ارافات احات:

بۇقارانى كوكەيدەن شىعارماي، مىندەتىمدى وتەپ، جاۋاپكەرشىلىگىمدى ادا ەتەمىن

انار بۇلت \ شينجياڭ گازەتىنىڭ ٴتىلشىسى گو ليڭ

ارافات احات اۆتونوميالى رايوندىق حالىق قۇرىلتايى ۋاكىلى بولىپ سايلانعاننان بەرى، ٴار ۇلت بۇقاراسى كوڭىل بولەتىن قولامتالى، قيىن ٴتۇيىندى ماسەلەلەردى كوكەيىنەن شىعارمادى. بىرنەشە كۇننەن بەرى ول جيناعان ماسەلەلەرىن رەتتەپ، اۆتونوميالى رايوندىق ەكى ماجىلىسكە تاپسىرۋعا دايىنداعان ۇسىنىستارىن كەمەلدەندىرۋمەن قاربالاس بولدى.

26 جاستاعى ارافات احات اقسۋ ايماعى جينلۇڭ اۆتوموبيل جۇرگىزۋشىلەرىن تاربيەلەۋ شەكتى جاۋاپكەرشىلىك سەرىكتەستىگىنىڭ باس ديرەكتورى، 8 بولىمشە سەرىكتەستىگى وڭتۇستىك شينجياڭنىڭ جەر ـ جەرىنە ورنالاسقان، اۆتونوميالى رايوندىق حالىق قۇرىلتايى ۋاكىلى بولىپ سايلانعاننان كەيىن ول ورتاعا قويعان ۇسىنىستاردىڭ ٴبارى اۆتوكولىك حاۋىپسىزدىگى توڭىرەگىندە بولدى، كۇندەلىكتى ارالاپ تەكسەرۋ ـ زەرتتەۋ جۇرگىزۋدەن تىس، ول ٴار ايدا ەكى رەت كۋرسانتتاردى قابىلداۋ كۇنىن ورنالاستىرىپ، ٴار سالا، ٴار كاسىپتەگىلەردەن كولىك جۇرگىزۋ حاۋىپسىزدىگى جونىندەگى ماسەلەلەردى ارناۋلى ۇعىسادى.

بيىل ارافات احات دەن قويا ەكى ۇسىنىس دايىندادى، ولار جەكە ـ جەكە ”جاڭا ەنەرگيالى اۆتوموبيل زاريادتاۋ باعاناسى قۇرىلعى حاۋىپسىزدىگىن باسقارۋ ٴادىسىن شىعارۋ جونىندەگى ۇسىنىس“ جانە ”ەلەكترلى ۆەلوسيپەدتى باسقارۋ ٴادىسىن جاساۋ جونىندەگى ۇسىنىس“، ول قاتىستى سالانىڭ حاۋىپسىزدىگىن باسقارۋدى ارناعا تۇسىرۋىنە، جۇيەلىلەندىرۋىنە كۇش قوسۋىن ٴۇمىت ەتتى.

”ٴبىزدىڭ وتباسىمىز ٴۇش ۇرپاقتان بەرى كولىك جۇرگىزۋشىلەردى تاربيەلەۋ كاسىبىمەن شۇعىلدانىپ كەلەدى، مەنىڭشە، حاۋىپسىزدىك ەڭ ماڭداي الدى ٴىس، سوندىقتان مەنىڭ ەكى جىلدان بەرگى قويعان ۇسىنىسىمنىڭ ٴبارى حاۋىپسىزدىككە قاتىستى بولدى“. ارافات احات بىلاي دەدى: جازعان ۇسىنىستارىما ساندى مالىمەت قوسۋ ارقىلى مازمۇنعا ارقاۋ ەتۋدى ويلاسۋدامىن، وسى بىرنەشە كۇندە شاعىن اۋماقتى ۇزدىكسىز ارالاۋدان تىس، تاعى قاتىستى تاراۋلارعا بارىپ قاتىستى ينفورماتسيالارعا يە بولدىم.

”حالىققا ۋاكىل بولىپ ٴۇن قاتىپ قانا قويماي، ونان دا ماڭىزدىسى، حالىق ٴۇشىن قىزمەت ىستەۋ كەرەك“. ارافات احات حالىق قۇرىلتايى ۋاكىلى رەتىندە مىندەت، جاۋاپكەرشىلىگىنىڭ اۋىر ەكەنىن ابدەن بىلەتىندىگىن ايتتى.

سوڭعى جىلدارى سەرىكتەستىك ونىڭ باسشىلىعىندا كوپتەگەن داڭقتارعا يە بولدى، سەرىكتەستىكتىڭ دامۋىمەن بىرگە، ارافات احاتتىڭ الەۋمەتتىك يگىلىك ىستەرىنە قىزۋ سۇيىسپەنشىلىكپەن ات سالىسۋى دا جەرگىلىكتى ورىنداعى كەڭىنەن تارالعان ونەگەلى اڭگىمەگە اينالىپ، ۇزاق ۋاقىتتان بەرى ولاردىڭ سەرىكتەستىگى كولىك جۇرگىزۋگە تاربيەلەۋ قىزمەت وتەۋىن ازىرلەپ قانا قويماي، جۇمىستانۋعا باۋلۋ قىزمەتىن دە كەڭەيتىپ، مىڭنان استام ٴار ۇلت بۇقاراسىنىڭ ٴساتتى جۇمىس تابۋىنا كومەكتەستى، قىزمەت ورنى ساياحات، تاسىمال، جولاۋشى تاسىمالى سياقتى كوپ سالانى شارپىدى.

وتباسىنىڭ جانە مەكتەپتىڭ تاربيەسىمەن ارافات احات كىشكەنتايىنان باستاپ جۇرەگىنە ۇلتتار ىنتىماعى تۇقىمىن ۇيالاتىپ، سەرىكتەستىكتەگى ٴار ۇلت قىزمەتكەرلەرىمەن اعا ـ باۋىرداي ەتەنە بولىپ، ٴوزارا قارايلاسىپ، كومەكتەسىپ، جۇڭحۋا ۇلتى ورتاق تۇلعا تانىمىن بەكەمدەۋدى كاسىپورىننىڭ دامۋىمەن جانە الەۋمەتتىك يگىلىك ىستەرىمەن توعىستىرىپ، 40تان استام ٴار ۇلت وقۋشىسىنىڭ داشۋە ارمانىن ورىنداۋىنا كومەكتەستى.

”مەنىڭشە، سۇيىسپەنشىلىك، قايىرىمدىلىق ٴداستۇرى وتباسىنان جالعاسادى، ونان دا ماڭىزدىسى، كاسىپورىن مادەنيەتىندە ساۋلەلەنەدى. مەن ٴار رەتكى يگىلىكتى ٴىستىڭ قوعامدا سۇيىسپەنشىلىك تولقىنىن قوزعايتىندىعىنا كامىل سەنەمىن“. ارافات احات وسىعان ۇقساس، حالىق قۇرىلتايى ۋاكىلى رەتىندە، بۇقارا ەڭ كوڭىل بولەتىن، ەڭ تىكە، ەڭ رەال ماسەلەلەردى ويداعىداي شەشۋدى كوكەيىنەن شىعارماي، قاراستى اۋماقتاعى بۇقارانى اناعۇرلىم كوپ باقىتقا كەنەلتىپ، ٴار ۇلت تۇرعىندارىنىڭ تۇرمىسىنىڭ اناعۇرلىم كوڭىلدى بولۋىنا مۇمكىندىك جاسايتىندىعىن ايتتى.