شينحۋا اگەنتتىگىنىڭ 8 - ايدىڭ 3 - كۇنى پاريجدەن بەرگەن حابارى (تىلشىلەر جي جيادۇڭ، يۋە رانران). 8 - ايدىڭ 3 - كۇنى پاريج وليمپيادا سپورت جارىسىنىڭ ۇستەل دوپ ايەلدەر جەكە وينىنداعى شەشۋشى جارىستا توكيو وليمپيادا سپورت جارىسىنىڭ اعا جۇلدەگەرى چىن مىڭ 2 گە قارسى 4 ۇپايمەن سۇن يىڭشانى جەڭىپ، اعا جۇلدەگەرلىگىن ٴساتتى قورعادى. 1988 - جىلعى وليمپيادا سپورت جارىسىنان بەرى جۇڭگو ايەلدەر ۇستەل دوپ كومانداسى جەكە تۇردەن التىن مەدال ەنشىلەپ كورمەگەن بولاتىن.

توكيو وليمپيادا سپورت جارىسى ۇستەل دوپ ايەلدەر جەكە ٴتۇرىنىڭ شەشۋشى جارىسىندا چىن مىڭ 2 گە قارسى 4 ۇپايمەن سۇن يىڭشانى جەڭىپ، وليمپيادا سپورت جارىسىندا تۇڭعىش رەت باس بايگەنى العان - دى.

اراعا ٴۇش جىل سالىپ، ەكەۋى تاعى دا وليمپيادا سپورت جارىسىنىڭ شەشۋشى جارىسىندا كەزدەستى. بابىنا كەلگەن سۇن يىڭشا ٴبىرىنشى كەزدەسۋدە 4 كە قارسى 11 ۇپايمەن باسىم تۇسكەن ەدى، ەكىنشى كەزدەسۋدە چىن مىڭ 7 گە قارسى 11 ۇپايمەن ۇستەم ورىندى يەلەدى. ٴۇشىنشى كەزدەسۋدە ەكەۋى دە تەكە تىرەس كۇيگە وتكەن ەدى، سۇن يىڭشانىڭ اعاتتىعى كوبىرەك بولدى دا، چىن مىڭ 4 كە قارسى 11 ۇپايمەن باسىپ وزدى. ٴتورتىنشى كەزدەسۋدە سۇن يىڭشا 5 كە قارسى 10 ۇپايمەن باسىم تۇرعان جاعدايدا چىن مىڭ 10 عا قارسى 9 ۇپايمەن قۋىپ جەتەيىن دەگەن ەدى، سۇن يىڭشا جارىستى ۋاقىتشا توقتاتۋدى تالاپ ەتىپ، بۇل كەزدەسۋدە 9 عا قارسى 11 ۇپايمەن جەڭىستىك الىپ، ۇلكەن ۇپايدى تەڭەستىردى. بەسىنشى كەزدەسۋدە ەكەۋى دە كەزەكتەسىپ العا وزىپ وتىردى، ۇپاي ساندارى 9: 9 بولعاندا، چىن مىڭ ارت - ارتىنان ەكى ٴنومىر الىپ، ۇلكەن ۇپايدان 2 گە قارسى 3 نومىرمەن باسىپ وزدى. التىنشى كەزدەسۋدە چىن مىڭ 6 عا قارسى 9 ۇپايمەن باسىم تۇرعان جاعدايدا جارىستى ۋاقىتشا توقتاتۋدى تالاپ ەتىپ، 6 عا قارسى 11 ۇپايمەن اعا جۇلدەگەر بولدى.

قولا مەدالعا تالاسۋ جارىسىندا جاپونيالىق شەبەر زاۋتيان شينا 2 گە قارسى 4 ۇپايلىق ناتيجەمەن كورەيا شەبەرى شين يۇبيندى جەڭىپ قولا مەدالعا يە بولدى.