9 ـ كەزەكتى ازيا قىسقى سپورت جارىسى حاربيندە تولىق تابىسپەن اياقتادى

لي چياڭ جابىلۋ سالتىنا قاتىناستى

شينحۋا اگەنتتىگىنىڭ 2 ـ ايدىڭ 14 ـ كۇنى حاربيننەن بەرگەن حابارى. قار ـ مۇز ارمانىن بىرگە ورناتىپ، سەنترلەس شەڭبەردى بىرگە سىزدى. 9 ـ كەزەكتى ازيا قىسقى سپورت جارىسى 2 ـ ايدىڭ 14 ـ كۇنى كەشتە حاربيندە تولىق تابىسپەن اياقتادى. مەملەكەتتىك كەڭەستىڭ زۇڭليى لي چياڭ جابىلۋ سالتىنا قاتىناستى.

وتكەن 8 كۇندە ازياداعى 34 مەملەكەت پەن وڭىردەن كەلگەن 1200دەن استام سپورتشى وسى ارادا ٴوز ـ وزىنە سايىس جاريالاپ، كەلبەتتەرىن ايگىلەپ، ارماندارىن ورىنداپ، دوستىققا قول جەتكىزىپ، ەرەن باسەكەلىك دەڭگەيلەرىمەن جانە قايسارلىقپەن سايىسۋ رۋحىمەن ازيا قار ـ مۇز سپورتىنىڭ جاڭا شۇعىلاسىن جازدى. جۇڭگو ”جاسىل، تەڭ يگىلىكتەنۋ، اشىق، پاك بولۋ“ سىندى جارىس ۇيىمداستىرۋ ۇستانىمىمەن، وزىق الاڭ ـ ساراي قۇرىلعىلارىمەن، ايتارلىقتاي ۇيىمداستىرۋ قىزمەت وتەۋىمەن ازيا وليمپيادا القالار كەڭەسى ۇلكەن شاڭىراعىنىڭ جانە حالىقارالىق قوعامنىڭ جاپپاي جاقسى باعاسىن الدى. جۇڭگو دەنە تاربيە ۋاكىلدەر ۇيىرمەسى 32 التىن مەدال، 85 مەدال الۋداي ناتيجەمەن التىن مەدال تاقتاسى مەن مەدال سانى قاتارىندا بىردەي 1 ـ ورىندى يەلەدى.

ٴتۇن پەردەسى تارتىلعاندا حاربين حالىقارالىق ٴماجىلىس ـ كورمە دەنە تاربيە ورتالىعى الۋان ٴتۇستى نۇر شاشىپ، ازياداعى ٴار ەلدەن، ٴار وڭىردەن كەلگەن سپورتشىلار وسى ارادا باس قوسىپ، جاستىق داۋرەندەگى دوستىقتى بىرگە تىلگە تيەك ەتىپ، دەنە تاربيە سالتاناتىن بىرگە بيىككە كوتەردى.

«ازيانى نۇرلاندىرۋ» اتتى مۋزيكا ٴۇنى ىشىندە لي چياڭ ازيا وليمپيادا القالار كەڭەسىنىڭ ٴبىرىنشى ورىنباسار ٴتوراعاسى حو جىنتيڭ قاتارلىلارمەن بىرگە ٴتوراعالار مىنبەسىنە شىعىپ، كورەرمەندەرگە قول بۇلعاپ قۇرمەت ٴبىلدىردى.

ٴدال ساعات 20دا جابىلۋ سالتى باستالدى. بارلىق ادام ورىندارىنان تۇرىپ، جۇڭحۋا حالىق رەسپۋبليكاسىنىڭ مەملەكەت ٴانىن اسقاقتاتا شىرقادى، نارتتاي بەس جۇلدىزدى قىزىل تۋ باياۋ بيىككە كوتەرىلدى.

ۇلكەن ەكراندا قويىلعان قىسقا فيلم «قىسقى كۇنگى سوناتا» شاتتىققا تولى ٴان كەشىن باستادى. كونسەرت «قار ـ مۇزدا جۇرەكتەس بولدى» دۋماندى ٴبيى مەن تىنىستى سيمفونيا ٴۇنىنىڭ توعىسۋىندا ٴتورت ماۋسىم الماسقان، كوكتەم مۇز قالاعا جەتكەن اسەم كورىنىستى تولىق ايگىلەدى.

ۋاكىلدەر ۇيىرمەلەرىنىڭ تۋى مەن سپورتشىلار ۋاكىلدەرى الاڭعا كىردى. بۇكىل الاڭداعى كورەرمەندەر قىزۋ شاپالاق داۋىسىمەن جانە الاقايلاعان ۇندەرىمەن دەنە تاربيە ساڭلاقتارىن قۇتتىقتادى جانە ولارعا قۇرمەت ٴبىلدىردى.

قىسقا فيلم «تاماشا ساتتەر» جارىس الاڭىندا جۇرەكتى جەلپىندىرگەن كوز ايىم سالتاناتتى كورىنىستەردى قايتا كورسەتتى. «كەيىن تاعى باس قوسامىز» اتتى ٴنومىر ەرىكتىلەردىڭ جانە سپورت ساڭلاقتارىنىڭ قوس باعىتتان اتتانعاندىعىن ايگىلەپ، ۇلەس قوسۋ مەن دوستىققا بولعان تەرەڭ سۇيىسپەنشىلىككە تولى ماداعىن بەينەلەدى. قىسقا فيلم «اسەرلى ساتتەر» نازاردى جارىس ساحناسى مەن ونىڭ ارتىنداعى، جارىس الاڭى مەن قالاداعى ادامدى اسەرلەندىرەتىن ساتتەرگە شوعىرلاندىرىپ، ازيا قىسقى سپورت جارىسىنىڭ قىمباتتى ەستەمەلەرىن قالدىردى.

حاربين ازيا قىسقى سپورت جارىسىن ۇيىمداستىرۋ القاسىنىڭ ٴتوراعاسى، جۇڭگو وليمپيادا كوميتەتىنىڭ ٴتوراعاسى گاۋ جىدان ارناۋ سوزىندە مىنالاردى ٴبىلدىردى: ٴتوراعا شي جينپيڭ جارىس ۇيىمداستىرۋ قىزمەتىنە ىقىلاستى ٴۇمىت ارتىپ، ايقىن تالاپ قويدى. وتكەن ٴبىر اپتادان استام ۋاقىتتا ٴبىز دۇنيە جۇزىنە ٴبىر كەزەك وزگەشە ”جۇڭگوشا ەرەكشەلىككە يە، ازيا كەلبەتىن ايگىلەگەن، تارتىمدى دا تاماشا“ ازيا قىسقى سپورت جارىسى سالتاناتىن ۇسىندىق. دەنە تاربيە ارقىلى بەيبىتشىلىكتى جەبەپ، ىنتىماقتى جەبەپ، سيىسىمدىلىقتى جەبەپ، كوركەيىپ ـ گۇلدەنگەن، دامىعان ازيا تاعدىرلاس ورتاق تۇلعاسىنىڭ جاڭا تاراۋىن قول ۇستاسا بىرگە جازايىق.

ازيا وليمپيادا القالار كەڭەسىنىڭ ٴبىرىنشى ورىنباسار ٴتوراعاسى حو جىنتيڭ ارناۋ سوزىندە مىنالاردى ٴبىلدىردى: وسى كەزەكتى ازيا قىسقى سپورت جارىسى تارتىمدى دا تاماشا بولىپ، وسى ارادا كەرەمەت تاماشا شاقتى وتكىزدىك. ول ٴتوراعا شي جينپيڭگە جانە جۇڭگو حالقىنا، جۇڭگو وليمپيادا كوميتەتىنە، حاربين قالالىق ۇكىمەتىنە جانە ازيا قىسقى سپورت جارىسىن ۇيىمداستىرۋ القاسىنا العىس ايتتى. حو جىنتيڭ حاربين 9 ـ كەزەكتى ازيا قىسقى سپورت جارىسىنىڭ اياقتالعاندىعىن جاريالادى ٴارى 4 جىلدان كەيىن ساۋد ارابياسىنىڭ بولاشاق جاڭا قالاسىندا وتكىزىلەتىن 10 ـ كەزەكتى ازيا قىسقى سپورت جارىسىندا قايتا باس قوسۋعا ۇسىنىس ەتتى.

ازيا وليمپيادا القالار كەڭەسى ٴانىنىڭ اۋەنىمەن ازيا وليمپيادا القالار كەڭەسىنىڭ تۋى باياۋ ٴتۇسىرىلدى.

سودان كەيىن وتكىزىپ بەرۋ، وتكىزىپ الۋ سالتى وتكىزىلدى. 9 ـ كەزەكتى ازيا قىسقى سپورت جارىسىن ۇيىمداستىرۋ القاسىنىڭ ورىنباسار ٴتوراعاسى، قوسىمشا باس حاتشىسى، حاربين قالاسىنىڭ باستىعى ۋاڭ حىشىڭ تۋ ۇستاۋشىنىڭ قولىنان ازيا وليمپيادا القالار كەڭەسىنىڭ تۋىن وتكىزىپ الىپ، ونى ازيا وليمپيادا القالار كەڭەسىنىڭ ٴبىرىنشى ورىنباسار ٴتوراعاسى حو جىنتيڭگە تاپسىردى، حو جىنتيڭ تۋدى 10 ـ كەزەكتى ازيا قىسقى سپورت جارىسىن ۇيىمداستىرۋ القاسىنىڭ ٴتوراعاسى، ساۋد ارابياسى وليمپيادا كوميتەتىنىڭ ٴتوراعاسى ابدۇلازەز حانزاداعا تاپسىردى.

ساۋد ارابياسىنىڭ مەملەكەت تۋى شىعارىلىپ، ساۋد ارابياسىنىڭ مەملەكەت ٴانى ورىندالعان سوڭ، بولاشاق جاڭا قالا كورەرمەندەرگە 8 مينۋتتىق تارتىمدى ادەبيەت ـ كوركەمونەر كونسەرتىن ۇسىندى.

ساعات 20دان 57 مينۋت وتكەندە الاۋدى ٴسوندىرۋ سالتى باستالدى، قىسقا فيلم «كەلگەندە قار ـ مۇز، كەتكەندە كوكتەم» قيماستىق سەزىمىن ارلەي ٴتۇستى، نەگىزگى الاڭدا بالەت بيشىلەرى مەن قولدارىنا مۇز شام ۇستاعان بالالار بۇرالا بيگە باستى، بولىمشە الاڭ حاربين قار ـ مۇز الەمىندەگى نەگىزگى الاۋ مۇناراسى ”قارداعى قالامپىر“باياۋ ٴسوندىرىلدى.

«كوكتەم ازيانى جىلىتتى» اتتى نومىردە دۋماندى ”ازيا سالتاناتى“ ۇسىنىلىپ، ٴار كەزەكتى ازيا قىسقى سپورت جارىسىنىڭ تاريحى ەسكە الىندى، الاڭدا دۋماندى ٴان، كوڭىلدى ۇندەر ۇزىلمەي، ازياعا كوكتەمنىڭ تىنىستى ىزگى تىلەگىن جەتكىزدى. سوڭعى ٴان «تايياڭداۋدا» ورىندالعاندا راي جوعارى ورلەۋگە كوتەرىلدى.

جابىلۋ سالتىنا قاتىناسقان حالىقارالىق سيلى قوناقتاردان موڭعۇليا زۇڭليى ويۇن ەردەنە، كۋككا ارالدارى زۇڭليى بروۋن مەن ونىڭ حانىمى دافني حوسكينس بروۋن بار.

ۋ جىڭلۇڭ، شىن يچين جابىلۋ سالتىنا قاتىناستى.

ازيا وليمپيادا القالار كەڭەسىنىڭ ٴمانساپتىلارى قاتارلىلار جابىلۋ سالتىنا قاتىناستى.