− شينجياڭ ۇيعۇر اۆتونوميالى رايونىنىڭ ”حالىقتىق كاسىپورىنداردىڭ شەكارا وڭىرگە تامىر تارتۋ قيمىلى . ىلەگە ساپار“ اتىنداعى جۇمىس باسىندا ىلگەرىلەتۋ ماجىلىسىنەن ەستەلىك

ٴتىلشىمىز لۋ جۇڭ

بۇل ٴبىر رەتكى ۋادەلەسكەندەي ”ۇسىنىس ساپارى“، ونان دا ماڭىزدىسى، قۋانىشقا تولى ”قوس باعىتتا اتتانۋ“ بولدى. 12  - ايدىڭ 3 - كۇنى شينجياڭ ۇيعۇر اۆتونوميالى رايوندىق ۇلت ىستەرى كوميتەتى، ساۋدا - ونەركاسىپشىلەر بىرلەستىگى ۇيىمداستىرىپ، ىلە وبلىستىق حالىق ۇكىمەتى ۇستىنە الىپ وتكىزگەن شينجياڭ ۇيعۇر اۆتونوميالى رايونىنىڭ ”حالىقتىق كاسىپورىنداردىڭ شەكارا وڭىرگە تامىر تارتۋ قيمىلى. ىلەگە ساپار“ اتىنداعى جۇمىس باسىندا ىلگەرىلەتۋ ٴماجىلىسى قۇلجا قالاسىندا اشىلىپ، بۇكىل ەلدىڭ جەر - جەرىنەن كەلگەن ساۋدا قوعامىنداعىلار، حالىقتىق كاسىپورىنشىلار ىلەدە باس قوسىپ، ساۋدا ارقىلى دوستاسىپ، دوستىق ارقىلى ساۋدانى جەبەپ، وسىناۋ مەكەندە جاڭالىق اشۋ، شارۋاشىلىق قۇرۋدىڭ، قارجى قوسىپ، شارۋاشىلىقتى گۇلدەندىرۋدىڭ قىزۋ ورلەۋىن كوتەردى.

”ىلەگە قارجى قوسساڭىز، ٴبىزدىڭ مول بايلىعىمىز بار؛ ىلەگە قارجى قوسساڭىز، ٴبىزدىڭ ەسىگىمىز ايقارا اشىق؛ ىلەگە قارجى قوسساڭىز، ٴبىزدىڭ ەرەكشە ساياساتىمىز بار؛ ىلەگە قارجى قوسساڭىز، ٴبىزدىڭ ساپالى ورتامىز بار. كاسىپورىنشىلاردى ىلەنىڭ جوعارى ساپالى دامۋىنداعى ’ەڭ ۇزدىك سەرىكتەس‘ بولۋعا شىن ىقلاسپەن ۇسىنىس ەتەمىن!“ وبلىستىق پارتكومنىڭ تۇراقتى مۇشەسى، بىرلىكساپ ٴبولىمىنىڭ باستىعى مامەتجان داۋىت حالىقتىق كاسىپورىنداردىڭ شەكارا وڭىرگە تامىر تارتۋ جاعدايىن، ساۋداگەر شاقىرىپ، قارجى ەنگىزۋ قىزمەتىن تانىستىرعاندا، ماجىلىسكە قاتىناسقان حالىقتىق كاسىپورىنشىلارعا ىلەنىڭ وبرازىن ايگىلەپ، بايلىق ابزالدىعىن كورسەتىپ، دوستىق نيەتىن ٴبىلدىردى، ”جاڭالىق“ مول، نيەت شىنايى، سەنىم مىعىم بولدى.

”حالىقتىق كاسىپورىندار مەن حالىقتىق كاسىپورىنشىلار — ٴبىزدىڭ ’ٴوز ادامدارىمىز‘“.

”ٴبىز ’ەكىنشى جاقتىڭ تۇرعىسىندا ويلاۋدا‘ تاباندى بولىپ، بازارلانعان، زاڭمەن باسقارىلاتىن، حالىقارالانعان شارۋاشىلىق - ساۋدا ورتاسىن كۇش سالا قالىپتاستىرىپ، كاسىپورىنداردىڭ قاجەتىن ’ٴبىرىنشى سيگنال‘، دامۋىن قولداۋدى ’ٴبىرىنشى نىسانا‘ ەتەمىز“.

”’تەكسەرىپ بەكىتۋ ىستەرى ەڭ از، جۇمىس ٴبىتىرۋ ونىمدىلىگى ەڭ جوعارى، ۇكىمەتتىڭ قىزمەت وتەۋى ەڭ ساپالى، جاڭالىق اشۋ ومىرشەڭدىگى ەڭ كۇشتى‘، ساۋداگەرلەردى ايالايتىن، ساۋداگەرلەردى جاقىن سانايتىن، ساۋداگەرلەرگە دەمەۋ بولاتىن، ساۋداگەرلەرگە تيىمدىلىك جەتكىزەتىن ٴىس تىندىرىپ، شارۋاشىلىق قۇرۋ ورتاسىن كۇش سالا قالىپتاستىرىپ، ۇكىمەت پەن كاسىپورىننىڭ تەرەڭ سەلبەستىگىن، تەڭ يگىلىككە كەنەلە دامۋىن جۇزەگە اسىرامىز!“.

......

بيىل جىل باسىنان بەرى ىلە وبلىسى پارتيا ورتالىق كوميتەتىنىڭ شەشىمدەرىن، ورنالاستىرۋلارىن جانە اۆتونوميالى رايوندىق پارتكوم مەن ۇكىمەتتىڭ قىزمەت تالاپتارىن ىشكەرىلەي دايەكتىلەندىرىپ، تياناقتاندىرىپ، جوعارى ساپالى دامۋدى ماڭداي الدى مىندەت ەتۋگە تاباندى بولىپ، ”التى ٴىرى ستراتەگيالىق ورىندى“ كوزدەپ، جاسىل كەن كاسىبى، اۋىل ـ قىستاقتى گۇلدەندىرۋ، ساياحات كاسىبى، شەكارا وتكەلى ەكونوميكاسى سىندى 4 ۇلكەن بولىكتى نەگىزگى قامال الۋ باعىتى ەتىپ، كومىر، كومىر ەلەكتر، كومىر حيميا ونەركاسىبى، مۇناي، مۇناي حيميا جانە كومىر قاباتى گازىن ٴوندىرۋ، مانەرلەۋ، جاسىل كەن كاسىبى، ورگانيكالىق استىق، ماي، توقىماشىلىق، كيىم ـ كەشەك، جاسىل ورگانيكالى جەمىس ـ جيدەك، كوكونىس، ساپالى مال شارۋاشىلىق ونىمدەرى، جاڭا ەنەرگيا، جاڭا ماتەريالدار، زەردەلى مادەنيەت ساياحات جانە وسى زامانعى ساۋدا، زات اينالىمى سىندى ”1+9 كاسىپ سالاسى شوعىرىن“ جەدەل قۇرىپ،”‪1+10+X+N‬“ وسى زامانعى كاسىپ سالاسى جۇيەسىن كۇش سالا قالىپتاستىرىپ، جەرگىلىكتى جاعدايعا قاراي جاڭاشا وندىرگىش كۇشتەردى جەتىلدىردى جانە دامىتتى. قازىر ىلەنىڭ كاسىپ سالاسىنىڭ دامۋ نەگىزى جاقسى، قالىڭ ساۋداگەرلەردىڭ قارجى قوسىپ، شارۋاشىلىعىن گۇلدەندىرۋىندەگى قۇتتى مەكەنگە اينالدى.

شەكسىز تىرشىلىك تىنىسى مەن ومىرشەڭدىك كۇشكە تولى وسى قۇتتى مەكەندە، ماجىلىسكە قاتىناسقان ساۋداگەرلەر قوعامى، ۇزدىك، الۋەتتى حالىقتىق كاسىپورىندار گۇلدەنۋدى كورىپ، دامۋدى تىلگە تيەك ەتىپ، ورايعا ۇمتىلىپ، ٴوز كاسىپورىندارىنىڭ دامۋ بەتالىسى مەن ىلە وبلىسىنىڭ دامۋ جالپى جاعدايىنىڭ جانە كاسىپ سالاسى ورنالاسۋىنىڭ سايكەسۋ ٴتۇيىنىن قاراستىرىپ، بولاشاقتا قول ۇستاسا بىرگە ىلگەرىلەۋدىڭ مۇمكىندىگى مەن شەكسىز كومەسكى كۇشىن اشتى.

”ىلە − ’ٴبىر بەلدەۋ، ٴبىر جولدىڭ‘ بويىنداعى باتىسقا ەسىك اشۋداعى ماڭىزدى ٴوڭىر، جاڭا ەنەرگيانى ’باتىسقا شىعارۋدىڭ‘ بولاشاعى زور. ٴبىز وسى ورايدان تولىق پايدالانىپ، ورتا ازيا ەلدەرىمەن سەلبەستىكتى كۇشەيتىپ، جاڭا ەنەرگيا تەحنيكاسى مەن قىزمەت وتەۋىن سىرتقا شىعارۋدى ىلگەرىلەتىپ، ’ٴبىر بەلدەۋ، ٴبىر جول‘ قۇرىلىسىنا كۇش قوسامىز“ دەدى ٴبىرىنشى عىلىم ـ تەحنيكا شەكتى جارنا سەرىكتەستىگى پارتكومىنىڭ ورىنباسار شۋجيى، شينجياڭ باس شتابى سەرىكتەستىگىنىڭ باس ديرەكتورى فاڭ جۇڭ.

جوعارى ٴونىمدى، قولايلى ۇكىمەتتىك قىزمەت وتەۋ، جەتكىلىكتى دە كەمەلدى بايلىق ورنالاسۋى، مۇمكىندىگىنشە يگىلىكتەنەتىن ٴتيىمدى ساياساتتار مەن بازارلانعان، زاڭمەن باسقارىلاتىن، حالىقارالانعان شارۋاشىلىق - ساۋدا ورتاسى شىن ىقلاسى اۋعان قىزىعۋشىلاردى ٴبىر - بىردەن باۋرادى ٴارى ٴبىر - بىرلەگەن سەلبەستىك تەرەزەلەرىن دە اشتى.

”توبىمىز ىلەدە توپقا ٴبولىپ قارجى قوسىپ، ماقتا توقىماشىلىعىن قامتىعان جەلىلەس قۇلتەمىر (زەرتتەپ اشۋ، ٴوندىرۋ، ساتۋ) نىسانى، زات اينالىمى باقشا رايونى (جوبالاۋ، قۇرىلىس، اينالىم) نىسانى، قورشاعان ورتانى قورعاۋ، قايتا تۋىندايتىن بايلىقتار نىسانى، فوتوۆولت تىرەۋىشى نىسانى، شەكارا اتتاعان ەلەكتروندى ساۋدا نىسانى سياقتىلاردى ٴوز ىشىنە العان كوپتەگەن نىساندى سالۋدى جوسپارلادى. كاسىپ سالاسى بىرلەستىگى، نەگىزدىك قۇرىلعىلار قۇرىلىسى، ساۋدا جانە قارجى قوسۋ سەلبەستىگى ارقىلى ەل ٴىشى جانە حالىقاراداعى سەلبەستىك پەن اۋىس - كۇيىستى كۇشەيتىپ، ٴونىم، مادەنيەت، ٴپان تەحنيكا قاتارلى كوپ سالادا جەرگىلىكتى ۇكىمەتپەن، جەرگىلىكتى كاسىپورىندارمەن اۋىس - كۇيىس ورناتىپ، سەلبەسىپ، جاڭاشا وندىرگىش كۇشتەردى دامىتامىز“، - دەدى ٴمالىم توپ شەكتى سەرىكتەستىگىنىڭ شينجياڭ وڭىرىندەگى جاۋاپتىسى لەي بو.

ناتيجە ورنىقتى دا كوز تارتارلىق بولدى، ىلگەرىلەتۋ جينالىسىندا 30 سەلبەستىك نىسانى مەن كەلىسىمىنە قول قويىلدى، توقتام سوماسى 30 ميلليارد 100 ميلليون يۋانعا جەتتى. ىلە كوپتەگەن جاڭا دامۋ ورايىنا ٴدوپ كەلدى، سونىمەن بىرگە، تەڭ يگىلىككە كەنەلۋدىڭ  قاقپاسى دا ارت - ارتىنان اشىلۋدا.

تابالدىرىق اتتاۋ تەك قانا باستاما. ومىرشەڭدىك كۇشى، كومەسكى كۇشى، ىقىلاسى شەكسىز ىلە ٴتىپتى دە كوپ كاسىپورىنشىلاردىڭ وسىندا قالىپ، ٴتىپتى دە كەڭ كولەمدى، ٴتىپتى دە تەرەڭ سەلبەستىك ورىستەتىپ، اناعۇرلىم كوركەم بولاشاقتى بىرگە اشۋىنا مۇمكىندىك جاسايتىندىعى داۋسىز.