سۋرەتتە: وبلىستىق پارتكومنىڭ شۋجيى ياڭ شيۋلي قورعاس اۋدانى انشين مال شارۋاشىلىعىن دامىتۋ شەكتى سەرىكتەستىگىنە بارىپ، كاسىپورىننىڭ دامۋ جاعدايىنا تەكسەرۋ ـ زەرتتەۋ جۇرگىزۋدە.         يۇڭ چىڭفان فوتوسى

تىلشىلەرىمىز ما چىڭلۋ، سۇن ي - نان، ەرىكتى ٴتىلشى يۇڭ چىڭفان حابارلايدى. 10 - ايدىڭ 29 ـ كۇنى ىلە وبلىستىق پارتكومنىڭ شۋجيى ياڭ شيۋلي قورعاس قالاسى مەن قورعاس اۋدانىنىڭ كاسىپ سالاسى باقشا رايونىنا بارىپ تەكسەرۋ ـ زەرتتەۋ جۇرگىزگەندە بىلاي دەپ باسا دارىپتـەدى: بـاس شـۋجـي شي جينپيڭنىڭ اۆتونوميالى رايوننىڭ جانە بيڭتۋاننىڭ قىزمەت مالىمەتىن تىڭداعاندا سويلەگەن ماڭىزدى ٴسوزىنىڭ رۋحىن ىشكەرىلەي ۇيرەنىپ، دايەكتىلەندىرىپ، اۆتونوميالى رايوندىق 10 - كەزەكتى پارتكومى توعىزىنشى جالپى ٴماجىلىسى مەن وبلىستىق پارتكومنىڭ قىزمەت ٴماجىلىسىنىڭ رۋحىن دايەكتىلەندىرىپ، تياناقتاندىرىپ، دامۋ مەن حاۋىپسىزدىكتى ويداعىداي ٴبىر تۇتاس جوسپارلاپ، ”ەكى بازاردىڭ، ەكى ٴتۇرلى بايلىقتىڭ“ رولىن ساۋلەلەندىرىپ، ىلە ەرەكشەلىگىنە يە وسى زامانعى كاسىپ سالاسى جۇيەسىن جەدەل قۇرىپ، اشىق ەكونوميكانى دامىتۋدىڭ جاڭا قوزعاۋشى كۇشىن، جاڭا باسىمدىعىن قۇلشىنا جەتىلدىرۋ كەرەك.

ياڭ شيۋلي ىلگەرىندى - كەيىندى قورعاس ەكونوميكالىق اشۋ رايونى شينشۋاي ازىق - تۇلىك عىلىم - تەحنيكاسى، جۇڭجين جاڭا ەنەرگيالى موتوتسيكل، مەتال نانومەتر ۇنتاق ماتەريال، حۋاميان تازالىق بۇيىمدارى، تۇڭليڭ شىجي ەنەرگيا ساقتاۋ باتەرياسى، تايشىڭ حىڭتۇڭ ەلەكترون عىلىم - تەحنيكاسى جانە قورعاس ەكونوميكالىق اشۋ رايونى حۇينۇڭ عارىش ىستەرى سياقتى 10 نەشە كاسىپورىـنعا باردى. ياڭ شيۋلي سەحتاردا جابدىقتار ورناتىلىپ، قاربالاس ٴوندىرىس جۇرگىزىلىپ جاتقان جاعدايدى كورگەننەن كەيىن ايرىقشا قۋاندى، ول كاسىپورىنداردى دامۋ سەنىمىن بەكەمدەپ، سالىنىپ جاتقان نىسانداردىڭ قۇرىلىس قارقىنىن تەزدەتىپ، ەرتەرەك اياقتاتىپ، ەرتەرەك وندىرىسكە قوسۋعا كۇش سالۋعا؛ وندىرىسكە قوسىلعان نىسانداردىڭ ەل ٴىشى - سىرتىنداعى بازاردى بەلسەندى كەڭەيتىپ، ونىمدەردى زەرتتەپ اشۋ تەبىنىن ارتتىرىپ، ٴوندىرىس كولەمىن كەڭەيتىپ، ونىمدەردىڭ باسەكەلىك قۋاتىن جوعارىلاتىپ، اناعۇرلىم ساپالىلاندىرۋعا، الۋەتتەندىرۋگە، زورايتۋعا شابىتتاندىردى. سونىمەن بىرگە، بارعان جەرىندە ول كاسىپورىننىڭ دامۋىندا قيىنشىلىق بار ـ جوقتىعىن تـاپتەشتەي سۇرادى ٴارى اۋدان - قالالارداعى جاۋاپتى جولداستارعا دەر كەزىندە كومەكتەسىپ شەشىپ، تۇتاس تىزبەك بويىنشا جان ـ جاقتى قىزمەت وتەۋدى تاپسىردى.

قورعاس اۋدانى انشين مال شارۋاشىلىق سەرىكتەستىگى − شينجياڭ بويىنشا قويدى قورادا بىردەن باعاتىن ەڭ ۇلكەن باعىمشىلىق الاڭى. ياڭ شيۋلي وسى كاسىپورىنعا كەلىپ، اۋدانداعى جاۋاپتى جولداستارمەن جانە كاسىپورىن جاۋاپتىلارىمەن ىشكەرىلەي پىكىر اۋىستىرىپ، قوي كاسىپ سالاسى تۇتاس تىزبەگىنىڭ جوبا قۇرىلىسى جانە قورادا باعۋ، قورادان شىعارۋ، ەكونوميكالىق ونىمدىلىگى سياقتى جاعدايلاردى ەگجەي ـ تەگجەيلى ۇعىستى. ول بىلاي دەپ باسا دارىپتەدى: وسى زامانعى مال شارۋاشىلىعىن دامىتۋدا باستاماشى كاسىپورىنداردىڭ جەتەكشىلىك رولىن ويداعىداي ساۋلەلەندىرىپ، مال تۇقىمىن اسىلداندىرۋدا ناتيجە جاراتۋعا كۇش سالىپ، تۇتاس كاسىپ سالاسى تىزبەگىن دامىتۋعا كۇش سالىپ، توڭىرەكتەگى ەگىنشى ـ مالشىلاردى باعىمشىلىق تاسىلىندە بۇرىلىس جاساۋعا جەتەكتەپ، ٴوندىرىستى دامىتىپ، ونىمدىلىكتى جوعارىلاتىپ، كىرىستى ارتتىرۋعا جەبەۋ كەرەك.

ياڭ شيۋلي تەكسەرۋ - زەرتتەۋ بارىسىندا بىلاي دەپ باسا دارىپتەدى: باتىسقا ەسىك اشۋدىڭ ”الدىڭعى شەبىن“ تياناق ەتىپ، ”سىرتقا شىعارۋ“ مەن ”ەنگىزۋ“ تەبىنىن ارتتىرىپ، ”شىعىستا وندىرىلگەن ونىمدەردى باتىسقا شىعارۋ“ ورايىن جانە كاسىپ سالاسى وزگەرىسىنىڭ ”تەرەزەلىك مەزگىلىن“ مىقتى يگەرىپ، ىلەنىڭ بايلىق باسىمدىعىن، شەكارا وتكەلى باسىمدىعىن كاسىپ سالاسى باسىمدىعى مەن دامۋ باسىمدىعىنا اينالدىرۋدى جەدەلدەتۋ كەرەك. تۇلعالىق ەكونوميكانى كۇش سالا دامىتىپ، ساۋداگەر شاقىرىپ، قارجى ەنگىزۋ جانە قارجىنى مولايتىپ، ٴونىمدى كەڭەيتۋ سىندى ەكى جاقتى يگەرۋگە تاباندى بولىپ، تىزبەك ارقىلى ساۋداگەر شاقىرىپ، ساۋدا ارقىلى ساۋداگەر شاقىرىپ، كاسىپ سالاسى تىزبەگىندەگى باستاماشى كاسىپورىنداردى، وزەكتى كاسىپورىنداردى ٴتۇيىندى ەنگىزىپ، تومەن ٴونىمدى جانە جوعارى ٴونىمدى كاسىپورىنداردىڭ شوعىرلى دامۋىن جەبەپ، 10 ميلليارد يۋان دارەجەلى كاسىپ سالاسى تىزبەگىن قۇلشىنا جەتىلدىرۋ كەرەك. كاسىپ سالاسى مەن قالانىڭ توعىسا دامۋىن ىلگەرىلەتىپ، ساۋدا مەن تۇرمىستىڭ سايكەستى قۇرىلعىلارىن كەمەلدەندىرىپ، قالا نىساندارىنىڭ كوتەرىمدىلىك قۋاتىن جوعارىلاتىپ، ٴوندىرىس ارقىلى ادام شوعىرلاندىرۋدى، ادام ارقىلى قالانى گۇلدەندىرۋدى، قالا ارقىلى ٴونىمدى جەبەۋدى ىلگەرىلەتۋ كەرەك. پارتيا قۇرىلىسىن جەتەكشى ەتۋدە تاباندى بولىپ، ادام تاڭداۋدىڭ، ادام ىستەتۋدىڭ ايقىن بەتالىسىن ورناتىپ، شابىتتاندىرۋ مەحانيزمىن ساپالىلاندىرىپ جانە كەمەلدەندىرىپ، ۇزدىكتەردى وزدىرىپ، جاۋتىكتەردى كەيىن سىرىپ، ٴىس تىندىرىپ، ناتيجە شىعاراتىن، ۇزدىك بولۋعا تالپىناتىن قويۋ اۋان قالىپتاستىرۋ كەرەك.

وبلىس باسشىلارىنان حاۋ جيانمين، سۇن حۇي تەكسەرۋ ـ زەرتتەۋگە قاتىناستى.