زەردەلىلەنگەن، ساپالىلانعان، وزىق اۋىل شارۋاشىلىق ماشينالارىنا قوسىمشا قاراجات بەرۋ تەبىنى ارتتىرىلادى

□ انار بۇلت \ شينجياڭ گازەتىنىڭ ٴتىلشىسى ۋي يۇڭگۇي

”ەرتە پىساتىن كۇرىش ورىلا باستادى، ماۋسىمدىق كۇرىش ورىلۋ الدىندا تۇر“. مەملەكەتتىڭ قوسىمشا قاراجات بەرۋ ساياساتى بار، بيىل جاڭادان تراكتور ساتىپ الدىق، ىسكە قوسىلۋ الدىندا تۇر“. 9 ـ ايدىڭ 22 ـ كۇنى ٴۇرىمجى قالاسى ميدۇڭ رايونى ياڭماۋگۇڭ قالاشىعىندا قىستاق تۇرعىندارى اشىق اۋا رايىن قولدان بەرمەي، كۇزگى جيىن ـ تەرىن جۇمىسىنا قاتىناسقان اۋىل شارۋاشىلىق ماشينالارىن ەرتەرەك تەكسەرىپ، جوندەپ، كۇتىمدەدى، قىستاق تۇرعىنى ما حۇڭ: جاڭا تراكتور ساتىپ الۋعا ۇكىمەت 9000 يۋاننان استام قوسىمشا قاراجات بەردى، بۇعان ٴۇي ىشىمىزبەن قاتتى قۋاندىق، ـ دەدى.

اۋىل شارۋاشىلىق ماشينالارىن ساتىپ الۋعا قوسىمشا قاراجات بەرۋ ساياساتى رايونىمىزدا اتقارىلعالى كوپ جىل بولدى. جۋىق جىلداردان بەرى رايونىمىزدىڭ اۋىل شارۋاشىلىعىن ماشينالاندىرۋ دەڭگەيىنىڭ ۇزدىكسىز جوعارىلاۋىنا جانە زەردەلى اۋىل شارۋاشىلىق ماشينالارىنىڭ جالپىلاسۋىنا ۇشتاستىرىپ، اۋىل شارۋاشىلىق ماشينالارىن ساتىپ الۋعا قوسىمشا قاراجات بەرۋ كولەمى دە سايكەستى رەتتەلدى، تەحنيكاسى وزىق، زەردەلىلەنۋ جانە ساپالىلانۋ دارەجەسى جوعارى اۋىل شارۋاشىلىق ماشينالارى بويىنشا بەرىلەتىن قوسىمشا قاراجات سوماسى ٴتىپتى دە جوعارى بولدى. سونىمەن بىرگە قوسىمشا قاراجات بەرۋ فورماسىمەن كەيبىر تەحنيكاسى قاتاردان قالعان، كەرەكتەن شىعارۋعا تانىستىرىلعان جىل شەگىنە جەتكەن نەمەسە اسىپ كەتكەن، حاۋىپسىزدىك كومەسكى قاتەرى زور بولعان، ت.ب جاعدايلار بار اۋىل شارۋاشىلىق ماشينالارىن كەرەكتەن شىعارۋعا دەم بەرىلدى.

8 ـ ايدىڭ 30 ـ كۇنى اۆتونوميالى رايوندىق اۋىل شارۋاشىلىعى، اۋىل ـ قىستاق مەڭگەرمەسى، اۆتونوميالى رايوندىق قازىنا مەڭگەرمەسى، اۆتونوميالى رايوندىق ساۋدا ىستەرى مەڭگەرمەسى «شينجياڭ ۇيعۇر اۆتونوميالى رايونىنىڭ قىزمەت تەبىنىن ارتتىرىپ، اۋىل شارۋاشىلىق ماشينالارىن كەرەكتەن شىعارۋعا، جاڭالاۋعا قوسىمشا قاراجات بەرۋ ساياساتىن ۇزدىكسىز ويداعىداي اتقارۋ جونىندەگى اتقارۋ جوباسىن» (تومەندە قىسقارتىلىپ «اۋىل شارۋاشىلىق ماشينالارىن كەرەكتەن شىعارۋعا، جاڭالاۋعا قوسىمشا قاراجات بەرۋ جوباسى» دەلىنەدى) باسىپ تاراتتى. 9 ـ ايدىڭ 13 ـ كۇنى اۆتونوميالى رايوندىق اۋىل شارۋاشىلىعى، اۋىل ـ قىستاق مەڭگەرمەسى، قازىنا مەڭگەرمەسى «شينجياڭ ۇيعۇر اۆتونوميالى رايونىنىڭ 2024 ـ جىلدان 2026 ـ جىلعا دەيىنگى اۋىل شارۋاشىلىق ماشينالارىن ساتىپ الۋ جانە قولدانۋ قوسىمشا قاراجاتىن اتقارۋ جوباسىن») (تومەندە قىسقارتىلىپ «اۋىل شارۋاشىلىق ماشينالارىن ساتىپ الۋ جانە قولدانۋ قوسىمشا قاراجاتى جوباسى» دەلىنەدى) باسىپ تاراتتى. ەكى جوبانىڭ جاسالىپ جاريالانۋى رايونىمىزدىڭ اۋىل شارۋاشىلىعىن ماشينالاندىرۋ دەڭگەيىنىڭ ”ساپاسى“ مەن ”سانىنىڭ“ بىردەي جوعارىلاۋىن ونان ارى ىلگەرىلەتەدى.

«اۋىل شارۋاشىلىق ماشينالارىن كەرەكتەن شىعارۋعا، جاڭالاۋعا قوسىمشا قاراجات بەرۋ جوباسىندا» مىنالار ايقىندالدى: قوسىمشا قاراجات بەرۋ وبيەكتىسى: اۆتونوميالى رايون كولەمىندە اۋىل شارۋاشىلىق وندىرىسىمەن شۇعىلداناتىن شارۋالار مەن اۋىل شارۋاشىلىق ٴوندىرىس ـ تيجارات ۇيىمدارى. مۇنىڭ ىشىندە شارۋالار تاعى قوعامدىق قامتاماسىزداندىرۋ اقىسى، قارتايعانداعى كۇتىنۋ اقشاسى قازىنادان تاپسىرىلمايتىن ٴارى شارۋا سالاۋاتىنداعى قىستاق كادرلارىن، قىستاق تۇرعىندار گرۋپپاسىنىڭ باستىعىن، حالىق جاساقتارىن، الەۋمەتتىك يگىلىك سيپاتىنداعى قىزمەت ورىندارىنداعى كومەكشىلەردى، ت.ب، سونداي ـ اق مەملەكەت يەلىگىندەگى ەگىس الاڭ، مال فەرمالارىنداعى اۋىل شارۋاشىلىق وندىرىسىمەن شۇعىلداناتىن قىزمەتكەرلەردى قامتيدى، اۋىل شارۋاشىلىعى ٴوندىرىس ـ شارۋاشىلىق ۇيىمدارى قىستاق كوللەكتيۆ شارۋاشىلىعى ۇيىمىن، شارۋالاردىڭ كاسىپتىك سەلبەستىك شارۋاشىلىق ۇيىمدارىن، اۋىل شارۋاشىلىق كاسىپورىندارىن جانە باسقا دا اۋىل شارۋاشىلىق ٴوندىرىس تيجاراتىمەن شۇعىلداناتىن ۇيىمداردى قامتيدى.

قوسىمشا قاراجات ٴتۇرى جاعىندا «اۋىل شارۋاشىلىق ماشينالارىن كەرەكتەن شىعارۋعا، جاڭالاۋعا قوسىمشا قاراجات بەرۋ جوباسىندا» بىلاي دەپ بەلگىلەنگەن: نەگىزىنەن «اۋىل شارۋاشىلىعى، اۋىل ـ قىستاق مينيسترلىگى كەڭسەسىنىڭ، قازىنا مينيسترلىگى كەڭسەسىنىڭ قىزمەت تەبىنىن ارتتىرىپ، اۋىل شارۋاشىلىق ماشينالارىن كەرەكتەن شىعارۋعا، جاڭالاۋعا قوسىمشا قاراجات بەرۋ ساياساتىن ۇزدىكسىز ويداعىداي اتقارۋ جونىندەگى حابارلاندىرۋىندا» بەلگىلەنگەن تراكتور، تۇقىم سەبۋ ماشيناسى، كومباين (استىق، ماقتا، ماي، قىزىلشا قاتارلى داقىلداردى بىرلەستىرىپ ورۋعا ىستەتىلەتىن ماشينالار)، كۇرىش مايساسىن وتىرعىزۋ ماشيناسى، اۋىل شارۋاشىلىعىنا پايدالانىلاتىن بەيدوۋ جۇرگىزۋ كومەكشى جۇيەسى، يكەمدى بۇركۋ ماشيناسى (تالقان)، يكەمدى ٴدان ايىرۋ ماشيناسى، مال ازىعىن (جەم ـ ٴشوپ) ۇنتاقتاۋ ماشيناسى، ٴشوپ تۋراۋ ماشيناسى سياقتى 9 ٴتۇرلى ماشينا ـ جابدىقتاردى، سونىمەن بىرگە اۆتونوميالى رايون ٴوزى تاڭداپ، جاڭادان كوبەيتكەن بىرىككەن جەر تەگىستەۋ ماشيناسى، ٴتىستى بۇلىق، سۋلياۋ جارعاق قالدىقتارىن جيناۋ ماشيناسى، سابان ـ توپاندى ۇنتاقتاپ اتىزعا توگۋ ماشيناسى، ٴوزى جۇرەتىن كوك (سارى) رەڭدى جەم ـ ٴشوپ ورۋ ماشيناسى، ٴوزى جۇرەتىن جەمىس ـ جيدەك ورۋ ماشيناسى (قىزاناق، قىزىل بۇرىش، شەكىلدەۋىكتى قاربىزدى قامتيدى) سياقتى 6 ٴتۇرلى ماشينا ـ جابدىقتاردى قامتيدى. بۇدان سىرت، ٴارقايسى ايماق (وبلىس، قالا)، اۋدان (قالا، رايون) ٴىس جۇزىندىك قاجەتكە ساي، لايىقتى مولشەردە قارجى ورنالاستىرىپ، بەلگىلەمە بويىنشا كەرەكتەن شىعارىلاتىن اۋىل شارۋاشىلىق ماشيناسىنىڭ ٴتۇرىن ۇشتەن اسىرماۋ شارتىندا وزدەرى بەلگىلەۋىنە بولادى.

«اۋىل شارۋاشىلىق ماشينالارىن كەرەكتەن شىعارۋعا، جاڭالاۋعا قوسىمشا قاراجات بەرۋ جوباسىندا» تاعى اۋىل شارۋاشىلىق ماشينالارىن كەرەكتەن شىعارۋدىڭ شارتى، قوسىمشا قاراجات ولشەمى، راسمياتتارىن ٴبىتىرۋ سياقتىلار جونىندە دە ايقىن بەلگىلەمە جاسالدى.

كەرەكسىزىن تاستاپ، جاڭاسىن قابىلداۋ، اۋىل شارۋاشىلىق ماشينالارىن كەرەكتەن شىعارۋمەن بىرگە، جاڭالاپ وتىرۋ كەرەك.

«اۋىل شارۋاشىلىق ماشينالارىن ساتىپ الۋعا جانە پايدالانۋعا قوسىمشا قاراجات بەرۋ جوباسى» كولەمىن ىقشامداۋ، نورماسىن مەڭگەرۋ، ولشەمىن رەتتەۋ، ناقتى ونىمدىلىككە ٴمان بەرۋ جالپى تالابىنا ساي، اۋىل شارۋاشىلىق ماشينالارىن ەنگىزۋگە، شىعارۋعا، وزىق اۋىل شارۋاشىلىق ماشينالارىنا الدىمەن قوسىمشا قاراجات بەرۋگە تاباندى بولدى، بۇل استىق، ماقتا، ماي سياقتى نەگىزگى داقىلداردىڭ بىرلىك ٴونىمىن زور كولەمدە جوعارىلاتۋدى جەبەۋ سياقتى وندىرىسكە شۇعىل قاجەتتى اۋىل شارۋاشىلىق ماشينالارىن ساتىپ الۋعا جانە پايدالانۋعا ٴتۇيىندى تۇردە قوسىمشا قاراجات بەرىپ قولداۋعا ٴتيىمدى.

مۇنىڭ ىشىندە «اۋىل شارۋاشىلىق ماشينالارىن ساتىپ الۋعا جانە پايدالانۋعا قوسىمشا قاراجات بەرۋ جوباسىندا» قوسىمشا قاراجات بەرۋ كولەمى مەن قوسىمشا قاراجات بەرىلەتىن ماشينا ـ جابدىقتار داعدىلى قوسىمشا قاراجات بەرىلەتىن ماشينا ـ جابدىقتار جانە اۋىل شارۋاشىلىق ماشينالارىندا جاڭالىق جاراتىلعان ونىمدەر دەپ بولىنەدى. ادەتتەگى قوسىمشا قاراجات بەرىلەتىن ماشينا ـ جابدىقتار تۇرلەرىنىڭ كولەمى 24 ۇلكەن ٴتۇر، 52 شاعىن ٴتۇر، 126 ٴتۇر بولىپ، 3 جىل ىشىندە جالپى جاقتان ورنىقتى بولدى ٴارى جەر ـ جەردىڭ ورتاعا قويعان ارتتىرۋ ـ ازايتۋ ۇسىنىسىنا ساي جىل بويىنشا رەتتەلدى. اۋىل شارۋاشىلىق ماشينالارىندا جاڭالىق اشاتىن ونىمدەردىڭ ٴتۇرى مەن كولەمى ارناۋلى ساراپتالعان ونىمدەر مەن اۋىل شارۋاشىلىق ماشينالارىنىڭ جاڭا ونىمدەرىن قامتيدى، مۇنىڭ ىشىندە اۋىل شارۋاشىلىق ماشينالارىندا جاڭالىق اشۋ ونىمدەرىنە بەرىلەتىن قوسىمشا قاراجات تۇرلەرىنىڭ جالپى مولشەرى تىزگىندەلەدى، بۇكىل شينجياڭدا پرينسيپتىك جاقتان 10 تۇردەن اسپايدى، رەتتەۋ جىل بويىنشا جۇرگىزىلەدى.

　　اۋىل شارۋاشىلىق ماشينالارىن كەرەكتەن شىعارۋ، جاڭالاۋ قوسىمشا قاراجاتى جاڭا مازمۇنعا يە بولدى

«اۋىل شارۋاشىلىق ماشينالارىن كەرەكتەن شىعارۋعا، جاڭالاۋعا قوسىمشا قاراجات بەرۋ جوباسىندا» مىنالار ايقىندالدى: اۋىل شارۋاشىلىق ماشينالارىن كەرەكتەن شىعارۋعا، جاڭالاۋعا بەرىلەتىن قوسىمشا قاراجات كەرەكتەن شىعارۋعا بەرىلەتىن قوسىمشا قاراجات جانە جاڭالاۋعا بەرىلەتىن قوسىمشا قاراجات سىندى ەكى بولىكتەن قۇرالادى. كەرەكتەن شىعارۋعا بەرىلەتىن قوسىمشا قاراجاتتا نورما بويىنشا قوسىمشا قاراجات بەرىلەدى، 20 ات كۇشىنەن تومەن تراكتوردان سىرت، تەك كەرەكتەن شىعارۋعا عانا ٴوتىنىش ەتىپ، جاڭادان ساتىپ الماسا، قاتىستى بەلگىلەمەدەگى كەرەكتەن شىعارۋ قوسىمشا قاراجات ولشەمى بويىنشا بەرىلەدى. كەرەكتەن شىعارىلعان 20 ات كۇشىنەن تومەن تراكتورعا بەرىلەتىن ەڭ جوعارى كەرەكتەن شىعارۋ قوسىمشا قاراجات سوماسى 1000 يۋاننان 1500 يۋانعا جوعارىلايدى؛ كومباين، كۇرىش مايساسىن وتىرعىزۋ ماشيناسى، تۇقىم سەبۋ ماشيناسىن كەرەكتەن شىعارىپ، ۇقساس تۇردەگى ماشينا ـ جابدىقتارىن ساتىپ العاندارعا %50تەن اسىرماۋ بويىنشا كەرەكتەن شىعارۋ قوسىمشا قاراجات ولشەمى جوعارىلايدى، جەكە تراكتوردىڭ ەڭ جوعارى كەرەكتەن شىعارۋ قوسىمشا قاراجات سوماسى 30 مىڭ يۋاننان اسىپ كەتپەۋى كەرەك؛ ماقتا جيناۋ ماشيناسىن كەرەكتەن شىعارىپ، جاڭالاپ ساتىپ العاندارعا ٴار ماشينا ٴۇشىن بەرىلەتىن قوسىمشا قاراجات، ەڭ جوعارى بولعاندا، 30 مىڭ يۋاننان 60 مىڭ يۋانعا جوعارىلايدى. 2024 ـ جىلى 6 ـ ايدىڭ 21 ـ كۇنىنەن باستاپ كەرەكتەن شىعارۋعا قوسىمشا قاراجات ٴوتىنىشىن تاپسىرعان بولسا، رەتتەلگەننەن كەيىنگى كەرەكتەن شىعارۋعا قوسىمشا قاراجات بەرۋ ولشەمى بويىنشا اتقارىلادى، كەرەكتەن شىعارۋ قوسىمشا قاراجاتىن العاندارعا پارىق سوماسى تولىقتاپ بەرىلەدى.

اۋىل شارۋاشىلىق ماشينالارىن ساتىپ الۋعا جانە پايدالانۋعا نورما بويىنشا قوسىمشا قاراجات بەرۋ اتقارىلادى

«اۋىل شارۋاشىلىق ماشينالارىن ساتىپ الۋعا جانە پايدالانۋعا بەرىلەتىن قوسىمشا قاراجات جوباسىندا» مىنالار بەلگىلەندى: اۋىل شارۋاشىلىق ماشينالارىن ساتىپ الۋعا جانە پايدالانۋعا قوسىمشا قاراجات بەرۋدە نورما بويىنشا بەرۋ اتقارىلادى. ايماقتاردىڭ (وبلىس، قالا)، اۋدانداردىڭ (قالا، رايون) ۇستەمە قوسىمشا قاراجات بەرۋىنە بولمايدى. وڭتۇستىك شينجياڭداعى 5 ايماق، وبلىستا بەرىلەتىن قوسىمشا قاراجات ولشەمى «اۋىل شارۋاشىلىق مينيسترلىگى كەڭسەسىنىڭ، قازىنا مينيسترلىگى كەڭسەسىنىڭ شيزاڭدا جانە شينجياڭنىڭ وڭتۇستىك شينجياڭ وڭىرىندە اۋىل شارۋاشىلىق ماشينالارىن ساتىپ الۋعا جانە پايدالانۋعا پارىقتى تۇردە قوسىمشا قاراجات بەرۋدى تۇيىندە سىناق ەتۋ جونىندەگى حابارلاندىرۋى» بويىنشا جالعاستى اتقارىلادى، اۆتونوميالى رايون اتقارۋ جاعدايىنا قاراي دەر كەزىندە ساپالىلاندىرىپ، رەتتەپ وتىرادى.