汉文 ىلە اقپارات تورابىنا حوش كەلدىڭىزدەر!
حۋاڭگۇڭ ۇلكەن بازارىندا 3 مىڭنان استام مال ساۋداسى دەلدالى جۇمىس ىستەيدى
2024-12-21 20:32:40     كورىلىم:رەت كەلۋ قاينارى:ىلە گازەتى  جاۋاپتى رەداكتور:جارقىن تۇسەن ۇلى

30 مىڭنان استام ادامنىڭ جۇمىستانۋىنا تىكەلەي جانە جانامالاي دەم بەردى

ماقالاسىن جازىپ، سۋرەتتەرىن تۇسىرگەن تىلشىلەرىمىز لاي يۇينيڭ، جاڭ چيڭحۋا

12 - ايدىڭ 4 - كۇنى سارسەنبى قۇلجا اۋدانى ۇشون حۇيزۋ اۋىلىنداعى شينجياڭ چۋاڭجين حۋاڭگۇڭ اۋىل شارۋاشىلىق ونىمدەرى ساۋدا بازارىنىڭ تاعى دا ەڭ دۋماندى ٴبىر كۇنى باستالدى.

”حۋاڭگۇڭ ۇلكەن بازارى“ − ونىڭ داعدىلى اتاۋى، وندا ٴار اپتانىڭ دۇيسەنبى، سارسەنبى، جۇما كۇندەرى ساۋدا بولادى، مۇنىڭ ىشىندە سارسەنبى كۇنگى بازار ەڭ دۋماندى بولىپ، بازارعا باراتىندار 20 − 30 مىڭعا جەتەدى.

جايشىلىقتاعىداي دەلدال ما جۇن بازارعا اكەلىنگەن سيىرلاردى ارالاپ، ٴوزىنىڭ كوڭىلىندەگى شينجياڭ قوڭىر سيىرىن مۇقيات تاڭداپ الدى.

”بۇگىن 80 باس شينجياڭ قوڭىر سيىرىن ساتىپ الدىم، ونى چيڭحايداعى الارمانداردىڭ قولىنا جەتكىزۋىم كەرەك“ دەدى ما جۇن. ول بىلاي دەدى: حۋاڭگۇڭ ۇلكەن بازارىنا اكەلىنەتىن مال كوپ، ساپاسى جاقسى، قىزمەت وتەۋ قۇرىلعىلارى تولىق، مال ساۋداسى قولايلى، تەز بولادى.

ما جۇن ۇشۇن اۋىلى تومەنگى ابىلاش قىستاعىنىڭ تۇرعىنى، حۋاڭگۇڭ ۇلكەن بازارىندا دەلدال بولعانىنا 5 جىل بولعان. ساۋدانىڭ كۇسەت مەزگىلىندە، ونىڭ ٴار ايداعى ساۋدا سوماسى 8 ميلليون يۋانعا، ٴبىر جىلدا ول ساۋدالاعان مال سانى 5000 باسقا جەتىپ، جىلىنا 500 مىڭ يۋان اينالاسىندا كىرىس كىرگىزەدى.

”حۋاڭگۇڭ ۇلكەن بازارىنان مال ساتىپ الاتىن قاريدارلار چيڭحاي، يۇننان، گۇيجوۋ، سىچۋان، حۋبەي، جىجياڭ سياقتى ەلىمىزدىڭ جەر ـ جەرىنەن كەلەدى“ دەدى ما جۇن. 

ما جۇنگە ۇقسامايتىنى، وسى اۋىلدىڭ التى ٴۇي قىستاعىنىڭ تۇرعىنى ەلشات ابدىرەيىم نەگىزىنەن ىلە وزەنى اڭعارىنداعى اۋدان - قالالاردىڭ مال شارۋاشىلىق رايوندارىنان مال ساتىپ الىپ، ونى حۋاڭگۇڭ ۇلكەن بازارىنا اكەلىپ ساتادى.

ەلشات سوڭعى بىرنەشە كۇندە 180 باس سيىر ساتىپ الدى، 50 نەشە سيىردى حۋاڭگۇڭ ۇلكەن بازارىنا اپارىپ ساتتى.

”دەلدال بولىپ ىستەگەنىمە 20 جىل بولدى، ساۋدام كۇسەت بولعان كەزدە 2 − 3 ايدا 100 ـ 200 مىڭ يۋان تابامىن، ٴبىر جىلدا 300 مىڭ يۋان اينالاسىندا كىرىس كىرگىزەمىن، ورتا ەسەپپەن ايىنا 20 − 30 مىڭ يۋان كىرىس كىرگىزەمىن“ دەدى ەلشات تىلشىگە.

dji_202411201209607_0026_d 全景.jpg

دۋماندى حۋاڭگۇڭ ۇلكەن بازارى

dji_20241127123758_0026_d.jpg

ماشيناعا تيەۋ

dji_20241120123609_0079_d.jpg

قوي بازارى

黄公(修改图).jpg

 ساۋداعا كەلىسۋ

dji_20241127130446_0080_d.jpg

حوش ٴيىسى اڭقىعان ٴدامدى تاعامدار

333.jpg

سيىر بازارى

dji_20241127121314_0039_d_1.jpg

 اقشا ساناۋ