حالىقتىق مادەنيەت - كوركەمونەردىڭ سالتاناتتى جينالىسىنا قاتىناستى

ىلە وبلىسىنىڭ تۇڭعىش كەزەكتى جىبەك جولى شۇعىلاسى . اۋىل «التىن دومبىرا» اقىندار ايتىسى مادەنيەت - ساياحات مەرەكەسى باستالدى

تـىـلـشـىـلەرىمىز ۋاڭ جىحۋا، لاي يۇينيڭ، جاڭ چيڭحۋا حابارلايدى. قيىننان قيىستىرىلعان ولەڭ جولدارى كۇمبىرلەگەن دومبىرا ۇنىمەن اۋەلەدى، 9 - ايدىڭ 15 - كۇنى ىلە وبلىسىنىڭ تۇڭعىش كەزەكتى جىبەك جولى شۇعىلاسى . اۋىل «التىن دومبىرا» اقىندار ايتىسى مادەنيەت - ساياحات مەرەكەسى قۇلجا قالاسىنىڭ جىبەك جولى شۇعىلاسى ساياحات قالاشىعىندا باستالدى.

اقىندار ايتىسى − قازاقتىڭ كەڭىنەن تارالعان ەجەلگى ايتىسۋ ونەرى، قازاق ٴان - كۇي مۋزيكاسىنىڭ تيپتىك ۋاكىلى، 2006 - جىلى تۇڭعىش توپتاعى مەملەكەت دارەجەلى بەيزاتتىق مادەني مۇرالاردىڭ ۋاكىلدىك تۋىندىلارى تىزىمدىگىنە ەنگىزىلگەن.

”ايتىس ونەرى − قازاق كوركەمونەرىنىڭ قولما ـ قول ولەڭ ـ جىر شىعارۋ، كۇي ورىنداۋ، مۋزيكا ويناۋ، سونداي ـ اق ونەر كورسەتۋ شەبەرلىگى ٴبىر تۇلعالانعان امبەباپ ساحنا ونەرى. ايتىس اقىنداردىڭ شابىتى، اقىل - پاراساتى، ٴتىل قولدانۋ ونەرى جانە سۋىرىپ سالما وي جۇگىرتۋ قابىلەتى باسەكەسى بولىپ قالماستان، اقىنداردىڭ ولەڭ قۇراۋ، دومبىراعا قوسىلىپ ٴان سالۋ قابىلەتىنىڭ جانە ونەر كورسەتۋ شەبەرلىگىنىڭ دە جاۋھارى. وسى رەتكى قيمىلدىڭ وتكىزىلۋى ىلە وبلىسىنىڭ ٴداستۇرلى ٴان - كۇي تۇرىندەگى بەيزاتتىق مادەني مۇراعاتتارىن قورعاۋدى جانە جالعاستىرۋدى، دامىتۋدى ىلگەرىلەتۋمەن بىرگە، حالىقتىق مادەنيەت - كوركەمونەر دارىندىلارىن دا بايقاي الادى جانە جەتىلدىرە الادى“،- دەپ تانىستىردى اۆتونوميالى رايوندىق قازاق ايتىس زەرتتەۋ قوعامىنىڭ ورىنباسار باستىعى، ىلە وبلىستىق مادەنيەت - كوركەمونەر زەرتتەۋ ورنى پارتيا ياچەيكاسىنىڭ شۋجيى، ورىنباسار باستىعى ايتۋعان مۇرات ۇلى.

وسى كەزەكتى ساياحات مەرەكەسىن اۆتونوميالى رايوندىق قازاق ايتىسىن زەرتتەۋ قوعامى ۇيىمداستىرىپ، قۇلجا قالالىق جىبەك جولى شۇعىلاسى. شينجياڭ اۋىل ساياحات - مادەنيەت دامىتۋ شەكتى سەرىكتەستىگى ۇستىنە الىپ وتكىزگەن اقىندار ايتىسىن جانە ”ٴبىر بەلدەۋ، ٴبىر جول“ جۇڭگو - قازاقستان مۋزيكا مەرەكەسىن نەگىز ەتىپ، اشىلۋ سالتى، جابىلۋ سالتى، تەرمە ايتىسى، بۇقا تارتىس، ٴدامدى تاعامدار، مادەنيەت - ساياحات قولونەر ەستەلىك بۇيىمدارى جانە ۇلتتىق كيىم - كەشەك كورمەسى، اسەمونەر فوتو سۋرەت كورمەسى سياقتى كوپتەگەن ۇلتتىق سالت - سانا مادەنيەت - ساياحات قيمىلدارىن وتكىزەدى.

اشىلۋ سالتىنداعى كونسەرتتە اقىندار ايتىسى، قوبىز تارتۋ، كۇي ورىنداۋ، تەرمە ايتۋ، قازاقى كيىم - كەشەك سالتاناتى، قولونەر بۇيىمدارى كورمەسى سياقتى تارتىمدى نومىرلەر رەتىمەن قويىلىپ، اسەرلى ٴان - ٴبي كوركەمونەرى، وزگەشە ۇلتتىق سالت - سانا، مايەكتى مادەنيەت كورەرمەندەردى باۋرادى.

 6 جىل تىككەن ۇزىندىعى 22 مەتر كەلەتىن كەستە تۋىندى «چيڭميڭ شاڭحى سىزباسى» كورەرمەندەردى كوزايىم ەتتى، بۇل تۋىندى ٴۇرىمجى قالاسىنداعى كەستەشى ايەل ٴجازيرا راقىش قىزىنىڭ قولىنان شىققان. ”وسىنشاما كوپ كورەرمەنگە ٴوز تۋىندىمدى كورسەتىپ، ٴتىپتى دە كوپ ادامداردىڭ قازاق ۇلتىنىڭ كەستەشىلىك ونەرىن تۇسىنۋىنە مۇمكىندىك جاساعانىمدى ايرىقشا ماقتانىش سەزىنەمىن“،- دەدى جازيرا.

سول كۇنگى قازاق قولونەر بۇيىمدارى كورمەسىندە كيىم - كەشەك، ٴجۇن توقىما بۇيىمدارى، قولونەر بۇيىمدارى، جەرگىلىكتى ەرەكشە ونىمدەر سياقتىلار قويىلعان 120 دان استام كورمە ورنى قوناقتاردى ىستىق ىقىلاسپەن قارسى الدى.

كورمەدە تىلەبالدى قابىل ۇلى ٴبىر جاعىنان، اعاش تاباق، اعاش قاسىق سياقتى اسەمونەر بۇيىمدارىن تىزە ٴجۇرىپ، ەندى ٴبىر جاعىنان، الارماندارعا تانىستىرىپ، ساتۋدا. ونىڭ قۇلجا قالاسىنىڭ قىزىلتۋ جولىندا اعاش قولونەر بۇيىمدارىن تيجارات ەتكەنىنە 15 جىل بولعان، قازاق حالقىنىڭ قولونەر بۇيىمدارىنا دەگەن سۇيىسپەنشىلىگى بولەكشە. ”بۇل اعاش بۇيىمدار ٴارى كوركەمونەرلىك سيپاتقا، ٴارى قولدانىلمالى سيپاتقا يە، كورمەدە اناعۇرلىم كوپ الارمانداردىڭ نازارىن اۋدارۋىن قالايمىن“ دەدى تىلەبالدى. بۇگىننەن باستاپ، ىلە وبلىسىنا توتە قاراستى ورىنداردان جانە تارباعاتاي، التاي، سانجى، ٴۇرىمجى سياقتى ايماق، وبلىس، قالالاردان كەلگەن 6 ۋاكىلدەر ۇيىرمەسـىـندەگى 24 اقـىـن ايتىس بارىسىندا بـار ىنـتاسـىـمەن ونەر كورسەتەدى.

ٴبىر اي ىشىندە بۇل ارادا جانە مەملەكەت دارەجەلى بەيزاتتىق مادەني مۇرا قوبىز جانە دومبىرامەن ورىندالاتىن كونسەرت مالىمەتى، ىلە وبلىسىنىڭ ”بالدىرعاندار“ اتىنداعى ٴار ۇلت بالالارىنىڭ ويىن نومىرلەرىنەن مالىمەت بەرۋ جينالىسى، ”جىبەك جولىن اسقاقتاتا جىرلايىق“ اتىنداعى حالىقارالىق مۋزيكا فەستيۆالى، جىبەك جولى شۇعىلاسى . اۋىل حالىقارالىق تاقپاق ايتۋ باسەكەسى، 2023 - جىلعى مەملەكەت بويىنشا قوسىننان شەگىنگەن زيالى جاس اسكەريلەردىڭ جىبەك جولى شۇعىلاسى . اۋىل لوڭقاسى ۇستەل دوپ ۇسىنىس جارىسى سياقتى كوپ ٴتۇرلى مادەنيەت - ساياحات قيمىلدارى ۇزدىكسىز ورىستەتىلەدى ەكەن.

”وسى رەتكى قيمىلدى وتكىزۋدە فولكلورلىق كوركەمونەرىمىزدى ساياحاتپەن ۇشتاستىرىپ، قازاقتىڭ فولكلورلىق ادەبيەت ـ كوركەمونەر قيمىلىن جىبەك جولى شۇعىلاسى ساياحات شاعىن قالاشىعىنىڭ مادەنيەت بەلگىسىنە، ىلە وبلىسىنىڭ مادەنيەت - ساياحات تانىسقىسىنا اينالدىرۋدى ٴۇمىت ەتەمىز“ دەدى شينجياڭ اۋىل ساياحات - مادەنيەت دامىتۋ شەكتى سەرىكتەستىگىنىڭ جاۋاپتىسى جاڭ يۇڭ.

 قولونەر بۇيىمدارى كورمەسى

 مادەنيەت - ساياحات مەرەكەسى كەزىندەگى ٴبي كونسەرتى

جاڭ چيڭحۋا فوتوسى