ٴتىلشىمىز جاڭ لياڭ حابارلايدى. ىلە وبلىسى از ۇلتتاردىڭ مەملەكەتتىك 12 - كەزەكتى ٴداستۇرلى سپورت جارىسى ات ٴۇستى ويىندارى تۇرىندەگى بولىمشە جارىس الاڭىنىڭ دايىندىق قىزمەتتەرىن بار كۇشپەن ىلگەرىلەتتى، قازىر ٴتۇرلى دايىندىق قىزمەتتەر تارتىپپەن ورىستەتىلۋدە.
از ۇلتتاردىڭ مەملەكەتتىك 12 - كەزەكتى ٴداستۇرلى سپورت جارىسى 2024 - جىلى 11 - ايدىڭ 22 - كۇنىنەن 30 - كۇنىنە دەيىن حاينان ولكەسىنىڭ سانيا قالاسىندا وتكىزىلەدى، مۇنىڭ ىشىندە ات ٴۇستى ويىندارى تۇرىندەگى بولىمشە جارىسىن ىلە وبلىستىق حالىق ۇكىمەتى ۇستىنە الىپ وتكىزەدى، 7 - ايدىڭ 8 - كۇنىنەن 13 - كۇنىنە دەيىن ىلە وبلىسىنىڭ موڭعۇلكۇرە اۋدانىندا وتكىزىلەدى دەپ بەلگىلەنگەن. قازىر ات ٴۇستى ويىندارى جارىس ٴتۇرىنىڭ دايىندىق قىزمەتى جاپپاي ورىستەتىلىپ، ٴتۇرلى قىزمەتتەر جاپپاي جەدەل ىلگەرىلەتىلۋدە.
مەملەكەتتىك ۇلت ىستەرى كوميتەتىنىڭ، دەنە تاربيە باس مەكەمەسىنىڭ قولداۋىندا، اۆتونوميالى رايوندىق ۇلت ىستەرى كوميتەتىنىڭ، دەنە تاربيە مەكەمەسىنىڭ جانە حاينان ولكەلىك از ۇلتتاردىڭ مەملەكەتتىك 12 - كەزەكتى ٴداستۇرلى سپورت جارىسى دايىندىق كوميسسياسى مەن اتقارۋ كوميسسياسىنىڭ جەتەكشىلىگىندە، اۆتونوميالى رايوندىق پارتكوم مەن ۇكىمەتتىڭ ورنالاستىرۋى مەن تالابىنا ساي ىلە وبلىسى جوعارىدان تومەنگە دەيىن ات ٴۇستى ويىندارى بولىمشە جارىس الاڭىنىڭ دايىندىق قىزمەتىنە وسكەلەڭ ٴمان بەردى.
ىلە وبلىسى ات ٴۇستى ويىندارى تۇرىندەگى بولىمشە جارىس الاڭىنىڭ ىلە وبلىستىق اتقارۋ كوميسسياسىن جەدەل قۇرىپ، وبلىستىق پارتكومنىڭ ورىنباسار شۋجيى، وبلىس باستىعى ەلشات تۇرسىنباي ۇلى باس قولباسشىلىق مىندەتتى ۇستىنە الدى، مۇشەلەرى وبلىسقا توتە قاراستى 23 تاراۋدىڭ جانە سانيا قالاسى، موڭعۇلكۇرە اۋدانى سياقتى جاقتارداعى جالپى 28 قاتىستى جاۋاپتىلاردان ۇيىمداسىپ، پارمەندى باسشىلىق قۇرىلىمىن قالىپتاستىردى. توسەلگەن قىزمەتكەرلەر مەن مايتالمان باسشىلاردى قىزمەت ورنىنان قول ٴۇزىپ، سوندا تۇرىپ ٴىس بىتىرۋگە ورنالاستىرىپ، دايىندىق كەزىندەگى قىرۋار قىزمەتتى جىكتەپ، قىزمەت جاۋاپكەرشىلىگى بويىنشا مىندەت ٴبولىسىن ايقىنداپ، مىندەتتى ادامعا دەيىن تياناقتاندىردى.
ٴبىر تۇتاس جوسپارلاپ ورنالاستىرۋدى كۇشەيتۋ ٴۇشىن ىلە وبلىسى جەكە - جەكە «از ۇلتتاردىڭ مەملەكەتتىك 12 - كەزەكتى ٴداستۇرلى سپورت جارىسى ات ٴۇستى ويىندارى تۇرىندەگى بولىمشە جارىس الاڭى ىلە وبلىسىنىڭ دايىندىق قىزمەتىنىڭ اتقارۋ جوباسىن»، «از ۇلتتاردىڭ مەملەكەتتىك 12 - كەزەكتى ٴداستۇرلى سپورت جارىسى ات ٴۇستى ويىندارى تۇرىندەگى بولىمشە جارىس الاڭى دايىندىق قىزمەتىندەگى جاۋاپكەرشىلىك ٴبولىسى»، «از ۇلتتاردىڭ مەملەكەتتىك 12 - كەزەكتى ٴداستۇرلى سپورت جارىسى ات ٴۇستى ويىندارى تۇرىندەگى بولىمشە جارىس الاڭى موڭعۇلكۇرە اۋدانىنىڭ دايىندىق قىزمەتىنىڭ اتقارۋ جوباسىن» جاساپ، ٴاربىر قىزمەتتىڭ جەتەكشى باسشىلارىن، جاۋاپتى باسشىلارىن، جاۋاپتى ورىنداردى جانە ورىنداۋ ۋاقىت شەگىن ايقىندادى، سونداي ـ اق جۇمىس ۋاقىتىن كەرى ساناۋ، ەسەپكە الىپ تىزىمنەن ٴوشىرۋ ٴتاسىلىن قولدانىپ، ٴتۇرلى دايىندىق قىزمەتىن ەگجەي ـ تەگجەيلى تياناقتاندىردى.
ىلە وبلىسى دايىندىق قىزمەتىندەگى جارىس باستاۋ سالتى، جارىستى ۇيىمداستىرۋ، ۇگىتتەۋ، قوناق قابىلداۋ سياقتى شەشۋشى تۇيىندەردى مىقتى يگەرىپ، قىزمەت جوباسىن ۇزدىكسىز كەمەلدەندىرىپ، ساپالىلاندىردى. ات ٴۇستى ويىندارى تۇرىندەگى جارىس ىستەرىندە تيتتەي دە اعاتتىق جىبەرمەۋگە كەپىلدىك ەتۋ ٴۇشىن ىلە وبلىسى جىلقى فەرماسىنان 4 جاتتىقتىرۋ الاڭىن، 20 جىلقى قورا، 352 ات قورا زاپاس دايىندادى.
ۇعىسۋعا قاراعاندا، وسى كەزەكتى ات ٴۇستى ويىندارى تۇرىندەگى جارىسقا بۇكىل ەل بويىنشا 12 ۋاكىلدەر كومانداسى قاتىناسادى ەكەن، بۇل ٴاربىر كەزەكتى ات ٴۇستى ويىندارى تۇرىندەگى جارىستاردان بەرگى قاتىناسقان ۋاكىلدەر كومانداسى ەڭ كوپ ٴبىر كەزەك ەكەن (از ۇلتتاردىڭ مەملەكەتتىك 11 - كەزەكتى ٴداستۇرلى سپورت جارىسىنىڭ ات ٴۇستى ويىندارى تۇرىندەگى جارىسىنا 8 ۋاكىلدەر كومانداسى قاتىناسقان) ات ٴۇستى ويىندارى تۇرىندەگى جارىس از ۇلتتاردىڭ مەملەكەتتىك 12 - كەزەكتى ٴداستۇرلى سپورت جارىسىنداعى ەڭ ەرتە باستالاتىن جارىس ٴتۇرى، ات ٴۇستى ويىندارى تۇرىندەگى بولىمشە جارىس الاڭى بولعان ىلە وبلىسى ”اتويلاپ الدا ٴجۇرۋ“، ”باستاما كوتەرۋ“ سىندى ماڭىزدى بورىشتى ارقالاپ وتىر، مۇنىڭ ٴمانى توتەنشە زور.
ۇعىسۋعا قاراعاندا، 5 - ايدىڭ 31 - كۇنىنەن بۇرىن ات ٴۇستى ويىندارى تۇرىندەگى بولىمشە جارىس الاڭىنىڭ جارىس باستاۋ سالتىن جوبالاۋ، الاڭ قۇرىلىسى، ورتا ازىرلەۋ، قىزمەت وتەۋ قامتاماسىزداندىرۋى سياقتى ٴتۇرلى دايىندىق قىزمەتتەر جاپپاي ورىندالىپ بولادى ەكەن.
سۋرەتتە: جەدەل سالىنۋ ۇستىندەگى بولىمشە جارىس الاڭى.
سۋرەتتى جاڭ لياڭ تۇسىرگەن.