سۋرەتتە: وبلىستىق پارتكومنىڭ شۋجيى ياڭ شيۋلي قاتارلى وبلىس باسشىلارى قۇلجا اۋدانى ۇيعۇر ٴۇشون قالاشىعى قىشلاقتام قىستاعى ىلە جوۋان كيىم ـ كەشەك شەكتى سەرىكتەستىگىنىڭ قاناتتاس فابريكاسىندا جۇمىشسى - قىزمەتشىلەرمەن اڭگىمەلەسۋدە.

ۋاڭ زىشۋان فوتوسى

ٴتىلشىمىز ما چىڭلۋ حابارلايدى. تاياۋدا نەگىزگى تاقىرىپتىق تاربيەنىڭ جالپى تۇلعالىق قىزمەت ورنالاستىرۋىنا ساي، ىلە وبلىستىق پارتكومنىڭ شۋجيى ياڭ شيۋلي قۇلجا قالاسىنا، قۇلجا اۋدانىنا بارىپ، 3 كۇن تۇيىندە تۇرىپ تەكسەرۋ - زەرتتەۋ جۇرگىزدى. ول بىلاي دەپ باسا دارىپتەدى: نەگىزگى تاقىرىپتىق تاربيەنى تىڭعىلىقتى ورىستەتىپ، باس شۋجي شي جينپيڭنىڭ اۆتونوميالى رايوننىڭ جانە بيڭتۋاننىڭ قىزمەت مالىمەتىن تىڭداعان كەزدە سويلەگەن ماڭىزدى ٴسوزىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، اۆتونوميالى رايوندىق 10 - كەزەكتى پارتكوم توعىزىنشى جالپى ٴماجىلىسىنىڭ رۋحىن دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دۇرىس، جاپپاي دايەكتىلەندىرىپ، ورنىقتىلىقتى يگەرۋ مەن دامۋدى جەبەۋ سىندى ەكى جاقتاعى قىزمەتتى ٴبىر تۇتاس جوسپارلاۋدى، ۇشتاستىرۋدى كۇشەيتىپ، ورنىقتىلىق ارقىلى دامۋعا شىنايى كەپىلدىك ەتىپ، دامۋ ارقىلى ورنىقتىلىقتى جەبەپ، قىزمەت كۇشىنىڭ تومەنگە ٴتۇسۋىن ىلگەرىلەتىپ، نەگىزگى ساتىنى يگەرۋگە، نەگىز قالاۋعا ۇزدىكسىز كۇش سالىپ، جۇڭگو ۇلگىسىندەگى وسىزامانداندىرۋ بارىسىندا كورىكتى ىلە قۇرۋعا بەرىك نەگىز قالاۋ كەرەك.

ياڭ شيۋلي ىلگەرىندى - كەيىندى قۇلجا اۋدانى سامىجۇزى قالاشىعى مەن جوعارعى سامىجۇزى قىستاعىنا، ۇيعۇر ٴۇشون قالاشىعى قىشلاقتام قىستاعىنا، سونداي - اق قۇلجا قالاسى داۋلەتباق ٴمالى باسقارماسى مەن كونچى الەۋمەتتىك اۋماعىنا بارىپ، اتىز باسى، بۇقارانىڭ ٴۇيى، نىسان جۇمىس ورنى، كاسىپورىن، ساۋدا سارايى سياقتى جەرلەردى ارالاپ، قوعام ورنىقتىلىعى، ۇلتتار ىنتىماعى، جۇمىستاندىرۋ ارقىلى كىرىستى ارتتىرۋ، بۇقاراعا قىزمەت وتەۋ سياقتى جاعدايلاردى ۇعىستى. نەگىزگى ساتى كادرلارىمەن، قىستاقتا تۇراتىن قىزمەت اترەتىنىڭ مۇشەلەرىمەن، پارتيا مۇشەلەرىمەن جانە بۇقارا ۋاكىلدەرىمەن اڭگىمەلەسىپ، پىكىر اۋىستىرىپ، قوعام ورنىقتىلىعىنا ىقپال جاسايتىن كورنەكتى ماسەلەلەر مەن ٴالسىز بۋىنداردى ىشكەرىلەي تاۋىپ، ۇزاق بولاشاققا ساياتىن، ٴتۇبىرلى قىزمەت مەحانيزمى مەن شارالاردى زەرتتەپ، بۇكىل وبلىستىڭ قوعامدىق جالپى جاعدايىنىڭ باياندى دا ۇزاق ۋاقىت ورنىقتى بولۋىن ىلگەرىلەتتى.

ياڭ شيۋلي تەكسەرۋ - زەرتتەۋ بارىسىندا مىنالاردى باسا دارىپتەدى: قوعام ورنىقتىلىعىن قورعاۋدى باستان - اياق ماڭداي الدى ورىنعا قويىپ، ٴار دارەجەلى ورىنداردىڭ ورنىقتىلىقتى قورعاۋ جاۋاپكەرشىلىگىن ناقتىلاندىرىپ، جاڭا جاعدايدى، جاڭا ماسەلەلەردى مۇقيات زەرتتەپ، جاڭا وي جەلىسى، جاڭا ٴادىس، جاڭا مەحانيزم جونىندە بەلسەنە ىزدەنىس جاساپ، جاڭا جاعدايعا ۇيلەسەتىن ورنىقتىلىقتى قورعاۋ قىزمەت جۇيەسى مەن قىزمەت ۇلگىسىن جەدەل ورناتىپ، دالمە - ٴدال شارا قولدانۋعا، ناقتى، جارامدى بولۋعا كەپىلدىك ەتۋ كەرەك. ورنىقتىلىق قىزمەتىن شىن مانىندە كوكەيدە ساقتاپ، ناقتاپ يگەرىپ، شىنايى ارقالاپ، ارەكەتتە تياناقتاندىرۋ كەرەك. نەگىزگى ساتى كادرلار قوسىنىن كۇشەيتىپ، ”جارامدىلاردى ٴبىرىنشى شەپكە جىبەرۋدە“ تاباندى بولىپ، اۋىل - قىستاق باسشىلىق القاسىن رەتتەپ، ۇزدىكتەردى سەپتەپ، وبلىس، اۋدان، اۋىل 3 دارەجەلى باسشى كادرلاردىڭ قىستاقتاردى (الەۋمەتتىك اۋماقتاردى) كوتەرمەگە الۋىمەن جاپپاي قامتۋ، قىستاقتا تۇراتىن قىزمەت اترەتتەرىنە ۇزدىكتەردى تاڭداپ جىبەرۋ، وبلىسقا توتە قاراستى ورگان كادرلارىن نەگىزگى ساتىدا ٴمانساپقا ٴىلىپ شىنىقتىرۋ، نەگىزگى ساتى كادرلارىنا كومەكتەسۋ، جەتەكتەۋ، باۋلۋ سياقتى مەحانيزمدەردى ورناتىپ، نەگىزگى ساتى كادرلارىن قالاعانىنشا شىعارىپ الۋعا، ۋاقىتشا اۋىستىرىپ ىستەتۋگە قاتاڭ تيىم سالۋ كەرەك، قىزمەت كۇشتەرىنىڭ نەگىزگى ساتىعا تىكە جەتۋىن، نەگىزگى ساتىعا تامىر تارتۋىن ىلگەرىلەتۋ كەرەك. نەگىزگى ساتىنىڭ ۇيىمدىق جۇيەسىن قاتايتىپ، ٴالسىز، بىتىراڭقى نەگىزگى ساتى پارتيا ۇيىمدارىن ٴبىر ـ بىرلەپ تەكسەرۋدى، رەتتەۋ - وڭاۋدى، دەڭگەيىن جوعارىلاتۋدى ۇدايىلاندىرىپ، قىستاق پارتيا ۇيىمى باسشىلىق ەتەتىن قىستاق دارەجەلى ۇيىمدىق جۇيەنى اقاۋسىزداندىرىپ، كەمەلدەندىرىپ، اۋىل ـ قالاشىق (ٴمالى) كادرلارى ۇشتەن ەكىدەن استام ۋاقىتىندا قىستاقتا (الەۋمەتتىك اۋماق) قىزمەت ىستەۋ ٴتۇزىمىن تياناقتاندىرىپ، نەگىزگى ساتى پارتيا ۇيىمدارىن بۇقاراعا قىزمەت وتەيتىن، ورنىقتىلىقتى قورعايتىن، بولشەكتەۋشىلىككە قارسى تۇراتىن بەرىك جاۋىنگەرلىك قامال ەتىپ قۇرىپ شىعۋ كەرەك. جارامدى قىزمەت مەحانيزمىن ورناتىپ، جۇڭحۋا ۇلتى ورتاق تۇلعا تانىمىن بەرىك ورناتۋدى ٴتۇرلى قىزمەتتىڭ نەگىزگى جەلىسى ەتۋگە تاباندى بولىپ، نەگىزگى ساتىداعى ٴارقايسى كۇشتەردى ٴبىر تۇتاس جوسپارلاپ توعىستىرۋدى كۇشەيتىپ، قىستاقتىڭ ”ٴبىر ياچەيكا، ٴۇش ورتالىق“، الەۋمەتتىك اۋماقتىڭ ”ەكى ورتالىق، ٴبىر پۋنكت“ اينالىم مەحانيزمىن اقاۋسىزداندىرىپ، كەمەلدەندىرىپ، نەگىزگى ساتىنى باسقارۋ جۇيەسىن ۇزدىكسىز كەمەلدەندىرىپ، باسقارۋ قابىلەتىن جوعارىلاتۋ كەرەك. ستيل قۇرىلىسىن كۇشەيتىپ، نەگىزگى تاقىرىپتىق تاربيەنى وراي ەتىپ، ۇيرەنۋدى مىقتى ۇستاۋعا، قابىلەتتى كۇشەيتۋگە، جاۋاپكەرشىلىك ارقالاۋعا باتىل بولىپ، سانالى تۇردە كىتاپتان، امالياتتان، بۇقارادان، مامانداردان ۇيرەنىپ، زەيىن - زەردەنى اشىپ، وي جۇگىرتۋگە شەبەر بولىپ، تۋراشىلدىقتان اينىماي جاڭالىق اشىپ، رەفورمانى يگەرۋ، دامۋدى جەبەۋ، ورنىقتىلىقتى قورعاۋ قابىلەتىن كۇش سالا جوعارىلاتىپ، ”قاي ـ قاشان دا قام جەپ تۇراتىن“ جاۋاپكەرشىلىك سەزىمىمەن ٴتۇرلى قىزمەتتەردى ”ەڭ سوڭعى ٴبىر كيلومەترگە“ دەيىن تياناقتاندىرىپ، پارتيا ورتالىق كوميتەتىنىڭ شەشىمدەرى مەن ورنالاستىرۋلارىنىڭ جانە اۆتونوميالى رايوندىق پارتكومنىڭ قىزمەت تالاپتارىنىڭ ىلەدە تياناقتانىپ، ناتيجە بەرۋىنە كەپىلدىك ەتۋ كەرەك.

وبلىس باسشىلارىنان جياۋ ي - مين، لي رۇڭنيان، ياڭ شينپيڭ، لي ۋي، سۇن حۇي تەكسەرۋ ـ زەرتتەۋگە قاتىناستى.