قىپ - قىزىل اششى بۇرىش، سيلاعان ٴتاتتى تۇرمىس

حابارىن جازىپ، سۋرەتتەرىن تۇسىرگەن لاي يۇينيڭ، جاڭ چيڭحۋا (ٴوز تىلشىلەرىمىز)

قورعاس اۋدانى سۇيدىڭ قالاشىعى ليۋشۋشياڭزى قىستاعى ماۋسىمنىڭ وزگەرىسىنە نەگىزدەلىپ، جەرگىلىكتى ورىننىڭ كۇن نۇرى، جىلۋ بايلىق ابزالدىعىنان تولىق پايدالانىپ، قۇرعاتىلعان بۇرىشتى ەرەكشە كاسىپ سالاسى رەتىندە دامىتتى. بىرنەشە جىل قۇلشىنۋ ارقىلى قازىر بەلگىلى كولەم قالىپتاستىرىپ، كورىكتى اۋىل - قىستاق قۇرىلىسىنداعى كوركەم بەينە جارىققا شىقتى.

9 ـ ايدىڭ 5 ـ كۇنى قورعاس اۋدانى سۇيدىڭ قالاشىعى ليۋشۋشياڭزى قىستاعىنىڭ قىزىل بۇرىش كەپتىرۋ الاڭىندا كەيبىر قىستاق تۇرعىندارى قاربالاستىققا ٴتۇسىپ، قىپ ـ قىزىل بۇرىشتار قاز ـ قاتار كەپتىرۋ سورەسىنە ٴىلىنىپ، مول ٴونىمدى اڭعارتتى.

ٴار جىلى 8 -، 9 - ايلار − ىلە اڭعارىندا قىزىل بۇرىش كوپتەپ بازارعا سالىناتىن مەزگىل، سونداي - اق ليۋشۋشياڭزى قىستاعىنىڭ دا قىزىل بۇرىش كەپتىرۋدەگى ەڭ تاماشا مەزگىلى.

ٴار جىلى قىزىل بۇرىش كەپتىرگەن كەزدە كوپتەگەن ەڭبەككۇش قاجەت بولادى، ليۋشۋشياڭزى قىستاعى مەن توڭىرەكتەگى قىستاقتاردىڭ تۇرعىندارى وسى اراعا كەلىپ جۇمىس ىستەۋدى قالايدى. ”ٴار كۇنى ورتا ەسەپپەن 150 − 200 يۋان كىرىس كىرگىزەمىن، ۇيگە جاقىن، وتە قولايلى“ دەدى كەپتىرۋ الاڭىنىڭ ىرگەسىندە تۇراتىن ليۋشۋشياڭزى قىستاعىنىڭ تۇرعىنى چىن مەيجۇن.

بۇل ارادا كەپتىرىلگەن قىزىل بۇرىشتىڭ ساپاسى جاقسى بولعاندىقتان، ىلە اڭعارىنداعى اۋدان، قالالارعا ساتىلىپ قانا قالماستان، ٴۇرىمجى، ق−ارامايلى سياقتى قالالارعا جانە شينجياڭنىڭ سىرتىنا ساتىلادى.

ليۋشۋشياڭزى قىستاعى تاعى قىزىل بۇرىش ساپاسىن ۇزدىكسىز جوعارىلاتىپ، قىزىل بۇرىش ماركاسىن جاراتىپ، قىزىل بۇرىش سىندى ەرەكشە كاسىپ سالاسىن ٴتىپتى دە كوپ قىستاق تۇرعىندارىنىڭ كىرىستى ارتتىرىپ، اۋقاتتانۋىنا جەتەكشىلىك ەتەتىن ٴىرى كاسىپ سالاسىنا اينالدىرۋ جولىندا قۇلشىنۋدا.

ٴىلۋ

قاپتاۋ

تەكسەرۋ

كەپتىرۋ سورەسى 

 كەپتىرۋ الاڭى

ٴتۇسىرۋ