ىلە وبلىسى كاسىپورىندارعا ساياتىن اكىمشىلىك زاڭ اتقارۋدى ارناعا ٴتۇسىرۋ جونىندە ارناۋلى ٴماجىلىس اشتى 

تىلشىلەرىمىز كاميلا، چىن رۇڭ حابارلايدى. پارتيا ورتالىق كوميتەتىنىڭ، مەملەكەتتىك كەڭەستىڭ زاڭمەن باسقارىلاتىن شارۋاشىلىق - ساۋدا ورتاسىن ساپالىلاندىرۋ، كاسىپورىنداردىڭ اۋىرتپالىعىن جەڭىلدەتۋ جونىندەگى كەلەلى شەشىمدەرى مەن ورنالاستىرۋلارىن ىشكەرىلەي دايەكتىلەندىرىپ، تياناقتاندىرىپ، كاسىپورىندارعا ساياتىن اكىمشىلىك زاڭ اتقارۋ ارەكەتىن ونان ارى ارناعا ٴتۇسىرىپ، كاسىپورىنداردىڭ دامۋىنا شىنايى كەپىلدىك ەتۋ ٴۇشىن، 4 - ايدىڭ 9 - كۇنى ىلە وبلىسى كاسىپورىندارعا ساياتىن اكىمشىلىك زاڭ اتقارۋدى ارناعا ٴتۇسىرۋ ارناۋلى تاقىرىپتىق ٴماجىلىسىن اشىپ، بۇكىل وبلىستا كاسىپورىندارعا قاتىستى اكىمشىلىك زاڭ اتقارۋدى ىشكەرىلەي ورىستەتۋ جونىندە ورنالاستىرۋ جاسادى.

وبلىستىق پارتكومنىڭ تۇراقتى مۇشەسى، ساياسي - زاڭ كوميتەتىنىڭ شۋجيى ياڭ شينپيڭ ماجىلىسكە قاتىناستى.

ٴماجىلىس مىنالاردى اتاپ كورسەتتى: پارتيا 18 ـ قۇرىلتايىنان بەرى باس شۋجي شي جينپيڭ اكىمشىلىك زاڭ اتقارۋدى كۇشەيتۋ جانە جاقسارتۋ، زاڭمەن باسقارىلاتىن شارۋاشىلىق ـ ساۋدا ورتاسىن قۇرۋ سياقتىلار جونىندە ٴبىر قىدىرۋ ماڭىزدى بايىمداۋلار جاسادى، اسىرەسە، كاسىپورىندارعا ساياتىن اكىمشىلىك زاڭ اتقارۋدى ارناعا تۇسىرۋگە ايرىقشا ٴمان بەردى. وبلىسقا توتە قاراستى اۋداندار (قالا)، تاراۋلار ساياسي دەڭگەيدى جوعارىلاتىپ، يدەيالىق تانىمدى تەرەڭدەتىپ، كۇشتى ساياسي جاۋاپكەرشىلىكپەن جانە ٴىس جۇزىندىك ارەكەتپەن “ەكىنى تۇراقتاندىرۋدى” باتىل قولداپ، “ەكىنى قورعاۋدى” باتىل ورىنداۋ كەرەك.

ٴماجىلىس مىنالاردى باسا دارىپتەدى: نازاردى ٴتۇيىندى ماسەلەلەرگە، ٴتۇيىندى سالالارعا، ٴتۇيىندى اۋداندارعا (قالا) شوعىرلاندىرىپ، ارەكەت نىساناسىن ايقىنداپ، تۇزەتۋ ـ وڭاۋ سەرپىنىن ارتتىرىپ، دالمە ـ ٴدال كۇش سالىپ قامال الىپ، جاۋاپكەرشىلىكتى قاتاڭ قۋزاستىرىپ، قاتاڭ جاۋاپقا تارتۋ كەرەك. وبلىسقا توتە قاراستى ٴادىليا اكىمشىلىك تاراۋلارى، اكىمشىلىك زاڭ اتقارۋ ورىندارىنىڭ ىشكى باقىلاۋ قۇرىلىمدارى اكىمشىلىك زاڭ اتقارۋدى باقىلاۋ فۋنكتسياسىن تولىق ساۋلەلەندىرىپ، قىزمەت مەحانيزمىن ورناتىپ جانە كەمەلدەندىرىپ، زاڭ اتقارۋ ولشەمىن قاتايتۋ كەرەك. وبلىسقا توتە قاراستى اۋداندار (قالا)، تاراۋلار ٴبىر تۇتاس جوسپارلاپ، بىرلەسىپ قيمىلداۋدى كۇشەيتىپ، جاۋاپكەرشىلىكتى قاتايتىپ، ناقتىلاندىرىپ، ۇنامدى جاقتان جەتەكتەۋدى كۇشەيتۋ ارقىلى تاماشا قوعامدىق پىكىر ورتاسىن جاراتىپ، ورتالىقتىڭ سەگىز ٴتۇرلى بەلگىلەمەسىن جانە ونى اتقارۋدىڭ ەگجەي - تەگجەيلى ەرەجەسىن قاتاڭ اتقارىپ، ناقتى، قاراپايىم، جوعارى ٴونىمدى بولۋدان جازباي، فورماشىلدىقتان، تورەشىلدىكتەن ساقتانىپ، ىسىلعان ستيلمەن ارناۋلى ارەكەتتى تىڭعىلىقتى ورىستەتىپ، اناعۇرلىم جۇيەلى باقىلاۋ - باسقارۋ جۇرگىزىپ، اناعۇرلىم ساپالى قىزمەت وتەۋ كەرەك. كاسىپورىندارعا ەرىك بەرىپ، جۇگىن جەڭىلدەتىپ، ىلە وبلىسىنىڭ ەكونوميكاسى مەن قوعامىنىڭ جوعارى ساپالى دامۋىنا اناعۇرلىم ويداعىداي قىزمەت وتەۋ كەرەك.

ماجىلىستە وبلىسقا توتە قاراستى ٴىشىنارا اۋدان، قالالار مەن وبلىستىق تۇرعىن ٴۇي جانە قالا - اۋىل قۇرىلىسى مەكەمەسى، شۇعىل جاعدايعا توتەپ بەرۋدى باسقارۋ مەكەمەسى سياقتى ورىندار پىكىر اۋىستىرىپ، ٴسوز سويلەدى. وبلىسقا توتە قاراستى زاڭ اتقارۋ تاراۋلارىنىڭ، ورىندارىنىڭ قاتىستى جاۋاپتىلارى ماجىلىسكە قاتىناستى.