سۋرەتتە: باي مازمۇندى، الۋان ٴتۇرلى جۇڭحۋا مادەنيەتى كورمەسى.   سۋرەتتى يۇڭ چىڭفان تۇسىرگەن

ەرىكتى تىلشىلەر يۇڭ چىڭفان، ۋ جىحىڭ حابارلايدى. 3 ـ ايدىڭ 3 ـ كۇنى قورعاس شينجياڭ وبرازىن ايگىلەۋ تۇعىرى (جۇڭحۋا مادەنيەتىن سەزىنۋ سارايى) جۇڭگو ـ قازاقستان قورعاس حالىقارالىق شەكارالىق سەلبەستىك ورتالىعىندا ماڭدايشالىق اسىپ، ىسكە قوسىلدى، بۇل سيفرلاندىرۋ، كوركەمدەۋ، باستان كەشىرۋ سيپاتتى ۇگىتتەۋ، تانىستىرۋ ٴتاسىلى ارقىلى ەل ٴىشى ـ سىرتىنداعى ساياحاتشىلارعا كوپ نەگىزدى، ٴبىر تۇلعالى جۇڭحۋا مادەنيەتىن، شينجياڭنىڭ ەكونوميكالىق، قوعامدىق دامۋ جەتىستىكتەرىن جانە ٴار ۇلت حالقىنىڭ باقىتتى تۇرمىسىن ايگىلەپ، شينجياڭنىڭ اشىق، سەنىمدى جاڭا بەت ـ بەينەسىن، جاڭا وبرازىن ايگىلەيدى.

قورعاس ەلىمىزدىڭ باتىسقا ەسىك اشۋداعى ماڭىزدى تەرەزەسى رەتىندە، سىرتقا باعىتتالعان ۇگىتتى كۇشەيتۋ، حالىقارالىق تاراتۋ قابىلەتىن جوعارىلاتۋ جاعىندا اناعۇرلىم جوعارى بورىش، اناعۇرلىم ەرەكشە مىندەت ارقالاعان. قورعاستىڭ شينجياڭ وبرازىن ايگىلەۋ تەكشەسىنىڭ (جۇڭحۋا مادەنيەتىن سەزىنۋ سارايى) قۇرىلىس كولەمى 1500 شارشى مەتر بولىپ، اۆتونوميالى رايوندىق، اۆتونوميالى وبلىستىق پارتكومنىڭ ۇگىت ٴبولىمى مەن جياڭسۋدىڭ ىلەگە كومەك بەرۋ الدىڭعى شەپ قولباسشىلىق شتابى ٴتۇيىندى قولداۋ كورسەتكەن مادەنيەت نىسانى. تۇتاس ساراي ”جۇڭحۋانىڭ تاڭداۋلى ٴداستۇرلى مادەنيەتىن اسقاقتاتىپ، جۇڭحۋا ۇلتى ورتاق تۇلعا تانىمىن بەكەمدەۋدى“ نەگىزگى جەلى ەتىپ، جۇڭحۋا مادەنيەتى، جىبەك جولى مادەنيەتى، وركەنيەت جولى سىندى 3 تاراۋعا ٴبولىنىپ، جالپى كورىنىستىك قولمەن سىزىلعان قابىرعا سۋرەت، كوپ ولشەمدى تىكە كورمە جانە ەلىكتەۋ ۇلگىسىندەگى ىقپالداستى اسەر ەتۋ ارقىلى كوپشىلىككە جۇڭحۋانىڭ تاڭداۋلى ٴداستۇرلى مادەنيەتىنىڭ باۋرامدىلىعىن سەزىندىرىپ، شىنايى، جاندى، گۇلدەنىپ - كوركەيگەن كورىكتى شينجياڭدى كورسەتىپ، جۇڭگو ىقىلاسىن، جۇڭحۋا رۋحىن سومدايدى.

قورعاس جۇڭحۋا ۇلتى ورتاق تۇلعا تانىمىن بەكەمدەۋ نەگىزگى جەلىسىن مىقتاپ ارقاۋ ەتىپ، ”سيفرلى مەملەكەت قاقپاسى، مادەنيەتتى شەكارا وتكەلىن“ قۇرۋدى نىسانا ەتىپ، تۇعىردى شينجياڭ وبرازىن ايگىلەيتىن تاماشا تانىسقى، اۋىس - كۇيىستى، سەلبەستىكتى جەبەيتىن ماڭىزدى تۇعىر، مادەنيەتتىڭ گۇلدەنۋىن ىلگەرىلەتەتىن ماڭىزدى دانەكەر ەتىپ تۇلعالاپ، اناعۇرلىم كوپ حالىقارالىق دوستاردى شينجياڭعا كەلۋگە، شينجياڭدى تۇسىنۋگە، شينجياڭدى سۇيۋگە باۋرادى. سونىمەن بىرگە، وڭىرلىك ابزالدىقتى تياناق ەتىپ، مادەنيەت كۇشى ارقىلى”ٴبىر بەلدەۋ، ٴبىر جول“ قۇرىلىسىنا دەم بەرىپ، جۇڭحۋانىڭ 5 مىڭ جىلدىق وركەنيەتى بارىسىندا قوردالانعان فيلوسوفيالىق اقىل ـ پاراساتىن، ەستەتيكا رۋحى مەن قۇن ۇستانىمىن ۋاقىت پەن كەڭىستىك اياسىندا مەملەكەت شەكاراسىن اتتاعان ”دۇنيە تىلىنە“ اينالدىرىپ، ورتا ازياعا، ٴتىپتى، دۇنيە جۇزىنە ”اركىم ٴوز كەلبەتىن ايگىلەۋ“ بارىسىندا ”كوركەمدىكتەن بىرگە كوزايىم بولاتىن“ شىعىس پاراساتىن سەزىندىرىپ، مادەنيەتتىڭ ارالاسۋىنىڭ، ىشتەسۋىنىڭ، توعىسۋىنىڭ جاڭا تاراۋىن بىرگە جازدى.

قورعاس قالالىق پارتكومنىڭ تۇراقتى مۇشەسى، ۇگىت ٴبولىمىنىڭ باستىعى جوۋ حۇڭ مىنالاردى ٴبىلدىردى: وڭىرلىك ورىن، ساياسات، ەسىك اشۋ سياقتى باسىمدىقتاردى تولىق ساۋلەلەندىرىپ، شينجياڭ وبرازىن ايگىلەۋ تۇعىرىنان (جۇڭحۋا مادەنيەتىن سەزىنۋ سارايى) پايدالانىپ، جۇڭحۋا مادەنيەتىنىڭ سىرتقا شىعارىلۋىن اناعۇرلىم ويداعىداي ىلگەرىلەتىپ، مادەنيەت ارقىلى قيسىندى ۇعىندىرىپ، مادەنيەت ارقىلى ٴۇنىمىزدى جەتكىزىپ، مادەنيەت ارقىلى اسەرلەندىرىپ، دۇنيە جۇزىنە جۇڭگوشا ەرەكشەلىككە يە جۇڭگو رۋحىن ايگىلەپ، جۇڭگو اقىل - پاراساتى قوردالىلانعان  اناعۇرلىم كوپ تاڭداۋلى مادەنيەتتى ٴتۇسىندىرىپ، تانىستىرىپ، جۇڭگو حيكاياسىن، شينجياڭ حيكاياسىن، ىلە حيكاياسىن جاقسى باياندايمىز.

قورعاس قالالىق حالىق ۇكىمەتىنىڭ اقپارات كەڭسەسى قازاقستاننىڭ TODAY.INFO اقپارات تورابىمەن، قازاقستاننىڭ Phoenix سامۇرىق اقپارات تورابىمەن، قازاقستاننىڭ ارمان جولى مادەنيەت دوستىق قوعامىمەن سەلبەستىك ەسكەرتپە حاتىنا قول قويدى.

قازاقستاننىڭ ارمان جولى مادەنيەت دوستىق قوعامىنىڭ ٴتوراعاسى امان دۋمان ۇلى بىلاي دەدى: ”كوپ جىلداردان بەرى ٴبىز باستان - اياق اۋەلگى ماقساتتان اينىماي، قازاقستان مەن جۇڭگونىڭ مادەنيەت سالاسىنداعى اۋىس - كۇيىس پەن سەلبەستىكتى كۇش سالا ىلگەرىلەتىپ، قازاقستان مەن جۇڭگو حالقىنىڭ ٴتۇسىنىسۋىن، ٴوزارا سەنىمدىلىگىن كۇشەيتتىك. قورعاستىڭ شينجياڭ وبرازىن ايگىلەۋ تۇعىرىنىڭ (جۇڭحۋا مادەنيەتىن سەزىنۋ سارايى) ماڭدايشالىق اسۋى − ٴداۋىردىڭ اعىمىنا ۇيلەسىپ، مادەنيەت اۋىس ـ كۇيىسىن ىلگەرىلەتۋدىڭ ماڭىزدى شاراسى، ول مادەنيەتتى تاراتۋدىڭ، تۇسىنىكتى جەبەۋدىڭ، سەلبەستىكتى تەرەڭدەتۋدىڭ ماڭىزدى بورىشىن ارقالاپ، ەكى ەلدىڭ اۋىس ـ كۇيىس پەن سەلبەستىگىنە اناعۇرلىم كوپ وراي اكەلەدى“.

ورتالىق راديو - تەلەۆيزيا باس ستانسياسىنىڭ شينجياڭ باس پۋنكتى، جۇڭگو اقپارات اگەنتتىگى شينجياڭ بولىمشەسى، جۇڭگو گازەتى شينجياڭ تىلشىلەر پۋنكتى، شينجياڭ گازەتى مەكەمەسى (شينجياڭ حالىقارالىق تاراتۋ ورتالىعى)، ىلە توعىسپالى مەديا ورتالىعى، ىلە قازاق اۆتونوميالى وبلىستىق از ۇلت كينو - تەلە فيلمدەرىن اۋدارۋ - جاساۋ ورتالىعى، شينجياڭ قازىنا - ەكونوميكا داشۋەسى اقپارات جانە تاراتۋ شۋەيۋانى، ىلە شىفان داشۋەسى توعىسپالى مەديا شۋەيۋانى، سونداي - اق قورعاستاعى قاتىستى تاراۋلاردىڭ قىزمەتكەرلەرى ماڭدايشالىق اسۋ سالتىنا قاتىناستى.