاردىڭ سايكەسە بىرلەسىپ ارەكەتتەنۋى، اۋىل ـ قالاشىق (ٴمالى)، قىستاقتاردىڭ (الەۋمەتتىك اۋماق) دارەجەگە ٴبولىپ اتقارۋى ارقىلى قارتتاردىڭ تاماقتانۋىنا كومەكتەسۋ قىزمەت وتەۋ تورىن بار كۇشپەن كەمەلدەندىرەمىز.