از ۇلتتاردىڭ مەملەكەتتىك 12 ـ كەزەكتى ٴداستۇرلى سپورت جارىسىنىڭ ات ٴۇستى ويىندارى جارىسى اياقتادى

شينجياڭ ۋاكىلدەر ۇيىرمەسى داڭقپەن ٴبىر 1 ـ دارەجەلى سيلىق، ٴتورت 2 ـ دارەجەلى سيلىق، ەكى 3 ـ دارەجەلى سيلىق ەنشىلەدى

شينجياڭ گازەتىنىڭ حابارى (ٴتىلشى ٴابيبا). 7 ـ ايدىڭ 13 ـ كۇنى از ۇلتتاردىڭ مەملەكەتتىك 12 ـ كەزەكتى ٴداستۇرلى سپورت جارىسىنىڭ (تومەندە قىسقارتىلىپ ”سپورت جارىسى“ دەلىنەدى) ات ٴۇستى ويىندارى جارىسى موڭعۇلكۇرە اۋدانىندا تولىق تابىسپەن اياقتادى، شينجياڭ ۋاكىلدەر ۇيىرمەسى داڭقپەن ٴبىر 1 ـ دارەجەلى سيلىق (8000 مەترلىك ۇلتتىق بايگە)، ٴتورت 2 ـ دارەجەلى سيلىق (1000 مەترلىك ۇلتتىق بايگە، 2000 مەترلىك ۇلتتىق بايگە، ات ۇستىندە ساداق تارتۋ توپتىق جارىسى، ات ۇستىندە حادا ٴىلۋ توپتىق جارىسى)، ەكى 3 ـ دارەجەلى سيلىق (1000 مەترلىك ۇلتتىق بايگە، 2000 مەترلىك ۇلتتىق بايگە ) ەنشىلەپ، جارىس ناتيجەسىندە جانە رۋحاني وركەنيەتتە بىردەي قوس ناتيجەگە قول جەتكىزدى.

وسى كەزەكتى سپورت جارىسىنىڭ ات ٴۇستى ويىندارى جارىسىنا بۇكىل ەلدەگى 12 ۋاكىلدەر ۇيىرمەسىنەن 229 سپورتشى قاتىناستى. سپورت جارىسىندا ٴار ۇلت دەنە تاربيە ساڭلاقتارى ٴوزارا تانىسىپ، ٴوزارا ٴتۇسىنىسىپ، جارىستا ونەر سىناسىپ، قول ۇستاسا ەكپىندەي ىلگەرىلەسە، جارىستان سوڭ اسەرلەرىن ٴبولىسىپ، ٴبىر ـ بىرىنە شابىت بەرىپ، كوڭىل ٴبولىپ، ٴبىر ٴۇيلى جانداي بولدى. شانشي ۋاكىلدەر ۇيىرمەسىنىڭ سپورتشىسى نان سىلا ات ۇستىندە ساداق تارتۋ جارىسىندا ەرلەردەن قالىسپايتىن ارىنمەن جانە ات ۇستىندەگى ونەرىمەن جەلەكتىلەردىڭ ەر ازاماتتاردان كەم تۇسپەيتىن جىگەر ـ قايراتىن ايگىلەدى. ”ات ٴۇستى ويىندارى سپورتىن ۇناتامىن، سپورت جارىسى ارقىلى شينجياڭدا كوپتەگەن جاقسى دوس تاپتىم، الدا تاعى دا ۇزدىكسىز قۇلشىنىپ، اتپەن جۇيتكيمىن“ دەدى ول. 

ىشكى موڭعۇل ۋاكىلدەر ۇيىرمەسىنىڭ تۇيە ۇستىندە دوپ وينايتىن سپورتشىلارى تارتىمدى تۇيە ۇستىندە دوپ ويناۋ جارىسىن اكەلىپ قانا قويماي، ات ۇستىندە دوپ وينايتىن شينجياڭدىق سپورتشىلارعا ”الدا وراي بولىپ جاتسا شينجياڭعا، ٴسوز جوق، تاعى دا كەلىپ، پامير ۇستىرتىندە تۇيە ۇستىندە دوپ ويناۋ مەن ات ۇستىندە دوپ ويناۋ اراسىندا ”بەلدەسەمىز“ دەپ شىنايى ۇسىنىس تا ٴبىلدىردى.

شينجياڭ ۋاكىلدەر ۇيىرمەسىنىڭ سپورتشىسى دۋبەك  اقىنبەك ۇيىرمە مۇشەلەرىمەن بىرگە اتپەن جۇيتكىتىپ كەلىپ حادا ٴىلۋ تۇرىندە توپتىق 2 ـ دارەجەلى سيلىقتى ەنشىلەدى، جارىس بارىسىندا ول كوپتەگەن جاقسى دوس تاپتى. ”كەلەسى كەزەكتى سپورت جارىسىندا كوپشىلىك ات ۇستىندە تاعى بەلدەسىپ، جارىستان كەيىن بىرگە ەت جەۋگە كەلىسىپ قويدىق“، ـ دەدى دۋبەك.

”وسى كەزەكتى سپورت جارىسىن وتكىزۋشى قوناق يەسى بارلىق ۋاكىلدەر ۇيىرمەسىنە تاماشا قامتاماسىزدىق، قىزمەت وتەۋ ازىرلەپ، كوپشىلىكتىڭ جارىستى ٴساتتى اياقتاتۋىنا مۇمكىندىك جاسادى، بارلىعىمىز شينجياڭ جاقسى جەر ەكەن دەپ بارىنشا القادىق“. ىشكى موڭعۇل ۋاكىلدەر ۇيىرمەسىنىڭ جاتتىقتىرۋشىسى ليۋ حۇڭچين: ”الداعى جەردە كەڭ بايتاق كورىكتى شينجياڭعا، ٴسوز جوق، تاعى دا كەلەمىز“، ـ دەدى.

”11 ـ ايدىڭ 22 ـ كۇنىنەن 30 ـ كۇنىنە دەيىن از ۇلتتاردىڭ مەملەكەتتىك 12 ـ كەزەكتى ٴداستۇرلى سپورت جارىسى حاينان ولكەسىنىڭ سانيا قالاسىندا وتكىزىلەدى“. سانيا قالاسىنىڭ ورىنباسار باستىعى، سپورت جارىسى اتقارۋ كوميسسياسىنىڭ ورىنباسار مەڭگەرۋشىسى، قوسىمشا باس حاتشى جاڭ چاڭفىڭ مىنالاردى ٴبىلدىردى: قازىر سانيا قالاسىنىڭ الاڭ ـ ورىن قۇرىلىسى، جارىسقا ۇيىمداستىرۋ، ينفورماتسيا تەحنيكاسى قامتاماسىزدىعى، ارتقى شەپ قىزمەت وتەۋى  قامتاماسىزدىعى جانە حاۋىپىسزدىك قامتاماسىزدىعى سياقتى ٴتۇرلى قىزمەتتەرى تارتىپپەن ىلگەرىلەۋدە. ”وسى جولعى ات ٴۇستى ويىندارى جارىسى ورايىنان پايدالانىپ، بۇكىل ەلدەگى ٴار ۇلت اعا ـ باۋىر، اپەكە ـ سىڭلىلەردى اسپانى اشىق، تەڭىزى كوك، جاعاسىندا كوكوس اعاشىنىڭ جاپىراعى جەلمەن ىرعالعان ەڭ تاماشا مەزگىلدە سانيادا شاتتىقپەن باس قوسىپ، كۇن شۋاعىنا مالىنىپ، ىنتىماقتى، سۇيىسپەنشىلىكتى بايانداپ، دەنە تاربيە سالتاناتتى جينالىسىنان بىرگە ٴلاززاتتانۋعا شىنايى شاقىرامىز“، ـ دەدى.

7 - ايدىڭ 13 - كۇنى شينجياڭ ۋاكىلدەر كومانداسىنىڭ شاباندوزى بەكجان بەكتۇرسىن ۇلى (وڭدا) جانە ونىڭ سايگۇلىگى ”قازانات“.

 سۇن ي - نان فوتوسى