تىلشىلەرىمىز جاڭ لياڭ، لي يافىڭ، سۇن ي - نان، چىن يىڭ، شاۋكەت حابارلايدى. از ۇلتتاردىڭ مەملەكەتتىك 12 - كەزەكتى ٴداستۇرلى سپورت جارىسىنىڭ ات ٴۇستى ويىندارى جارىسىنا قاتىناسقان اتتاردىڭ اتى الۋان ٴتۇرلى بولىپ، ىزگى تىلەك بىلدىرەتىندەرى بار. مىسالى، شينجياڭ ۋاكىلدەر ۇيىرمەسىنىكى جۇرت تىلەگىن، قۋانىشتى بەينەلەسە، ىشكى موڭعۇل ۋاكىلدەر ۇيىرمەسىنىكى بايۋ، باقىت جىرىن بەينەلەيدى. اتقا ادام اتىن قويعاندار دا بار. مىسالى، حۋبەي ۋاكىلدەر ۇيىرمەسىنىكى بادۇنلۋجى، ىشكى موڭعۇل ۋاكىلدەر ۇيىرمەسىنىكى داياننا؛ قىزىقتى ات قويعاندارى دا بار. مىسالى، شانشي ۋاكىلدەر ۇيىرمەسىنىكى شياۋحي، ىشكى موڭعۇل ۋاكىلدەر ۇيىرمەسىنىكى كىشكەنتاي زەڭبىرەك، حۋبەي ۋاكىلدەر ۇيىرمەسىنىكى الباستى، ەرلىكتى بىلدىرەتىن ات قويعاندار دا بار. مىسالى، شينجياڭ ۋاكىلدەر ۇيىرمەسىنىكى تەڭدەسسىز اتويشى، يۇننان ۋاكىلدەر ۇيىرمەسىنىكى تەڭدەسسىز، حاينان ۋاكىلدەر ۇيىرمەسىنىكى قۇرىش حانزاداسى، وسىمدىك، گۇل - شوپتەردىڭ اتى قويىلعان اتتار بار. مىسالى، جيلين ۋاكىلدەر ۇيىرمەسىنىكى قارا قىزعالداق، ىشكى موڭعۇل ۋاكىلدەر ۇيىرمەسىنىكى قىزىل روزا؛ حايۋاناتتاردىڭ اتى قويىلعان اتتار دا بار. مىسالى، شينجياڭ ۋاكىلدەر ۇيىرمەسىنىڭ تيانشان قارا قابىلانى، جيلين ۋاكىلدەر ۇيىرمەسىنىڭ ايداعارى سياقتىلار بار.

بايگە اتتىڭ اتى شاباندوزدىڭ اۋەسى مەن تىلەگىنە ۋاكىلدىك ەتەدى. 2 مىڭ مەترلىك جىلدامدىق جارىستىڭ اعا جۇلدەگەرى زاشي پيڭسو: ”مەنىڭ اتىمنىڭ اتى حىلي قىرانى، ونىڭ اسپانداعى بۇركىت سياقتى تەز بولۋىن ٴۇمىت ەتەمىن. ەسىمنىڭ الدىڭعى جاعىندا حىلي دەگەن ٴسوز بار، بۇل سايكۇلىكتىڭ شيزاڭ حىلي جىلقى شارۋاشىلىعىنا تاۋەلدى ەكەندىگىن بىلدىرەدى“ دەدى.

 شينجياڭ ۋاكىلدەر ۇيىرمەسىنىڭ شەبەرى ۇشقىن جاركەن ۇلى مەن جارىسقا قاتىناسقان ”عاشىقتار پەرىشتەسى“.

سۇن ي - نان فوتوسى

 شيزاڭ ۋاكىلدەر ۇيىرمەسىنىڭ شەبەرى زاشي پيڭسو مەن ونىڭ بايگە اتتى ”حىلي قىرانى“.

سۇن ي - نان فوتوسى