سۋرەتتە: شينجياڭ جىڭلياڭ قۇبىر شەكتى سەرىكتەستىگى نىسان قۇرىلىسىنىڭ جۇمىس باسى.   ليۋ يۇيلۇڭ فوتوسى

ەرىكتى تىلشىلەر ليۋ يۇيلۇڭ، ما جىحۋ حابارلايدى. 4 - ايدان بەرى قورعاس وڭتۇستىك كاسىپ سالاسى باقشا رايونىنداعى جۇمىسى قالپىنا كەلتىرىلگەن 12 نىساندا ىركەس - تىركەس جۇمىس باستالىپ، قورعاس ەكونوميكاسىنىڭ جوعارى ساپالى دامۋىنا كۇش ۇستەدى.

4 - ايدىڭ 26 - كۇنى ٴتىلشى قورعاس جى - ۋىن قۇرىلىس ماتەريالدارى كاسىپ سالاسى باقشاسىنىڭ نىسان قۇرىلىسى ورنىنا بارعاندا جۇمىسشىلار زاۆود ۇيلەرىنىڭ بولات قۇرىلىمدى نەگىزگى تۇلعاسىن قۇراستىرىپ جاتىپتى. بۇل نىسانعا جالپى 120 ميلليون يۋان قارجى قوسۋ جوسپارلانعان، سالىنىپ بىتكەننەن كەيىن جىلىنا 90 مىڭ توننا بولات ماتەريالدارىن مانەرلەۋ ٴوندىرىس جەلىسى جانە 600 مىڭ تەكشە مەتر ساۋدالىق بەتون مانەرلەۋ ٴوندىرىس جەلىسى وندىرىسكە قوسىلادى ەكەن.

قورعاس جى - ۋىن قۇرىلىس ماتەريالدارى كاسىپ سالاسى باقشاسى نىسانىنىڭ جاۋاپتىسى چىن گۋاڭۋەيدىڭ تانىستىرۋىنشا، نىساندا بيىل 3 ـ ايدىڭ 10 ـ كۇنى جۇمىس باستالعان، 5 ـ ايدىڭ سوڭىندا ٴوندىرىس جابدىقتارىن ورناتۋ، سىناق ەتۋ قىزمەتىن جۇرگىزۋ جوسپارلانعان. مەجەمەن جىلدىق ٴونىم قۇنى 200 ميلليون يۋان بولىپ، 170 نەشە ادامدى جۇمىستاندىرادى.

شينجياڭ جىڭلياڭ قۇبىر شەكتى سەرىكتەستىگى نىسانىنا 2 مەرزىمگە ٴبولىپ قارجى قوسىلادى، جيىنى 10 ٴوندىرىس جەلىسى ەنگىزىلەدى، باستىسى، مۇناي، تابيعي گاز اشۋ سالاسىندا قولدانىلاتىن ارناۋلى جاڭا تيپتى وسى زامانعى قۇبىر، ىستىق سۋ قۇبىرىنىڭ بولشەكتەرى، سونداي - اق باسقا دا مەتال بۇيىمدارىن، سۋلياۋ بۇيىمدارىن جاساۋ سياقتى كاسىپتەردى ورىستەتەدى.

شينجياڭ جىڭلياڭ قۇبىر شەكتى سەرىكتەستىگى نىسان قۇرىلىسىنىڭ جاۋاپتىسى جىڭ جىيۇڭ بىلاي دەدى: ”نىساندا ىرگە تەبۋ كەلىسىمىنە قول قويۋ، تيجارات كۋالىگىن الۋدى ٴوتىنىش ەتۋ، جەردى وتكەرمەلەۋ اقىسىن تاپسىرۋ، قۇرىلىس جوبالاۋ رۇقسات كۋالىگى، قۇرىلىس ينجەنەرياسىن جوبالاۋ رۇقسات كۋالىگى مەن قۇرىلىس جۇرگىزۋ رۇقسات كۋالىگىن ٴبىتىرۋ سياقتى الدىڭعى مەرزىمدىك قىزمەتتەر ورىندالىپ بولدى، قازىر زاۆود ٴۇيىنىڭ ىرگەسى تولتىرىلىپ بولدى، مەجەمەن بيىل 7 - ايدىڭ سوڭىندا نەگىزگى قۇرىلىس اياقتالادى، 9 - ايدىڭ سوڭىنان بۇرىن جابدىقتاردى ورناتىپ سىناپ كورۋ جانە سىناق رەتىندە ٴوندىرۋ جۇمىسى اياقتالادى“.

قورعاس وڭتۇستىك كاسىپ سالاسى باقشا رايونى كاسىپورىندارعا قىزمەت وتەۋ ورتالىعىنىڭ كادرى جاڭ ياڭ: ”ٴبىز ٴار اپتادا مەرزىم سايىن ارالاپ تەكسەرۋ ـ زەرتتەۋ جۇرگىزىپ، جۇمىسى قالپىنا كەلتىرىلگەن نىساندارعا قاراتا سوڭىنا ٴتۇسىپ قىزمەت وتەپ، قۇرىلىس قاجەتىن دەر كەزىندە ۇعىسىپ، الدىڭعى مەرزىمدىك رەسمياتتاردى ٴبىتىرۋ، جۇمىسشى ىستەتۋ ماسەلەسى سياقتى 30 دان استام قيىنشىلىق، تالاپتارىن شەشۋگە كومەكتەستىك“.