تـىلـشـىـلەرىمىز لي يافىڭ، سۇن ي - نان، جاڭ لياڭ، چىن يىڭ، شاۋكەت، ەرىكتى ٴتىلشى ارداق حابارلايدى. 7 - ايدىڭ 8 - كۇنى تۇستەن كەيىن از ۇلتتاردىڭ مەملەكەتتىك 12 - كەزەكتى ٴداستۇرلى سپورت جارىسىنىڭ (تومەندە قىسقارتىلىپ سپورت جارىسى دەلىنەدى) ات ٴۇستى ويىندارى جارىس الاڭىندا العاشقى مايدان ويىن تۇرلەرى وتكىزىلدى، جارىسقا قاتىناساتىن كوپتەگەن ۋاكىلدەر كومانداسى ونەر باسەكەسى، شەبەرلىك باسەكەسى، جالپىلىق ٴتۇر سىندى 3 جارىس ٴتۇرىن توڭىرەكتەي وتىرىپ، كورەرمەندەرگە تاماشا ات ونەرى ويىندارىن كورسەتتى.

موڭعۇلكۇرە اۋدانى تۇلپار ساياحات - مادەنيەت باقشاسىن تۇلپارلار دۇبىرلەتىپ، جالعىز اتپەن ەكى ادام، قوس اتپەن ٴۇش ادام، كوپ اتپەن كوپ ادام ٴتۇرلى ونەر كورسەتىپ شاۋىپ وتۋمەن بىرگە، حادا ٴىلۋ، قىز قۋار، اۋدارىسپاق، كوكپار تارتۋ سياقتى ات ٴۇستى ويىندارىنان ونەر كورسەتتى.

ۇعىسۋعا قاراعاندا، ونەر باسەكەسىنە ۇقسامايتىنى سپورت جارىسىنىڭ ويىن كورسەتۋ تۇرلەرىندە نەگىزىنەن از ۇلتتاردىڭ ٴوندىرىس، تۇرمىس، ۇلتتىق سالت ـ سانا سياقتى ەرەكشەلىكتەرىنىڭ قازىرگى قوعامىمىزداعى جالعاستىرىلۋى مەن دامىتىلۋىن ايگىلەۋ بولىپ، بۇل اسا جوعارى تاماشالاۋ سيپاتىنا يە ەكەن.

چيڭحاي ۋاكىلدەر كومانداسىنىڭ ات ونەرى جاتتىقتىرۋشىسى ۋ اڭ تىلشىگە بىلاي دەدى: ات ٴۇستى ويىندارى ٴار ۇلت بۇقاراسى قۇمارتا كورەتىن دەنە تاربيە جارىسى، سونداي ـ اق ٴار ۇلت جاپپاي ات سالىساتىن، ورتاق ٴلاززاتتاناتىن ٴداستۇرلى مادەنيەت ٴتۇرى، ويىن كورسەتۋ تۇرلەرى ارقىلى ۇلتتار اراسىنداعى ٴوزارا ٴتۇسىنىسۋدى تەرەڭدەتۋدىڭ ٴمانى جارىس ناتيجەسىنەن الدەقايدا اسىپ تۇسەدى.

اۋدارىسپاق

سۇن ي - نان فوتوسى

كامبا ات ونەرى ويىنى

لي يافىڭ فوتوسى