تاريحي رەكورد جاراتتى!

جىڭ چينۋىن وليمپيادا سپورت جارىسىندا تور دوپ ايەلدەردىڭ جەكە ويىن تۇرىنەن التىن مەدال الدى

جىڭ چينۋىن جەڭدى! بۇل تاريحي ٴسات!

8 ـ ايدىڭ 3 ـ كۇنى 21 جاستاعى جىڭ چينۋىن نولگە قارسى 2 ۇپايمەن حورۆاتيا ساڭلاعى ۆيكيچتى جەڭىپ، جۇڭگونىڭ تور دوپ قۇراماسى ٴۇشىن وليمپيادا سپورت جارىسى ايەلدەر جەكە ويىن تۇرىنەن تۇڭعىش التىن مەدال الدى، بۇل سونىمەن بىرگە جۇڭگو ۋاكىلدەر ۇيىرمەسىنىڭ وسى كەزەكتى وليمپيادا سپورت جارىسىنداعى 16 ـ التىن مەدالى. پاريج وليمپيادا سپورت جارىسى باستالعاننان جارىستىڭ تەڭ جارتىسى وتكەنگە دەيىن، جۇڭگو دەنە تاربيە ۋاكىلدەر ۇيىرمەسىنىڭ باس حاتشىسى جاڭ شين 8 - ايدىڭ 4 - كۇنى تۇستەن بۇرىن وليمپيادا قىستاعىندا جۇڭگو ۋاكىلدەر ۇيىرمەسىنىڭ جارىستىڭ الدىڭعى جارىمىنا دەيىنگى بەينەسىن تانىستىردى:  16 التىن، 12 كۇمىس، 9 قولا مەدال الىپ، جالپى 37 مەدال الدى، باسىم كوپ ساندى تۇرلەردە ساڭلاقتار كەرەمەت ونەر كورسەتتى، جالپى بەينەسى جارىستان بۇرىنعى مەجەگە ۇيلەسەدى.

جارىس الاڭىندا جۇڭگو ساڭلاقتارى مىقتى قارسىلاستاردان يمەنبەي، وزدەرىنە ۇزدىكسىز سايىس جاريالاپ، وليمپيادا رۋحىن ايگىلەدى. جارىس الاڭىنىڭ سىرتىندا ولار وزىنە سەنىمدى، بايسالدى بولىپ، باتىلدىقپەن ۇمتىلىپ، جۇڭگو جاستارىنىڭ كەلبەتىن ايگىلەدى.

جەرگىلىكتى ۋاقىت 8 - ايدىڭ 3 - كۇنى پاريج وليمپيادا سپورت جارىسىنىڭ تور دوپ ايەلدەر جەكە ٴتۇرىنىڭ شەشۋشى جارىسىندا تۇڭعىش رەت وليمپيادا جارىسىنا قاتىناسقان جۇڭگو كومانداسىنىڭ شەبەرى جىڭ چينۋىن نولگە قارسى 2 ۇپايمەن حورۆاتيا كومانداسىنىڭ شەبەرى ۆيكيچتى جەڭىپ، التىن مەدال الدى. بۇل 2004 - جىلعى افينا وليمپيادا سپورت جارىسىندا لي تيڭ مەن سۇن تيانتياننىڭ ايەلدەر قوس كىسىلىك جارىسىنان التىن مەدالدى جەڭىپ العاننان كەيىن جۇڭگو تور دوپ كومانداسى العان تاعى ٴبىر التىن مەدالى ٴارى جۇڭگو تور دوپ كومانداسى العان وليمپيادا جارىسىنىڭ تۇڭعىش التىن مەدالى.

8 - ايدىڭ 3 - كۇنى جىڭ چينۋىن جارىستا دوپ باستاۋدا. شينحۋا اگەنتتىگىنىڭ ٴتىلشىسى گاۋ جيڭ فوتوسى.

8 - ايدىڭ 3 - كۇنى جىڭ چينۋىن سيلىق تاراتۋ سالتىندا. شينحۋا اگەنتتىگىنىڭ ٴتىلشىسى ۋان شياڭ فوتوسى.