سۋرەتتە: جۇمىسشىلار قاربالاس جۇمىس جۇرگىزۋدە.   جاڭ يان فوتوسى

ەرىكتى تىلشىلەر جاڭ يان، ساي جىنيۇي حابارلايدى. 4 ـ ايدىڭ 1 ـ كۇنى ٴتىلشىنىڭ قۇلجا قالاسىنىڭ باتىس ازات جولى جەر استى كەڭىستىگىن اشۋ نىسانى ورنىنان 34 كۇن قاربالاس قۇرىلىس جۇرگىزۋ ارقىلى قازىر نىساننىڭ نەگىزگى تۇلعالىق قۇرىلىسىنىڭ %30 ى ورىندالعانىن، ينجەنەريا جوباسى بويىنشا وسى ايدىڭ سوڭىندا نەگىزگى تۇلعالىق قۇرىلىس اياقتالاتىنىن، باتىس ازات جولىندا 6 - ايدىڭ 10 - كۇنى قاتىناس قالپىنا كەلتىرىلەتىنىن ۇعىسقان.

تۇتاس نىساندا قۇرىلىس جۇرگىزەتىن 3 ٴوڭىر، جيىنى 6 جۇمىس جۇرگىزۋ اۋماعى بار بولىپ، 500 دەن استام جۇمىسشى ٴوز مىندەتتەرىن ادا ەتىپ، بولات شىبىقتى توقۋ، قۇرىلىمدىق قالىپتى ورناتۋ، بەتون قۇيۋ سياقتى جۇمىستاردى ٴتارتىپتى جۇرگىزۋدە.

 قۇلجا قالاسى باتىس ازات جولى جەر استى كەڭىستىگىن اشۋ نىسانى شىعىسى اۋەجاي جولىنان باستالىپ، باتىسى جياڭسۋ كوشەسىنە دەيىن بارادى، ٴبىرىنشى مەرزىمدىك قۇرىلىستىڭ ۇزىندىعى 990 مەتر، جالپى قۇرىلىس كولەمى 32 مىڭ شارشى مەتر. نىسان سالىنىپ بولعاننان كەيىن قالانىڭ فۋنكتسيالىق ورنالاسۋىن كەمەلدەندىرۋگە، قالانىڭ تۇتاس تۇلعالىق وبرازىن جوعارىلاتۋعا، تۇتىنۋ بازارىنىڭ دارەجەسىن جوعارىلاتۋعا دەم بەرۋ سياقتى جاقتاردا ماڭىزدى رول اتقارىپ، قۇلجا قالاسىنىڭ شىت جاڭا ساۋدا بەلگىسىنە اينالىپ، قالانىڭ دامۋىنا تىڭ قوزعاۋشى كۇش قوسادى.

”قازىر ينجەنەريانىڭ %80 تەن استامى سالىنىپ بولدى، مەجەمەن وسى ايدىڭ سوڭىندا بارلىق نەگىزگى تۇلعالىق ينجەنەريا تۇگەلدەي سالىنىپ بولادى. ٴبىز ساپاعا كەپىلدىك ەتۋ شارتى نەگىزىندە ۇستەمەلەپ جۇمىس ىستەپ، ينجەنەريانىڭ اياق الىسىن قۇلشىنا ىلگەرىلەتىپ جاتىرمىز، الدىن الا قۇرىلىستى اياقتاتىپ، جولدا اۆتوكولىك قاتىناۋدى جۇزەگە اسىرۋعا بولادى دەپ مەجەلەپ وتىرمىز“، ـ دەدى قۇلجا قالاسى شيڭيۋەماۋ ساۋدا شەكتى سەرىكتەستىگىنىڭ ورىنباسار باس ديرەكتورى لي لياڭ.