وقۋ - اعارتۋ مينيسترلىگى:

اۋدان وڭىرىندەگى ادەتتەگى ورتا مەكتەپتەردە باستاماشى وقىتۋشىلار ورنى قۇرىلادى 

شينجياڭ گازەتىنىڭ حابارى (ٴتىلشى چي چي). ٴتىلشىنىڭ 5 - ايدىڭ 12 - كۇنى وقۋ - اعارتۋ مينيسترلىگىنەن ۇعىسۋىنشا، «وقۋ - اعارتۋدا قۇدىرەتتى ەل قۇرۋ جوبا باعدارلاماسىن (2024 - جىلدان 2035 - جىلعا دەيىن)» جاپپاي تياناقتاندىرىپ، اۋدان وڭىرىندەگى ادەتتەگى ورتا مەكتەپتەردىڭ كوشباسشى وقۋ - اعارتۋ، وقىتۋ دارىندىلارىنان ٴبىر توبىن تاربيەلەۋ ٴۇشىن، وقۋ - اعارتۋ مينيسترلىگى كەڭسەسى تاياۋدا «بۇكىل ەل بويىنشا اۋدان وڭىرىندەگى ادەتتەگى ورتا مەكتەپتەردىڭ باستاماشى وقىتۋشىلارىنىڭ قىزمەت ورنى جوسپارىن اتقارۋ جونىندەگى ۇقتىرۋدى» باسىپ تاراتقان.

ۇقتىرۋدا مىنالار اتاپ كورسەتىلدى: اۋدانداعى ورتا مەكتەپتەردىڭ باستاماشى وقىتۋشىلاردىڭ قىزمەت ورنى قۇرىلىپ، ساياسي ساپاسى ىسىلعان، كاسىپتىك ساپاسى كەمەلدى، ادام تاربيەلەۋ ورەسى جوعارى، ۇيىمداستىرۋ، سايكەستىرۋ قابىلەتى كورنەكتى اۋدانداعى ورتا مەكتەپتەردەگى تاڭداۋلى وقىتۋشىلار ۇستىنە الادى، ولاردىڭ قىزمەت كەڭسەسىن قۇرىپ، اۋىس ـ كۇيىس جاساۋ، جەتىلۋ تۇعىرىن اشىپ، اۋدان ٴوڭىرى ٴپان ماماندىقتارىن دامىتۋ ورتاق تۇلعاسىن قۇرىپ، ۇيىمدىق عىلمي زەرتتەۋ جۇرگىزىپ، وقۋ ـ اعارتۋ ۇستانىمىندا جاڭالىق اشىپ، وقىتۋ ٴادىسىن زەرتتەپ، اۋدانداعى ورتا مەكتەپتەردىڭ وقىتۋشىلار قوسىنى قۇرىلىسىن جەتەكتەۋىنە قولداۋ كورسەتىلىپ، شابىت بەرىلەدى. باستاماشى وقىتۋشىلاردىڭ قىزمەت ورنى جوسپارىندا ۇسىنىس ەتۋ مەرزىمى ٴتۇزىمى بويىنشا باسقارىلادى، ٴار توپتا ۇسىنىس ەتـۋ مەرزىمى 3 جىل، العاشقى توپتا 600 ادام ۇسىنىس ەتىلەدى.

ۇقتىرۋعا ساي، وقۋ - اعارتۋ مينيسترلىگى قاتىستى جاقتاردى سايكەستىرىپ، قىزمەت كەڭسەلەرىن ”سايكەستى ساباقحانا“ دىبىس - بەينە جابدىقتارىمەن قامدايدى ٴارى ورتا، باتىس بولىكتەگى وڭىرلەردىڭ (شىعىس سولتۇستىك ٴوڭىردى قامتيدى) قىزمەت كەڭسەلەرىنە قاراجات جاعىنان قولداۋ كورسەتىپ، ناتيجەسى كورنەكتى ولكەلەردىڭ وقىتۋشىلار قوسىنى قۇرىلىسىنىڭ كەلەلى رەفورما سىناق تۇيىندەرىنە، كەلەلى ينجەنەريا نىساندارى قۇرىلىسىنا بەيىمدەلىپ، باستاماشى وقىتۋشىلاردى قولداۋعا ات سالىسقان جوعارى مەكتەپتەر مەن جەكەلەرگە، سونداي - اق باستاماشى وقىتۋشىلاردىڭ وزدەرىنە قاتىستى جاقتاردان بەيىمدەلىپ، شابىت بەرىپ، جوعارى ساپالى، ماماندانعان اۋدانداعى ورتا مەكتەپتەردىڭ وقىتۋشىلار قوسىنىن كۇش سالا قۇرىپ، وقۋ - اعارتۋدىڭ جوعارى ساپالى دامۋىن ىلگەرىلەتۋگە دارىندىلار جاعىنان پارمەندى تىرەك جانە ٴتۇبىرلى كەپىلدىك ازىرلەيدى.