ەرىكتى ٴتىلشى زەينۇرا

اۆتونوميالى وبلىستىڭ ەكى ٴماجىلىسى اشىلۋ الدىندا تۇر، مەملەكەتتىك ۇلتتار ىنتىماعىنىڭ ۇلگىسى، اۆتونوميالى وبلىستىق ساياسي كەڭەستىڭ مۇشەسى گۋ شۇيمەي ٴوزىنىڭ مىندەت وتەۋ جونىندەگى  بايانداماسى مەن ۇسىنىس جوباسىنا قاربالاس ازىرلەندى.

گۋ شۇيمەي ــ قۇلجا اۋدانى ۋيۋە شۇيمەي كيىم ـ كەشەك شەكتى سەرىكتەستىگىنىڭ باس مەڭگەرۋشىسى، ەكونوميكانىڭ دامۋى مەن قوعامنىڭ العا باسۋىنا ۇزاق ۋاقىتتان بەرى نازار اۋدارىپ كەلە جاتقان مۇشە رەتىندە ول ورتا، شاعىن، ۇساق كاسىپورىنداردىڭ دامۋىنا ەرەكشە نازار اۋداردى، ول بۇل جەرگىلىكتى ەكونوميكانىڭ ومىرشەڭدىك كۇشى مەن قوعامدىق جۇمىستاندىرۋعا تىكەلەي قاتىستى دەپ قارادى.

ۇسىنىس جوبا دايىنداۋ بارىسىندا، گۋ شۇيمەي كوپتەگەن ورتا، شاعىن، ۇساق كاسىپورىندارعا ىشكەرىلەي تەكسەرۋ - زەرتتەۋ جۇرگىزىپ، ولاردىڭ تيجارات بارىسىندا جولىققان قيىنشىلىقتارىن ۇعىستى. ول ورتا، شاعىن، ۇساق كاسىپورىندار جۇمىستانۋدى جەبەۋ، عىلىم ـ تەحنيكادا جاڭالىق اشۋ سياقتى جاقتاردا ماڭىزدى رول اتقارعانىمەن، ولار قارجى قۇراۋ قيىن، باجى مىندەتى، بازار باسەكەسى قىسىمى اۋىر بولۋ سياقتى ماسەلەلەرگە ٴدوپ كەلگەندىگىن بايقادى، ول وسى ماسەلەلەرگە قاراتا كەيبىر ناقتى ۇسىنىستار قويۋدى جوسپارلادى.

گۋ شۇيمەي بىلاي دەپ قارادى: ۇكىمەت باجىنى ازايتۋ، كەشىرۋ، اكىمشىلىك تەكسەرىپ بەكىتۋ ٴتارتىبىن قاراپايىمداستىرۋ، امانات - قارىز جاعىنان قولداۋدى كۇشەيتۋ سياقتى جاقتاردان اناعۇرلىم كوپ قولداۋ ساياساتتارىن شىعارىپ، ورتا، شاعىن، ۇساق كاسىپورىنداردىڭ تيجارات قىسىمىن جەڭىلدەتۋى كەرەك. سونىمەن بىرگە، ول ورتا، شاعىن، ۇساق كاسىپورىنداردىڭ وزىندىك قۇرىلىستى كۇشەيتۋىنىڭ ماڭىزدىلىعىن دا دارىپتەپ، كاسىپورىنداردى جاڭالىق اشۋ ارقىلى دامۋعا دەم بەرىپ، ٴونىم مەن قىزمەت وتەۋ جاعىنداعى باسەكەلىك قۋاتىن جوعارىلاتۋعا شابىتتاندىردى.

گۋ شۇيمەي ساياسي كەڭەس مۇشەسى رەتىندە، ٴوز مىندەتىنىڭ ۇسىنىس قويۋ عانا ەمەس، ونان دا ماڭىزدىسى، بۇقارانىڭ ٴۇنىن ەكى ماجىلىسكە جەتكىزىپ، ساياساتتىڭ جاسالۋىنا ٴبىرىنشى قول ماتەريال ازىرلەۋ ەكەنىن ابدەن بىلەدى.

جوعارىداعى كەڭەستىك تاقىرىپتاردان سىرت، گۋ شۇيمەي وقۋ - اعارتۋ، زەينەتكەرلىك قامتاماسىزداندىرۋ سياقتى كوپتەگەن سالاداعى حالىق تۇرمىسى ماسەلەسىنە دە نازار اۋداردى.

گۋ شۇيمەي بىلاي دەدى: ”بيىل مەنىڭ ۇسىنىس جوبام ورتا، شاعىن، ۇساق كاسىپورىنداردىڭ اقاۋسىز دامۋىن قولداۋ، ىلگەرىلەتۋ“ جونىندە بولدى. ورتا، شاعىن، ۇساق كاسىپورىنداردىڭ قيىن وتكەلدەن وتۋىنە كومەكتەسۋ ـ− جۇمىستانۋدى ورنىقتىرۋ، حالىق تۇرمىسىن قامتاماسىز ەتۋ بولىپ تابىلادى“.

گۋ شۇيمەي الدىمەن ورتا، شاعىن، ۇساق كاسىپورىنداردىڭ ۇكىمەتتىك ساتىپ الۋعا قاتىناسۋىن جەبەپ، ورتا، شاعىن، ۇساق كاسىپورىندارعا باعىتتالعان ارناۋلى جەڭىلدىك بەرۋ شارالارىن بەلگىلەپ، كەيبىر قاجەتسىز تارتىپتەردى قاراپايىمداستىرىپ، ۇكىمەتتىك ساتىپ الۋ بارىسىندا ورتا، شاعىن، ۇساق كاسىپورىندارعا بەيىمدەۋدى ۇسىنىس ەتتى. تاعى دا ازايتۋعا بولاتىندارىن ازايتۋ، كەشىرىم ەتۋگە بولاتىندارىن كەشىرىم ەتۋ پرينسيبى بويىنشا، باجىنى اناعۇرلىم جەڭىلدەتىپ، ورتا، شاعىن، ۇساق كاسىپورىنداردىڭ ”جەڭىلدەنىپ شەپكە اتتانۋىنا“ مۇمكىندىك جاساۋ كەرەك. ورتا، شاعىن، ۇساق كاسىپورىندارعا قاراتا جالپىعا ٴتيىمدى باجى كەمەيتۋ ساياساتىن العا قويىپ، ورتا، شاعىن، ۇساق كاسىپورىنداردىڭ اقاۋسىز دامۋىنا ٴتىپتى دە كوپ قولايلىلىق جاراتۋ كەرەك. بۇدان سىرت، ۇكىمەت باقىلاۋ ـ باسقارۋدى كۇشەيتىپ، زاڭ ەرەجە بويىنشا جاۋاپقا تارتۋ تەبىنىن ارتتىرىپ، ورتا، شاعىن، ۇساق كاسىپورىنداردىڭ اقاۋسىز دامۋىن جەبەۋى كەرەك.

”وبلىس، اۋدان ەكى دارەجەلى ساياسي كەڭەس مۇشەسى رەتىندە، بۇقارانىڭ جۇرەك ٴۇنىن كوبىرەك تىڭداپ، ۇعىسىپ، حالىقتىڭ مۇڭ ـ مۇقتاجىن شەشىپ، ىلە وبلىسىنىڭ، قۇلجا اۋدانىنىڭ قوعامىنىڭ العا باسۋى مەن ەكونوميكاسىنىڭ دامۋىن ىلگەرىلەتۋگە كۇش ـ قۋاتىمدى ارنايمىن“ ـ دەدى گۋ شۇيمەي.