ەرىكتى تىلشىلەر كىلارا، شۇي جياحاۋ حابارلايدى. نىسان قۇرىلىسى − ەكونوميكا اينالىمنىڭ ورنىقتىرعىشى، جوعارى ساپالى دامۋدى ىلگەرىلەتۋدىڭ پارمەندى تىرەگى. پارتيا 20 ـ كەزەكتى ورتالىق كوميتەتىنىڭ ٴۇشىنشى جالپى ٴماجىلىسى رەفورمانى اناعۇرلىم جاپپاي تەرەڭدەتۋدىڭ، جۇڭگو ۇلگىسىندەگى وسىزامانداندىرۋدى ىلگەرىلەتۋدىڭ ۇلى جوباسىن جاسادى، بيىل جىل باسىنان بەرى قورعاس اۋدانى نىسان قۇرىلىسىن ەكونوميكانى ورنىقتىرۋدىڭ، قارجى قوسۋدى كەڭەيتۋدىڭ، دامۋدى جەبەۋدىڭ ماڭىزدى تۇتقاسى ەتۋگە تاباندى بولىپ، مەحانيزمدى اقاۋسىزداندىرىپ، فاكتورلاردى كۇشەيتىپ، قىزمەت وتەۋدى ساپالىلاندىرىپ، ۇزدىكسىز قامال الۋعا كۇش سالىپ، ساپالى، جوعارى ٴونىمدى شارۋاشىلىق ـ ساۋدا ورتاسىن كۇش سالا قالىپتاستىرىپ، نىسانداردىڭ شىنايى تياناقتانۋىنا، تەز سالىنۋىنا كەپىلدىك ەتتى.

شينجياڭ يىنشىڭ جاڭاشا ماتەريال - بۇيىمدار شەكتى سەرىكتەستىگىنىڭ قۇرىلىس ورنىندا جۇمىسشىلار جوعارى تەمپەراتۋرادا جۇمىس ىستەپ، قاربالاس قۇرىلىس جۇرگىزۋدە، بارلىق جەردەن نىسان قۇرىلىسىن بار قارقىنمەن جەدەلدەتكەن ”ىنتا“ مەن ”قارقىندى“ سەزىنۋگە بولادى.

شينجياڭ يىنشىڭ جاڭاشا ماتەريال - بۇيىمدار شەكتى سەرىكتەستىگى نىسانىنىڭ جاۋاپتىسى فاڭ يا بىلاي دەدى: ”بۇل نىساندا بيىل 4 ـ ايدا قۇرىلىس باستالعان، قازىر 3 زاۆود ٴۇيىنىڭ نەگىزگى تۇلعاسى سالىنىپ بولدى، ٴبىر قىزمەت عيماراتى، ٴبىر جاتاق ٴۇيى سالىنۋ ۇستىندە، مەجەمەن 9 ـ ايدىڭ سوڭىندا سالىنىپ بولىپ، 10 ـ ايدا وندىرىسكە قوسىلادى“.

ۇعىسۋعا قاراعاندا، نىسان تياناقتانعاننان بەرى قورعاس ەكونوميكالىق اشۋ رايونى ”ٴبىر كاسىپورىنعا ٴبىر ارناۋلى القا“ قىزمەت وتەۋ ۇلگىسى بويىنشا، نىسانعا ”بىرگە ٴبىر“ قىزمەت وتەپ، نىساننىڭ ەلەكتردەن پايدالانۋ، قۇرىلىس جۇرگىزۋ، كۋالىك ٴبىتىرۋ سياقتى جاقتارداعى ماسەلەلەرىن دەر كەزىندە شەشىپ، نىساندى ٴوتىنىش ەتۋدەن قۇرىلىس باستاعانعا دەيىن نەبارى 4 اي ۋاقىت جۇمساعان. نىسان سالىنىپ بولعاننان كەيىن بۇكىل شينجياڭداعى تۇڭعىش تاقتاي ماتەريالدارىن مانەرلەيتىن تۇتاس كاسىپ سالاسى تىزبەگى كاسىپورنىنا اينالىپ، قورعاستىڭ ”اعاش كاسىبى قالاسى“ سىندى جاڭا قالا تانىسقىسىن قالىپتاستىرادى.

فاڭ يا بىلاي دەدى: ”ٴبىز وسى نىساننىڭ قورعاس ەكونوميكالىق اشۋ رايونىنا ىرگە تەبۋىن تاڭداعاندا، باستىسى، وسى جەردىڭ بايلىق، وڭىرلىك ورنى جانە قارجى قوسۋ ورتاسىنىڭ ارتىقشىلىعىنا نازار اۋداردىق، قورعاس ەكونوميكالىق اشۋ رايونى مەن اۋدانعا توتە قاراستى تاراۋلار بىزگە ’بىرگە ٴبىر‘ ماپەلەۋ ۇلگىسىندە قىزمەت وتەدى، نىسان سالىنىپ بولىپ وندىرىسكە قوسىلعاننان كەيىن، جىلىنا 100 مىڭ تەكشەمەتر اعاش ونىمدەرى وندىرىلەدى، جىلدىق تيجارات كىرىسى 600 ميلليون يۋانعا جەتەدى“.

سوڭعى جىلدارى قورعاس اۋدانى ”ىرىقتىلىقپەن قىزمەت وتەۋ، قىزۋ ىنتا تانىتۋ، ىنتىماقتاسا سەلبەسۋ، ۋاقىتتى ۇتۋ، جوعارى ونىمدىلىكپەن ٴبىتىرۋ، كاسىپورىن رازى بولۋ“ سىندى قىزمەت وتەۋ تۇپكى ماقساتىنا ساي، كاسىپورىندار اڭىس ەتكەن ساياسات جاعىنان تيىمدىلىك جاساۋ، نىسان ورنىن تاڭداۋ، جەر الۋ - كوشىرۋ، رەسميات ٴبىتىرۋ سياقتى قيىنشىلىقتار مەن ماسەلەلەرگە قاداعالاي نازار اۋدارىپ، كەلىسىمگە قول قويىسقان كاسىپورىنداردىڭ جۇمىس باستاۋىنا، وندىرىسكە قوسىلۋىنا، ٴوندىرىس قۋاتىنا جەتۋىنە تۇتاس بارىس بويىنشا قىزمەت وتەپ، ۇكىمەت پەن كاسىپورىن اراسىنداعى قارىم ـ قاتىناس كوپىرىن سالىپ، كاسىپورىنداردىڭ دامۋى مەن نىسان قۇرىلىسىندا ورىن تەپكەن قيىنشىلىقتاردى، ماسەلەلەردى كۇش سالا شەشىپ، شارۋاشىلىق - ساۋدا ورتاسىن ساپالىلاندىرۋدى ناقتاپ تياناقتاندىردى.

قورعاس ەكونوميكالىق اشۋ رايونىن باسقارۋ كوميتەتى ەكونوميكا - ساۋدانى دامىتۋ مەكەمەسىنىڭ (ساناق مەكەمەسى، ساۋداگەر شاقىرۋ مەكەمەسى) ورىنباسار باستىعى سۇن لەيلەي بىلاي دەدى: ”شارۋاشىلىق - ساۋدا ورتاسىن ساپالىلاندىرۋ تەك جۇرگىزىلە بەرەدى، اياقتالمايدى. بيىل − اۆتونوميالى وبلىستىڭ شارۋاشىلىق - ساۋدا ورتاسىن ساپالىلاندىرۋ جىلى، ٴبىز ساۋداگەر ارقىلى ساۋداگەر شاقىرۋ، سىرتقا شىعىپ ساۋداگەر شاقىرۋ سياقتى تاسىلدەردى ۇزدىكسىز قولدانىپ، ٴتىپتى دە كوپ ساپالى كاسىپورىنداردى قورعاسقا ىرگە تەبۋگە باۋراپ، كاسىپورىندارعا قىزمەت وتەۋ ونىمدىلىگىن ۇزدىكسىز جوعارىلاتىپ، ’حالىق ٴۇشىن ناقتى ىستەر ىستەۋ، كاسىپورىندار ٴۇشىن ساپالى ورتا جاراتۋ‘ سىندى قىزمەت ستيلىن ۇستانىپ، اۋدان ٴوڭىرىنىڭ ەكونوميكاسى مەن قوعامىنىڭ جوعارى ساپالى دامۋىنا جوعارى دەڭگەيدە دەم بەرەمىز“.

سۋرەتتە: قورعاس ەكونوميكالىق اشۋ رايونىنداعى زاۆود ۇيلەرىنىڭ كەڭىستىكتەن تۇسىرىلگەن كورىنىسى.    كىلارا فوتوسى