ٴتىلشىمىز جاڭ لياڭ حابارلايدى. از ۇلتتاردىڭ مەملەكەتتىك 12 ـ كەزەكتى ٴداستۇرلى سپورت جارىسىنىڭ ات ٴۇستى ويىن تۇرلەرىنە ازىرلىك كورۋ قىزمەتى ورنىقتى ىلگەرىلەتىلۋدە. جۋىردا ٴتىلشى جارىس وتكىزىلەتىن موڭعۇلكۇرە تۇلپار ساياحات ـ مادەنيەت باقشاسىنان جارىسقا قاتىناستىرىلاتىن اتتاردىڭ ات قوراسىنىڭ دايىندالىپ بولعانىن كوردى.
ۇعىسۋعا قاراعاندا، وسى رەتكى ات ٴۇستى ويىن تۇرىنە بۇكىل ەل بويىنشا 12 ۋاكىلدەر كومانداسى قاتىناسادى ەكەن، بۇل ٴار كەزەكتى جارىستاردان بەرگى ۋاكىلدەر كومانداسى ەڭ كوپ قاتىناسقان ٴبىر رەتكىسى بولعاندىقتان، اتتاردى ورنالاستىرۋ قىزمەتىنە قيىندىق تۋدىرعان. وسى رەتكى ات ٴۇستى ويىن تۇرىنە ازىرلىك كورۋ كوميسسياسى زاپاس ات جاتتىقتىراتىن 4 الاڭ، 20 ات قورا، 352 ات بايلايتىن بولمە دايىنداعان.
جارىسقا قاتىناستىرىلاتىن اتتارعا حاۋىپسىز، جايلى بولۋى ٴۇشىن موڭعۇلكۇرە اۋدانى ات قورانى قايتادان وزگەرتىپ جانە كەمەلدەندىرىپ، ارناۋلى وڭىرلەرگە ٴبولىپ، 2 اۋاشالاۋ قوراسىن سالعان، شىعىس جاقتاعى اۋاشالاۋ قوراسىندا 14 بولمە بار بولىپ، بۇل شامامەن ات قورا وزەكتى رايونىنىڭ شىعىس جاعىنداعى 50 مەتر جەرگە ورنالاستىرىلعان؛ باتىس جاقتاعى اۋاشالاۋ قوراسىندا 20 بولمە بار بولىپ، بۇل شامامەن ات قورا وزەكتى رايونىنىڭ باتىسىنداعى 1000 مەتر جەرگە ورنالاسقان، دەنە تەمپەراتۋراسى نەمەسە ارەكەتى قالىپسىز اتتار ٴۇشىن ارناۋلى ”جەكە بولمە“ ازىرلەنگەن، ازىرلىك كورۋ كوميسسياسى اتتاردى كارانتيندەۋگە ارناۋلى قارجى بولگەن. جارىسقا قاتىناساتىن اتتاردىڭ تاماشا كۇيىن ساقتاۋ ٴۇشىن، ات قوراعا بۇركۋ جابدىعى ورنالاستىرىلىپ، اتتاردى ارناۋلى جۋىندىراتىن سالقىن بولمە دە ازىرلەنگەن.
موڭعۇلكۇرە اۋدانى جارىسقا قاتىناسۋشىلار مەن اتتاردىڭ اماندىعىنا كەپىلدىك ەتۋ ٴۇشىن ات قورادا مال شيپاگەرلىك ٴبولىمىن قۇرىپ، 12 تاجىريبەلى مال شيپاگەرىن سەپتەپ، ەمدەۋ ٴبولىمىن قۇرىپ، 5 ەمدەۋ قىزمەتكەرىن ورنالاستىرعان.
بۇدان سىرت، ٴورت ٴوشىرۋ اۆتوموبيلىن، قۇتقارۋ اۆتوموبيلىن، سۋ شاشۋ اۆتوموبيلىن جانە قوقىر - قوقسىقتى تازالاۋ اۆتوموبيلىن دايىنداعان، وسى ارقىلى اتتىڭ جانە قاتىستى ادامداردىڭ حاۋىپسىزدىگىنە تولىق كەپىلدىك ەتتى.
موڭعۇلكۇرە تۇلپار ساياحات - مادەنيەت باقشاسىنىڭ ورىنباسار باس ديرەكتورى كاڭ زۋلياڭ تىلشىگە بىلاي دەدى: ”جارىسقا قاتىناساتىن اتتارعا ساپالى جەم - ٴشوپ تولىق دايىندالىپ بولدى، جارىس كەزىندە 200 دەن استام ات كەلەتىندىكتەن، ٴبىز ٴتۇرلى ازىرلىك قىزمەت بارىسىندا قاجەتتى دەرەۋ قاناعاتتاندىرۋ ٴۇشىن بارىنشا مۇمكىندىك قالدىردىق“.
سۋرەتتە: ات باپتاۋشى قىزمەتكەرلەر ات باپتاۋدا.
جاڭ لياڭ فوتوسى
سۋرەتتە: جاڭادان سالىنعان ات قورا. جاڭ لياڭ فوتوسى