وبلىستىق پارتكومنىڭ شۋجيى ياڭ شيۋلي باستاعان 1 - كوزدەن كەشىرۋ گرۋپپاسىنداعىلار چاپچال سىبە اۆتونوميالى اۋدانىنىڭ جابدىق جاساۋ كاسىپ باقشاسى نىسانىن جۇمىس باسىندا كوزدەن كەشىرۋدە.         سۇن ي - نان فوتوسى

تىلشىلەرىمىز ما چىڭلۋ، سۇن ي - نان، لي يافىڭ، ۋاڭ جىحۋا حابارلايدى. ىلە وبلىسى 10 - ايدىڭ 25 - كۇنى 2023 - جىلعى 3 - ماۋسىمداعى ەكونوميكالىق اينالىمعا تالداۋ جاساۋ جانە ٴىرى نىسانداردى كوزدەن كەشىرۋ قيمىلىن قورىتىندىلاۋ ٴماجىلىسىن اشىپ، پارتيا 20 - قۇرىلتايىنىڭ رۋحىن جانە باس شۋجي شي جينپيڭنىڭ اۆتونوميالى رايوننىڭ، بيڭتۋاننىڭ قىزمەت مالىمەتىن تىڭداعاندا سويلەگەن ماڭىزدى ٴسوزىنىڭ رۋحىن ىشكەرىلەي ۇيرەنىپ، دايەكتىلەندىرىپ، اۆتونوميالى رايوندىق 10 - كەزەكتى پارتكوم توعىزىنشى جالپى ٴماجىلىسىنىڭ رۋحىن دايەكتىلەندىرىپ، تياناقتاندىرىپ، جاڭا دامۋ ۇستانىمى مەن جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ٴدال، جاپپاي دايەكتىلەندىرىپ، ەكونوميكالىق اينالىمعا تالداۋ جاساپ، ٴتۇيىندى قىزمەت مىندەتتەرىن ايقىنداپ، بۇكىل وبلىستا جوعارى - تومەن بولىپ يدەيانى ازات ەتىپ، سەنىمدى كۇشەيتىپ، قابىلەتتى جوعارىلاتىپ، شىنايى يگەرىپ، ناقتى ىستەپ، ىلە ەكونوميكاسىنىڭ جوعارى ساپالى دامۋىن ىلگەرىلەتۋگە ونان ارى جۇمىلدىردى.

وبلىستىق پارتكومنىڭ ورىنباسار شۋجيى، وبلىس باستىعى ەلشات تۇرسىنباي ۇلى ٴماجىلىستى باسقاردى. ماجىلىستە 3 - ماۋسىمدا جاڭادان جۇمىس باستاعان ٴىرى نىسانداردىڭ قۇرىلىس جاعدايى جانە وبلىسقا توتە قاراستى ورىنداردىڭ 1 - ايدان 9 - ايعا دەيىنگى ەكونوميكالىق اينالىم جاعدايى حابارلاندىرىلدى، وبلىستىق پارتكومنىڭ ٴىشىنارا مۇشەلەرى، 11 اۋدان - قالانىڭ نەگىزگى جاۋاپتى جولداستارى جانە ٴبىر قارت كادرلار ۋاكىلى جەكە - جەكە پىكىر اۋىستىرىپ ٴسوز سويلەدى.

ٴماجىلىس بىلاي دەپ قارادى: بيىل جىل باسىنان بەرى، بۇكىل وبلىستا جوعارىدان تومەنگە دەيىن پارتيا ورتالىق كوميتەتىنىڭ شەشىمدەرى مەن ورنالاستىرۋلارىن جانە اۆتونوميالى رايوندىق پارتكومنىڭ قىزمەت تالاپتارىن مۇقيات دايەكتىلەندىرىپ، تياناقتاندىرىپ، ورنىقتىلىقتى مىقتى يگەرۋ مەن دامۋدى جەبەۋ سىندى ەكى جاقتى قىزمەتتى ٴبىر تۇتاس جوسپارلاۋدى، ۇشتاستىرۋدى كۇشەيتىپ، نازاردى جوعارى ساپالى دامۋ سىندى نەگىزگى تاقىرىپقا شوعىرلاندىرىپ، يدەيانى ازات ەتىپ، ورايدى مىقتى يگەرىپ، جاڭالىق اشا ناقتى ىستەپ، ٴبىر توپ  ٴىرى نىسانداردى، جاقسى نىسانداردى ورنالاستىرىپ، سالىپ، ەكونوميكانىڭ ارتۋ قارقىنىنىڭ ماۋسىم سايىن تەزدەۋىن، ارتۋ جاعدايىنىڭ ورنىقتىلىق بارىسىندا ىلگەرىلەۋىن جەبەدى. ٴار دارەجەلى تاراۋلار تۇتاس جىلدىق نىسانانى تىعىز ارقاۋ ەتىپ، ۇتىمدى ساتتەن پايدالانىپ العا ۇمتىلىپ، ۇزدىكسىز كۇش سالىپ، مىندەت ەسەبىن، قارقىن ەسەبىن، پارىق ەسەبىن اداقتاپ، قۇرىلىس ۋاقىتىن قاۋىرت ورنالاستىرىپ، جوبا بەلگىلەپ شايقاس جۇرگىزىپ، اي بويىنشا ماۋسىمدىق مىندەتتى جەبەپ، ماۋسىمدىق مىندەت ارقىلى جىلدىق مىندەتكە كەپىلدىك ەتىپ، بيىلعى ٴتۇرلى مىندەتتەردىڭ جاپپاي ورىندالۋىنا كەپىلدىك ەتۋ كەرەك. كەلەر جىلعى قىزمەتتەردى ويداعىداي جوسپارلاپ، بولجامپازدىقپەن وي جۇگىرتۋدى، ستراتەگيالىق ورنالاستىرۋدى كۇشەيتىپ، قىزمەتتىڭ كوزدەۋ ٴتۇيىنى مەن كۇش سالۋ ٴتۇيىنىن ٴداپ باسىپ تاۋىپ، كەلەر جىلعى قىزمەتتەردى جاقسى باستاۋعا، جاقسى قادام تاستاۋعا كەپىلدىك ەتۋ كەرەك.

ٴماجىلىس مىنالاردى باسا دارىپتەدى: ورنىقتىلىق پەن دامۋدى ٴبىر تۇتاس ويداعىداي جوسپارلاپ، ورنىقتىلىق ارقىلى دامۋعا شىنايى كەپىلدىك ەتۋگە، دامۋ ارقىلى ورنىقتىلىقتى جەبەۋگە تاباندى بولىپ، لاڭكەستىككە قارسى تۇرۋ سالاسىنداعى جاڭا جاعدايلاردى، جاڭا ماسەلەلەردى، جاڭا بەتالىستى مۇقيات زەرتتەپ، جاڭا جاعدايعا، جاڭا تالاپقا ۇيلەسەتىن ورنىقتىلىقتى قورعاۋ قىزمەت جۇيەسى مەن مەحانيزمىن بەلسەنە ورناتىپ، قوعامدىق جالپى جاعدايدىڭ باياندى ورنىقتىلىعىن، ۇزاق ۋاقىت ورنىقتىلىعىن شىنايى قامتاماسىز ەتىپ، جوعارى ساپالى دامۋعا كەپىلدىك ەتۋ كەرەك. جاڭا قوزعاۋشى كۇشتى جەتىلدىرىپ جانە دامىتىپ، نىسان قۇرىلىسى، ساۋداگەر شاقىرىپ، قارجى ەنگىزۋ، ونەركاسىپ، اۋىل شارۋاشىلىق ٴوندىرىسى، تۇتاس ماۋسىمدىق ساياحات، رەفورما جاساۋ، ەسىك اشۋ سياقتى قىزمەتتەردى كۇش سالا ويداعىداي مىقتى يگەرىپ، باسىمدىققا يە بايلىقتى باسىمدىققا يە كاسىپكە اينالدىرۋدى جەدەلدەتىپ، ارتۋ مولشەرىن ارتتىرۋ بارىسىندا كاسىپ قۇرىلىمىن رەتتەپ، ساپالىلاندىرىپ، ىلە ەكونوميكاسىنداعى كولەم زور بولماۋ، قۇرىلىم ساپالى بولماۋ، قوزعاۋشى كۇشى جەتەرسىز بولۋ سياقتى ماسەلەلەردى شىنايى شەشۋ كەرەك. شارۋاشىلىق - ساۋدا ورتاسىن ساپالىلاندىرىپ، ”شارۋاشىلىق - ساۋدا ورتاسى بارلىق ادامعا سايادى“ تانىمىن بەرىك ورناتىپ، كاسىپورىنشىلارمەن ىرىقتى تۇردە بارىس - كەلىس جاساپ، دوستاسىپ، الۋان فورمادا، ٴتۇرلى جاعدايدا كاسىپورىندارعا ساپالى قىزمەت وتەپ، ساۋداگەرلەرگە قۇرمەت ەتەتىن، ساۋداگەرلەرگە ٴمان بەرەتىن، ساۋداگەرلەرمەن ەتەنە - جاقىن بولاتىن، ساۋداگەرلەردى سۇيەتىن قويۋ راي قالىپتاستىرۋ كەرەك. دامۋدىڭ بىرىككەن كۇشىن ۇيىستىرىپ، ٴار جاقتاعى كۇشتەردى ٴبىر تۇتاس جوسپارلاپ، ٴار جاقتىڭ بەلسەندىلىگىن ويداعىداي جۇمىلدىرىپ، ىلەنىڭ جوعارى ساپالى دامۋىن ىلگەرىلەتۋدىڭ جاسامپازدىق ومىرشەڭدىك كۇشىن ۇيىستىرۋ كەرەك. كادرلار قوسىنىن كۇشەيتىپ، ورنىقتىلىق پەن دامۋدىڭ نەگىزگى شايقاس مايدانىن، نەگىزگى شەبىن بەتكە الىپ، ٴتۇرلى فورمالار ارقىلى كادرلاردى جوعارى دارەجەلى ورىنعا جىبەرىپ مىندەتكە ٴىلىپ شىنىقتىرۋ، تومەنگە جىبەرىپ مىندەتكە ٴىلىپ شىنىقتىرۋ، سىرتقا جىبەرىپ مىندەتكە ٴىلىپ شىنىقتىرۋ تەبىنىن ارتتىرىپ، كادر دارىندىلاردى، اسىرەسە، تاڭداۋلى جاس كادر دارىندىلاردى كۇش سالا باۋلىپ، ەنگىزىپ، ىستەتىپ، كادر دارىندىلاردىڭ ٴىس تىندىرىپ، ناتيجە جاراتۋ ىرىقتىلىعى مەن جاسامپازدىق قۋاتىن جان ـ جاقتى تاسقىنداتۋ كەرەك. ستيل قۇرىلىسىن كۇشەيتىپ، فورماشىلدىقتان، تورەشىلدىكتەن بارىنشا ساقتانىپ، باسشى كادرلار، اسىرەسە، ”ٴبىرىنشى باسشى“ سىندى تەتىكتى مىقتى يگەرىپ، ۇيرەنۋدى، زەرتتەۋ قىزمەتىن جانە جاسامپازدىقپەن تياناقتاندىرۋدى باستاماشىلدىقپەن كۇشەيتىپ، ٴار دارەجەلى پارتيالى كادرلاردىڭ شىنايى يگەرىپ، ناقتى ىستەپ، ۇزدىكتىككە تالپىنىپ، ىلەنىڭ ٴتۇرلى ىستەرىنىڭ بۇكىل شينجياڭدا الدا ٴجۇرۋىن، ۇلگى بولۋىن ىلگەرىلەتۋىنە جەتەكشىلىك ەتۋ كەرەك.

ماجىلىسكە قاتىناسقاندار ماجىلىستەن بۇرىن 3 كۇن ۋاقىت جۇمساپ، 3 گرۋپپاعا ٴبولىنىپ، 11 اۋدان، قالاداعى ٴىرى نىسانداردىڭ جاڭادان قۇرىلىس باستاعان جاعدايىن كوزدەن كەشىردى. وبلىستىق پارتكومنىڭ، ۇكىمەتتىڭ قىزمەتتەگى باسشىلارى جانە حالىق قۇرىلتايىنىڭ، ساياسي كەڭەستىڭ ٴبىر ٴبولىم باسشىلارى، وبلىسقا توتە قاراستى تاراۋلاردىڭ نەگىزگى باسشىلارى، زەينەتكە شىققان ساقا كادرلاردىڭ ۋاكىلدەرى جانە اۋدان - قالالاردىڭ پارتيا، ۇكىمەت ورىندارىنداعى نەگىزگى جاۋاپتى جولداستار، ەكونوميكالىق قىزمەتكە جاۋاپتى جولداستار قاتارلىلار ماجىلىسكە قاتىناستى.