شينجياڭ قۇتقارۋ ـ كومەكتەسۋدى ۇلاستىرۋ تۇعىرىندا

ساندى مالىمەت ”ۋاكىلاتان شاپقىلايتىن“، بۇقارا ”سابىلمايتىن“ بولدى

انار بۇلت \ شينجياڭ گازەتىنىڭ ٴتىلشىسى لي لين

1 ـ ايدىڭ 8 ـ كۇنى، ۇيدەن شىقپاي ـ اق قول تەلەفوننان ٴوتىنىش بەرگەنىن، ەرتەسى دەرەۋ قابىلدانىپ، 14 كۇن ىشىندە ـ اق ەڭ تومەنگى تۇرمىستى قامتاماسىزداندىرۋ كولەمىنە كىرگەندىگىن تىلگە العان ونسۋ اۋدانى ونسۋ قالاشىعىنىڭ تۇرعىنى ايتۇرسۇن اۋىت: ”شىنىمەن قولايلى ەكەن“ دەدى تەبىرەنە.

2024 ـ جىلى 11 ـ ايدىڭ 15 ـ كۇنى ايتۇرسۇن قول تەلەفونىمەن ”شينجياڭ قۇتقارۋ ـ كومەكتەسۋدى ۇلاستىرۋ“ ەكى ولشەمدى كودتى جايمالاۋ ارقىلى ادام بەتىن تانۋ، سالاۋاتتى تۇراقتاندىرۋ ساتىسىن تامامداعان سوڭ، ەلەكتروندى تاڭبا ارقىلى تەلەفونمەن اتىن جازۋعا ۇقىق بەرىلدى، نوپوس جانە ازاماتتىق كۋالىگى سياقتى ماتەريالداردى سۋرەتكە تارتىپ جولداعاننان كەيىن، ەڭ تومەنگى تۇرمىستى قامتاماسىز ەتۋدى ينتەرنەت جەلىسىندە ٴوتىنىش ەتىپ تاپسىرۋى ٴساتتى ورىندالدى. نوپوسى تۇرعان اۋىل ـ قالاشىقتاعى (ٴمالى) قوعامدىق قۇتقارۋ ـ كومەكتەسۋدى اتقارۋشى قىزمەتكەرلەر ونىڭ ٴوتىنىش ينفورماتسياسىن كورگەننەن كەيىن، باستاپقى قادامدا ينفورماتسيانى سالىستىرىپ تەكسەردى. ٴوتىنىش ەتۋشىنىڭ ينفورماتسياسى اۆتونوميالى رايونداعى تۇرعىندار وتباسىنىڭ ەكونوميكالىق جاعدايىن سالىستىرۋ جۇيەسىنە اۆتوماتتى جولدانىپ، ٴوتىنىش ەتۋدە قاجەتتى بولعان 10 نەشە تاراۋدىڭ، بىرنەشە بانكەنىڭ جانە باعالى قاعاز قۇرىلىمداردىڭ شىعارىپ بەرگەن 10 نەشە ٴتۇرلى كۋالىك ماتەريالىن تۇگەلدەي ينفورماتسيا جۇيەسى اۆتوماتتى جيناپ الدى.

سوڭعى جىلدارى اۆتونوميالى رايوندىق حالىق ىستەرى مەڭگەرمەسى دارەجە اتتاعان، تاراۋ اتتاعان ساندى مالىمەتتەن بىرگە يگىلىكتەنۋ قىزمەتىن بار كۇشپەن ىلگەرىلەتىپ، ”شينجياڭ قۇتقارۋ ـ كومەكتەسۋدى ۇلاستىرۋ“ تۇعىرىن قۇرىپ، ينفورماتسيا وقشاۋلىعىن تالقاندادى، 18 تاراۋ (ورىن)، 9 فينانس قۇرىلىمى قاتىناسقان 65 ٴتۇرلى حالىق تۇرمىسى ساندى مالىمەت بايلىعى تۇعىرىن قۇرىپ، ”ٴىرى ساندى مالىمەتتەن بىرگە يگىلىكتەنۋدى، ۇلكەن ينتەرنەت جەلىسىن تۇتاستىرۋدى“ جۇزەگە اسىردى. اسىرەسە، 2024 ـ جىلى اۆتونوميالى رايوندىق حالىق ىستەرى مەڭگەرمەسى پارتيا باسشىلىق گرۋپپاسى سيفرلى حالىق ىستەرى قۇرىلىسىن ”ٴبىرىنشى باسشى“ ينجەنەرياسى رەتىندە جەدەل ىلگەرىلەتىپ، «”شينجياڭ قۇتقارۋ ـ كومەكتەسۋدى ۇلاستىرۋ“ قولدانىلمالى ٴتارتىبىن قولدانىپ، تومەن كىرىستى جان سانىن جاپپاي تەكسەرۋ قىزمەتىن ورىستەتۋ جونىندەگى حابارلاندىرۋدى» باسىپ تاراتتى، مەڭگەرمەنىڭ نەگىزگى باسشىلارى اترەت باستاپ جەر ـ جەرگە بارىپ تەكسەرۋ ـ زەرتتەۋ جۇرگىزىپ، جەتەكشىلىك ىستەپ، وڭتۇستىك، سولتۇستىك شينجياڭدا جەكە ـ جەكە ٴۇرىمجى قالاسى مەن اقسۋ ايماعىن تاڭداپ تۇيىندە سىناق ەتتى ٴارى ونى بۇكىل رايوندا بىرتىندەپ جالپىلاستىردى.

اۆتونوميالى رايوندىق حالىق ىستەرى قىزمەت وتەۋ ورتالىعىنىڭ (اۆتونوميالى رايوننىڭ تومەن كىرىستى وتباسىلارىنىڭ ەكونوميكالىق جاعدايىن تەكسەرىپ سالىستىرۋ ورتالىعى) قاتىستى جاۋاپتىسى بىلاي دەپ تانىستىردى: 2024 ـ جىلى رايونىمىز ”شينجياڭ قۇتقارۋ ـ كومەكتەسۋدى ۇلاستىرۋ“ تۇعىرىنا سۇيەنە وتىرىپ، قوعامدىق قۇتقارۋ ـ كومەكتەسۋ جۇمىستارىن ٴبىتىرۋ جۇيەسىن، تۇرعىنداردىڭ ەكونوميكالىق جاعدايىن تەكسەرىپ سالىستىرۋ جۇيەسىن، تومەن كىرىستى حالىقتىڭ يكەمدى باقىلاۋ ـ ولشەۋ، الدىن الا ساقتاندىرۋ جۇيەسىن ٴبىر تۇتاس جوسپارلاۋدى توعىستىرىپ، ساپالىلاندىرىپ، دارەجەسىن جوعارىلاتىپ، قوعامدىق قۇتقارۋ ـ كومەكتەسۋ 3 تورىن بىرىكتىرۋدى ورىندادى ٴارى كومپيۋتەر تەرمينالىنان قول تەلەفون تەرمينالىنا قاراي ويىسىپ، بۇكىل شينجياڭ بويىنشا ”ٴبىر رەتتە ٴوتىنىش ەتۋ، تۇتاس بارىستا جەلىدە ٴبىتىرۋ“، ”ٴبىر رەتتە ۇقىق بەرۋ، تۇتاس جەلىدە ٴبىتىرۋ“ ۇلگىسىن جالپىلاستىردى. بۇقارا ”شينجياڭ قۇتقارۋ ـ كومەكتەسۋدى ۇلاستىرۋ“ ۋيشين شاعىن باعدارلاماسى ارقىلى ٴوتىنىش بەرۋ اياق الىسىن دەر كەزىندە يگەرىپ وتىرادى، قۇتقارۋ ـ كومەكتەسۋدىڭ جاريالىلىعى مەن الەۋمەتتىك سەنىمدىلىگى ارتىپ، باقىلاۋ ـ باسقارۋ تەبىنى دە سايكەستى كۇشەيدى.

”بۇل تۇعىر بۇقاراعا قولايلىلىق تۋدىردى ٴارى نەگىزگى ساتىنىڭ اۋىرتپالىعىن جەڭىلدەتتى“. ونسۋ اۋدانى شاعىراق اۋىلدىق حالىق ىستەرى كەڭسەسىنىڭ قىزمەتكەرى مىنانى ٴبىلدىردى: بۇرىن قۇتقارۋ ـ كومەك بەرۋ ٴوتىنىش ماتەريالىن ادام كۇشىمەن ٴبىر جاقتى ەتۋگە سۇيەنەتىنبىز، قاعازدىق حۇجاتتاردى كوپ تولتىرامىز، ماسەلە وڭاي تۋىلادى، قازىر ”شينجياڭ قۇتقارۋ ـ كومەكتەسۋدى ۇلاستىرۋ“ ۋيشين شاعىن باعدارلاماسى قول تەلەفوندى جۇمىس جۇرگىزۋ تەرمينالىنا اينالدىرىپ، جۇمىس ٴبىتىرۋ نەگىزىنەن الاقاندا ٴبىتىرۋ نەمەسە جۇيە بويىنشا اۆتوماتتى ورىندالاتىن بولدى، جۇمىس بىتىرۋشىلەر جەڭىل كۇيدە جۇمىس جۇرگىزىپ، قىزمەت ونىمدىلىگى بارىنشا جوعارىلادى.

شونجى اۋدانى شونجى قالاشىعى جيڭيۋان الەۋمەتتىك اۋماعىنىڭ حالىق ىستەرى سايكەستىرۋشىسى تاۋ جيڭ بۇدان تەرەڭ اسەر الدى: ”بۇرىن كۇندىز تەكسەرۋگە، ماتەريال جيناۋعا جۇگىرەتىنبىز، كەشتە كەڭسەگە قايتىپ كەلگەن سوڭ ينفورماتسيالاردى جيناقتاپ كومپيۋتەرگە كىرگىزەتىنبىز. قازىر ٴبىر تەلەفونمەن عانا تۇرعىنداردىڭ ۇيىندە بارلىق جۇمىس ٴتارتىبىن بىتىرەتىن بولدىق، قالعان ۋاقىتىمىزدا وتباسىلارىن ارالاپ حالىقتىڭ جاعدايىن ۇعىسامىز“.

تاۋ جيڭ وتباسىلارىن ارالاۋ بارىسىندا قاراستى اۋماقتاعى تۇرعىن جاڭ يدىڭ (بالاما اتى) جۇمىسسىز قالعان، اۋىر دارەجەدەگى ەرەسەك مۇگەدەكتەردى ”جەكە قامسىزداندىرۋعا الۋ“ ساياساتىنا ۇيلەسەتىندىگىن بايقاپ، تاباندا ”شينجياڭ قۇتقارۋ ـ كومەكتەسۋدى ۇلاستىرۋ“ ۋيشين شاعىن باعدالارماسى ارقىلى جاڭ يدىڭ قۇتقارۋ ـ كومەكتەسۋ ٴوتىنىشى، بەت الپەتىن تانۋ، ۇقىق بەرۋ كۋالىگىنە قول قويۋ سياقتى بارىستاردى ٴساتتى ورىنداۋىنا كومەكتەستى، سونداي ـ اق ۋيشين شاعىن باعدارلاماسى ارقىلى وتباسىنىڭ ەكونوميكالىق جاعدايىن تەكسەردى، 24 ساعات ىشىندە اۆتونوميالى رايوننىڭ قوعامدىق قۇتقارۋ ـ كومەكتەسۋدى باسقارۋ جۇيەسىندە اۆتوماتتى تۇردە تەكسەرۋ مالىمەتى دايىن بولىپ، ٴوتىنىش بەرۋ، تەكسەرۋ، تەكسەرىپ بەكىتۋ ۋاقىت شەگىن بارىنشا قىسقارتىپ، جاڭ يدىڭ دەر كەزىندە قۇتقارۋ ـ كومەككە يە بولۋىنا مۇمكىندىك جاسالدى.

اۆتونوميالى رايوندىق حالىق ىستەرى مەڭگەرمەسى قوعامدىق قۇتقارۋ ـ كومەكتەسۋ مەكەمەسىنىڭ قاتىستى جاۋاپتىسى بىلاي دەپ تانىستىردى: 2024 ـ جىلى رايونىمىز زەرتتەپ اشقان ”شينجياڭ قۇتقارۋ ـ كومەكتەسۋدى ۇلاستىرۋ“ ۋيشين شاعىن باعدارلاماسى جالپى بەتتىك جەلىگە شىعارىلىپ، قۇتقارۋ ـ كومەكتەسۋدى ٴوتىنىش ەتۋ، وتباسىلارىن ارالاپ قايتا تەكسەرۋ، ارحيۆ تەكسەرۋ، تەكسەرىپ بەكىتۋ سياقتى يقۋاتتار ٴبىر تۇلعالاندىرىلىپ، قۇتقارۋ ـ كومەكتەسۋ ىستەرىنىڭ ”الاقاندا بىتىرىلۋىنە، دەر كەزىندە بىتىرىلۋىنە مۇمكىندىك جاساپ، ساندى مالىمەت كوپ شاپقىلاۋ، بۇقارانى از سابىلتۋ نەمەسە مۇلدە سابىلتپاۋ نىساناسىن جۇزەگە اسىردى. قازىر قوعامدىق قۇتقارۋ ـ كومەكتەسۋ كاسىبىن ٴبىتىرۋ ۋاقىت شەگى 2023 ـ جىلعى ورتا ەسەپپەن 25 كۇننەن قازىرگى، ەڭ قىسقا بولعاندا، 14 كۇنگە قىسقاردى.

تاياۋدا مەملەكەتتىك كەڭەس كەڭسەسى 2024 ـ جىلعى مەملەكەتتىك كەڭەستىڭ جوعارى ساپالى دامۋدى ىلگەرىلەتۋ جالپىلىق باقىلاۋ ـ تەكسەرۋىندە بايقالعان ٴونىمدى ادىستەردى حابارلادى، وسى جاڭالىق اشۋ امالياتىنا سۇيەنىپ، رايونىمىزدىڭ ”شينجياڭ قۇتقارۋ ـ كومەكتەسۋدى ۇلاستىرۋ“ تۇعىرىن قۇرىپ، قوعامدىق قۇتقارۋ ـ كومەكتەسۋ قىزمەتىنە رەفورما جاساۋ، جاڭالىق اشۋ جونىندەگى تيپتىك تاجىريبەسى مەن ادىستەرى حابارلاندىرۋ شىعارىپ ماداقتالدى.