2026 ـ جىلى 6 ـ ايدىڭ 30 ـ كۇنى سالىنىپ بولىپ، اۆتوكولىك قاتىناۋ جوسپارلاندى

G577 جەلىسىنىڭ جىڭنان قۇلجا اۋدانىنا دەيىنگى 1 ـ دارەجەلى تاس جول قۇرىلىسىندا تىڭ ىلگەرىلەۋشىلىك بولدى

سالىنۋ ۇستىندەگى جىڭىشكەبۇلاق ەرەن كوپىرى   گاۋ چۋان فوتوسى

ٴتىلشىمىز لي يافىڭ، ەرىكتى ٴتىلشى گاۋ چۋان حابارلايدى. جىڭىشكەبۇلاق ەرەكشە ۇلكەن كوپىرىندەگى نەگىزگى كوپىردىڭ 4 نەگىزگى تۇعىرى تۇگەل جاسالىپ بولدى، سۇپتاي 4 ـ ٴنومىرلى تۋنەلى ٴساتتى تۇتاستىرىلدى، بوربوسىن ەرەكشە ۇلكەن كوپىرىنىڭ 2 ـ ٴنومىرلى نەگىزگى كوپىرىندەگى 4 نەگىزگى تۇعىردىڭ بارلىعى 100 مەتردەن استى، سولتۇستىك تيانشان تۋنەلىنىڭ 2 ـ ٴنومىرلى كولبەۋ قۇدىعى تۇگەل قازىلىپ بولىپ، نەگىزگى ۇڭگىر جۇمىسىنا كىرىستى... 10 - ايدىڭ 20 - كۇنى G577 جەلىسىنىڭ جىڭنان قۇلجا اۋدانىنا دەيىنگى 1 - دارەجەلى تاس جول ينجەنەريا قۇرىلىسى نىسانىنىڭ اياق الىسى ۇزدىكسىز جەدەلدەتىلىپ، ينجەنەريانىڭ ۋاعىندا اياقتالۋىنا بەرىك نەگىز قالاندى.

سۇپتاي 4 ـ ٴنومىرلى تۋنەلى - G577 جەلىسىنىڭ جىڭنان قۇلجا اۋدانىنا دەيىنگى 1 ـ دارەجەلى تاس جول قۇرىلىسى نىسانىنىڭ ماڭىزدى قۇرامداس بولىگى، تۋنەلدىڭ جالپى ۇزىندىعى 930 مەتر، G577 جىڭ ـ قۇلجا اۋدانى جەلىسىن تۇتاستىراتىن 2 - تۋنەل. تۋنەلدىڭ قيما بەت بيىكتىگى شامامەن 153 مەتر، كىرەر اۋزى ىلعالدى تاياز سارى توپىراقتى اۋىتقىمالى بولىپ، قۇرىلىس جۇرگىزۋ قيىندىعى وراسان زور بولعاندىقتان، سىرعىپ كەتپەيتىن دىڭگەك پەن جەتەك قابىرعانى ٴوزارا ۇشتاستىرۋ ٴتاسىلى قولدانىلىپ، تىرەۋدى بەكەمدەۋ ونىمدىلىگىنە كەپىلدىك ەتىلىپ، تۋنەلگە حاۋىپسىز كىرۋ جۇزەگە اسىرىلعان.

”9 ـ ايدىڭ 25 ـ كۇنى سۇپتاي 4 ـ ٴنومىرلى تۋنەلىنىڭ وڭ جاق لەنياسىن ٴساتتى تۇتاستىرىپ، تۇيىندەگى قۇرىلىس مەرزىمى مىندەتىن جوسپارداعىدان ٴبىر اي بۇرىن ورىندادىق“ـ دەدى G577 جىڭ ـ قۇلجا اۋدانى جەلىسى SG5 مەردىگەرلىك بولەگى نىسانىنىڭ باس ينجەنەرى لي يۇنپىڭ.

تىلشىلىك بارىسىندا ٴتىلشى مىنانى ۇعىستى: G577 جىڭ ـ قۇلجا اۋدانى جەلىسى 1 ـ دارەجەلى تاس جول نىسانىنىڭ اۋىر، قيىن، ٴتۇيىندى ينجەنەرياسى نەگىزىنەن 11.89 كيلومەترلىك سولتۇستىك تيانشان تۋنەلىنە شوعىرلانعان، بۇل وپىرىلمالى ۇگىلگىش بەلدەۋدەن كوپ رەت كەسىپ وتكەندىكتەن توسىننان سۋ، لاي شىعۋ سىندى كومەسكى حاۋىپسىزدىك  قاتەرى ساقتالعان، بۇل تۇتاس نىسانداعى مەڭگەرۋ سيپاتتى ينجەنەريا ەكەن. ساناققا قاراعاندا، سولتۇستىك تيانشان تۋنەلىنىڭ سول جاق جەلىسى 11091 مەتر، وڭ جاق جەلىسى 11885 مەتر بولىپ، تۇتاس لەنياداعى ەڭ ۇزىن تۋنەل ەكەن. سولتۇستىك تيانشان تۋنەلىنىڭ كىرەر اۋزى مەن شىعار اۋزى باعىتىنا بىردەن قوسالقى كولبەۋ قۇدىق ورنالاستىرىلعان. قازىرگە دەيىن نەگىزگى ۇڭگىردىڭ 3349 مەترى ورىندالعان، 1 - ٴنومىرلى كولبەۋ قۇدىقتىڭ 1628 مەترى ورىندالىپ، ەندى 289 مەتر بولەگى قالعان؛ 2 - ٴنومىرلى كولبەۋ قۇدىق تۇگەلدەي ورىندالىپ، نەگىزگى ۇڭگىر قۇرىلىسىنا ويىسقان. بوربوسىن ەرەكشە ۇلكەن كوپىرىنىڭ ەڭ بيىك تۇعىرى 144 مەترگە، ەڭ ۇزىن ارقالىق ارالىعى 160 مەترگە جەتكەن، بۇل G577 جىڭ ـ قۇلجا جەلىسىندەگى ەڭ بيىك كوپىر ٴارى شينجياڭداعى ەڭ بيىك كوپىر. قازىر 2 - ٴنومىرلى نەگىزگى كوپىردىڭ 4 نەگىزگى تۇعىرى تۇگەلدەي 100 مەتردەن اسىپ، وڭ جاق شەتىندەگى 11 - ٴنومىرلى نەگىزگى تۇعىرى 130.5 مەتر بولعان. جىڭىشكەبۇلاق ۇلكەن كوپىرىنىڭ ەڭ بيىك تۇعىرى 99 مەتر بولىپ، G577 جىڭ ـ  قۇلجا جەلىسىندەگى بىردەن ـ ٴبىر 65 مەترلىك اتتامالى بولات ارقالىق كوپىر، سونداي ـ اق ورنىقسىز وپىرىلمالى بەلدەۋدەن تىكەلەي اتتاپ وتەتىن بىردەن ـ ٴبىر كوپىر، قازىر نەگىزگى كوپىردىڭ 4 نەگىزگى تۇعىرى تۇگەلدەي سالىنىپ بولعان. G577 لەنياسىنىڭ جىڭنان قۇلجا اۋدانىنا دەيىنگى 1 ـ دارەجەلى تاس جول قۇرىلىسى نىسانىنىڭ جالپى ۇزىندىعى 92.545 كيلومەتر، جالپى 55 كوپىر، 5 تۋنەل بار، كوپىر مەن تۋنەلدىڭ ۇزىندىعى 41 كيلومەترگە جەتەدى، 2026 ـ جىلى 6 - ايدىڭ 30 ـ كۇنى سالىنىپ بولىپ، كولىك قاتىناۋ جوسپارلانعان. 

G577 جىڭ ـ قۇلجا جەلىسى 1 ـ دارەجەلى تاس جول نىسانىنىڭ قاتىستى جاۋاپتىسى بىلاي دەدى: بيىل جىل باسىنان بەرى G577 جىڭ ـ قۇلجا جەلىسىندە قۇرىلىستى ٴبىر تۇتاس جوسپارلاۋدى ۇزدىكسىز كۇشەيتىپ، ادام كۇشى، ماشينا - جابدىقتار قوسىلىمىن ارتتىرىپ، قۇرىلىس جۇرگىزۋگە ۇيىمداستىرۋدى ساپالىلاندىرىپ، ۋاقىتتان ۇتىپ، قارقىندى تەزدەتتىك، كەزەكتە تياناقتانعان قارجى 2 ميلليارد 950 ميلليون يۋان بولىپ، جىلدىق قارجى قوسۋ جوسپارىنىڭ %92.2 ى ورىندالدى. نىساننىڭ تارتىپپەن ىلگەرىلەتىلۋى 2023 ـ جىلعى قارجى قوسۋ جوسپارىن تابىسپەن ورىنداۋعا نەگىز قالادى.