مۇشەلەر قىزمەت پۋنكتىن كۇشەيتىپ، ويداعىداي باسقارىپ، جاندى پايدالانىپ، بۇقاراعا قىزمەت وتەيتىن ”جۇرەكتەستەر كوپىرىن“ سالۋ كەرەك

ىلە وبلىستىق ساياسي كەڭەس ساياسي كەڭەس مۇشەلەرى قىزمەت پۋنكتى قۇرىلىسىن جۇمىس باسىندا ىلگەرىلەتۋ ٴماجىلىسىن اشتى

سۋرەتتە: ٴماجىلىس الاڭى.       كاميلا فوتوسى

ٴتىلشىمىز كاميلا حابارلايدى. 10 - ايدىڭ 25 - كۇنى ىلە وبلىستىق ساياسي كەڭەس ساياسي كەڭەس مۇشەلەرى قىزمەت پۋنكتى قۇرىلىسىن جۇمىس باسىندا ىلگەرىلەتۋ ٴماجىلىسىن اشتى. ٴماجىلىستىڭ ماقساتى − باس شۋجي شي جينپيڭنىڭ حالىق ساياسي كەڭەسى قىزمەتىن كۇشەيتۋ جانە جاقسارتۋ جونىندەگى ماڭىزدى يدەياسى مەن ورتالىقتىڭ ساياسي كەڭەس قىزمەتى ٴماجىلىسىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، ٴار دارەجەلى ساياسي كەڭەس ۇيىمدارىنىڭ جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ٴدال، جاپپاي دايەكتىلەندىرۋىن ىلگەرىلەتىپ، ”ەكى كەلەلى جاعدايدى“ كوكەيدە ساقتاپ، ”مەملەكەتتىڭ زور ٴىسىن“ ەستە بەرىك ساقتاپ، ”حالىق ٴجىتى قاداعالاپ وتىرعان ماسەلەلەردى“ كوڭىلدە ساقتاپ، كەڭەس ۇستانىمىن امالياتتا ايگىلەپ، ارناۋلى كەڭەس قۇرىلىمىنىڭ رولىن تولىق ساۋلەلەندىرىپ، ۇكىمەت ىسىنە اقىل ـ كەڭەس بەرۋ جانە ورتاق تانىم ۇيىستىرۋ جاعىندا قوس باعىتتا كۇش سالىپ، اسقاق بەينەمەن تىڭ جورىقتا ەكپىندەي ىلگەرىلەپ، جاڭا داۋىرگە ۇلەس قوسۋ.

اۆتونوميالى رايوندىق ساياسي كەڭەس پارتيا باسشىلىق گرۋپپاسىنىڭ مۇشەسى، ورىنباسار ٴتوراعاسى ياڭ يۇڭ، وبلىستىق پارتكومنىڭ شۋجيى ياڭ شيۋلي ماجىلىسكە قاتىناستى ٴارى ٴسوز سويلەدى.

ٴبىر ٴبولىم اۋىل - قالاشىق (ٴمالى)، قىستاق (الەۋمەتتىك اۋماق) ساياسي كەڭەس مۇشەلەرى قىزمەت پۋنكتىنىڭ (كەڭسەسىنىڭ) تاجىريبە اۋىستىرۋ ٴسوزىن تىڭداعاننان كەيىن، ياڭ يۇڭ ىلە وبلىستىق ساياسي كەڭەس مۇشەلەرى قىزمەت پۋنكتى قۇرىلىسىنىڭ جاعدايىن تولىق تۇراقتاندىردى ٴارى پارتيانىڭ جالپى بەتتىك باسشىلىعىنا تاباندى بولىپ، ساياسي كەڭەستىڭ باستان - اياق دۇرىس ساياسي بەتالىسپەن العا باسۋىنا كەپىلدىك ەتۋ؛ حالىق ساياسي كەڭەسىنىڭ سيپاتى مەن ورنىن تۇراقتاندىرۋدى ىشكەرىلەي يگەرىپ، ارناۋلى كەڭەس مەحانيزمىندىك رولىن تولىق ساۋلەلەندىرىپ،  نازاردى نەگىزگى جاۋاپكەرشىلىككە، نەگىزگى كاسىپكە شوعىرلاندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق،  دالمە - ٴدال، جاپپاي دايەكتىلەندىرۋ جاعىندا ساياسي كەڭەستىڭ ىسكەرلىك كورسەتۋى؛ ساياسي جاقتان كەڭەسۋ قابىلەتىن  تاسقىنداتىپ، ساياسي كەڭەس ۇيىمدارىنىڭ نەگىزگى ساتىنىڭ قوعامدىق باسقارۋداعى رولىن ساۋلەلەندىرۋى سياقتى جاقتاردان تالاپ قويدى. مۇشەلەردىڭ وسى تۇعىردان ويداعىداي پايدالانىپ، ۇگىتشى، ينفورماتسيا قىزمەتكەرى، جاراستىرۋشى بولۋداي تۇلعالىق رولىن ويداعىداي ساۋلەلەندىرىپ، نەگىزگى ساتى كەڭەسىندە باس كەيىپكەر بولىپ، كەلبەتىن ايگىلەپ، وبراز ورناتىپ، ٴار سالا بۇقاراسى اتىنان مەملەكەت ٴۇشىن مىندەت اتقارىپ، حالىق ٴۇشىن جاۋاپكەرشىلىگىن ادا ەتۋىن ٴۇمىت ەتتى.

ياڭ شيۋلي مىنالاردى اتاپ كورسەتتى: بۇكىل وبلىستاعى ٴار دارەجەلى ساياسي كەڭەس ۇيىمدارى مەن قالىڭ ساياسي كەڭەس مۇشەلەرى دۇرىس ساياسي بەتالىستان جازباي، ىنتىماق پەن دەموكراتيا سىندى ەكى ۇلكەن تاقىرىپتى مىقتى يگەرىپ، باستان ـ اياق وزەكتى قىزمەتتى ارقاۋ ەتىپ، مىندەت جاۋاپكەرشىلىگىن ادا ەتىپ، ىلەنىڭ رەفورماسىن، دامۋىن، ورنىقتىلىعىن ىلگەرىلەتۋگە ساياسي كەڭەستىڭ كۇش ـ قۋاتىن ۇيىستىرىپ، ساياسي كەڭەستىڭ اقىل ـ پاراساتىن ارنادى. اسىرەسە، ساياسي كەڭەس مۇشەلەرىنىڭ قىزمەت پۋنكتى قۇرىلىسىن كۇش سالا ىلگەرىلەتىپ، مۇشەلەردىڭ ٴار سالاداعى بۇقاراعا قىزمەت وتەۋ تەكشەسىن بەلسەنە قۇرىپ، ساياسي كەڭەس قىزمەتىنىڭ نەگىزگى ساتىعا كەڭەيۋىن، بۇقاراعا جاناسۋىن ىلگەرىلەتىپ، جاڭا داۋىردەگى پارتيانىڭ بۇقارالىق لۋشيانىمەن ويداعىداي ٴجۇرۋ جونىنەن ٴتيىمدى ىزدەنىس جانە جاندى اماليات ازىرلەپ بەرىپ، وبلىستىق پارتكوم مەن ۇكىمەتتىڭ عىلمي شەشىم جاساۋىنا اقىل - پاراسات جانە كۇش - قۋات ۇستەدى.

ياڭ شيۋلي بىلاي دەپ باسا دارىپتەدى: ٴار دارەجەلى ساياسي كەڭەس ۇيىمدارى مەن قالىڭ ساياسي كەڭەس مۇشەلەرى زاڭمەن باسقارۋ يدەياسىن ساياسي كەڭەستىڭ مىندەت اتقارۋ جالپى بارىسىنا سىڭىرۋگە تاباندى بولىپ، حاۋىپ ـ قاتەردەن ساقتانىپ، ورنىقتىلىقتى جەبەۋ جاعىندا تىڭ ۇلەس قوسۋى؛ جۇڭحۋا ۇلتى ورتاق تۇلعا تانىمىن بەرىك ورناتۋدى قىزمەتتىڭ نەگىزگى جەلىسى ەتۋدەن جازباي، جاڭا داۋىردەگى شينجياڭ حيكاياسى مەن ىلە حيكاياسىن باستاماشىلدىقپەن ويداعىداي بايانداپ، نەگىزگى جەلىنى ساقتاپ، جۇرت تىلەگىن ۇيىستىرۋدا جاڭا جاۋاپكەرشىلىكتى ايگىلەۋى؛ ٴىرى نىسانداردىڭ تياناقتانۋىنا، ٴتۇيىندى كاسىپورىنداردىڭ ساۋداگەر شاقىرۋىنا، ماڭىزدى دارىندىلاردىڭ تامىر تارتىپ، ىرگە تەبۋىنە جول كورسەتىپ، تيىمدىلىك جاراتىپ، ٴار ۇلت بۇقاراسى ەڭ كوڭىل ٴبولىپ وتىرعان، ەڭ تىكە، ەڭ رەال مۇددە ماسەلەلەرى جونىندە  زەرتتەۋ جۇرگىزىپ، سوڭىنا ٴتۇسىپ باقىلاۋ جۇرگىزىپ،  قارسى شارالاردى العا قويىپ، قيىن ماسەلەلەردى شەشىپ، دامۋدى جەبەۋدە تىڭ ىسكەرلىك كورسەتۋى؛ مۇشەلەر قىزمەت پۋنكتىنىڭ مىندەت وتەۋ تەكشەسىن ۇزدىكسىز ويداعىداي قۇرىپ جانە ودان ويداعىداي پايدالانىپ، ساياسي كەڭەستىڭ ۇيىمدىق جۇيەسى مەن مۇشەلەر قىزمەت كۇشىنىڭ ٴبىرىنشى شەپكە بارۋىن، نەگىزگى ساتىعا تىكە جەتۋىن، بۇقارامەن ەتەنە بولۋىن، بۇقاراعا قىزمەت وتەۋىن كۇش سالا ىلگەرىلەتىپ، نەگىزگى ساتىنى مىقتى يگەرىپ، نەگىزدى بەكەمدەۋ جاعىندا تىڭ تابىستارعا قول جەتكىزۋى كەرەك.

وبلىستىق ساياسي كەڭەس پارتيا باسشىلىق گرۋپپاسىنىڭ شۋجيى حۋ كايجياڭ پوزيتسيا ٴبىلدىرىپ ٴسوز سويلەپ بىلاي دەدى: باس شۋجي شي جينپيڭنىڭ حالىق ساياسي كەڭەس قىزمەتىن كۇشەيتۋ جانە جاقسارتۋ جونىندەگى ماڭىزدى يدەياسىن باتىل دايەكتىلەندىرىپ، اۆتونوميالى رايون، اۆتونوميالى وبلىس باسشىلارىنىڭ ماڭىزدى سوزدەرىنىڭ رۋحىن مۇقيات تياناقتاندىرىپ، باياندى مەحانيزم، ەرەكشەلىكتى كورنەكتىلەندىرۋ، جالپى جاعدايعا قىزمەت وتەۋ، حالىق تۇرمىسىنا نازار اۋدارۋ جاعىنا كۇش سالىپ، ساياسي كەڭەس مۇشەلەرى قىزمەت پۋنكتىن جۇرت تىلەگىن ۇيىستىراتىن ماڭىزدى تەكشەگە اينالدىرامىز.

وبلىستىق ساياسي كەڭەستىڭ ٴتوراعاسى سەرجان ۇعىباي ۇلى ٴماجىلىستى باسقاردى. وبلىستىق پارتكومنىڭ تۇراقتى مۇشەسى، بىرلىكساپ ٴبولىمىنىڭ باستىعى، وبلىستىق ساياسي كەڭەس پارتيا باسشىلىق گرۋپپاسىنىڭ ورىنباسار شۋجيى مامەتجان داۋىت، وبلىستىق ساياسي كەڭەس باسشىلارىنان جياۋ شياۋفان، لي شينجۇن، گۇلبارشىن سەرىكباي قىزى، نۇراحىمەت زۇنۇن، اسپيدەن سىمەت ۇلى، كۇڭ ليڭشىڭ ماجىلىسكە قاتىناستى.

ماجىلىستە ىلە وبلىسىنداعى 14 تاڭداۋلى ساياسي كەڭەس مۇشەلەرى قىزمەت پۋنكتى (كەڭسە) ماداقتالىپ - سيلاندى.

ماجىلىسكە قاتىناسقاندار ماجىلىستەن بۇرىن ىلگەرىندى - كەيىندى قۇلجا قالاسى، قورعاس اۋدانى، قورعاس قالاسى، چاپچال سىبە اۆتونوميالى اۋدانى، توعىزتاراۋ اۋدانى، قۇلجا اۋدانى سياقتى جەرلەردەگى ساياسي كەڭەس مۇشەلەرى قىزمەت پۋنكتتەرىنە (كەڭسە) بارىپ، قىزمەت پۋنكتتەرىنىڭ (كەڭسە) ورىستەتكەن كورنەكتى قىزمەتتەرى، مۇشەلەردىڭ مىندەت اتقارۋى سياقتى جاعدايلارىن جۇمىس باسىندا كوزدەن كەشىردى.