تىلشىلەرىمىز لي جيان، ليۋ چۇنشيڭ حابارلايدى. اۆتونوميالى رايوننىڭ اقپارات شەبىندەگى ”جاقسى تىلشىلەردىڭ جاقسى حيكايالاردى بايانداۋى“ اتىنداعى بۇكىل شينجياڭدى ارالاپ لەكسيا جاساۋ قيمىلى 10 - ايدىڭ 28 - كۇنى ىلەدە وتكىزىلدى، اۆتونوميالى رايون مەن ايماق، وبلىس، قالالاردىڭ اقپارات قۇرالدارىنىڭ 7 اقپارات قىزمەتكەرى ىلە راديو - تەلەۆيزيا ستانسياسىنىڭ كونسەرت زالىندا ىلە وبلىسىنا توتە قاراستى ورىنداردىڭ جانە بيڭتۋان 4 - ديۆيزياسىنىڭ اقپارات قىزمەتكەرلەرىمەن، شىفان داشۋەسى تىلشىلەر ۇيىرمەسىنىڭ وقۋشىلارمەن ٴبىرىنشى شەپكە بارىپ تىلشىلىك ىستەۋ، حابارلاۋ بارىسىنداعى تەرەڭ اسەرلەرىن جانە اسەرلى اڭگىمەلەرىن ٴبولىستى.

بيىل − اۆتونوميالى رايون دارەجەلى ”جاقسى تىلشىلەردىڭ جاقسى حيكايالاردى بايانداۋى“ اتىنداعى لەكسيا جاساۋ قيمىلى وتكىزىلگەندىگىنىڭ 10 جىلدىعى. 10 جىلدان بەرى ٴبىرىنشى شەپتەگى 270 تەن استام رەداكتور، ٴتىلشى ساحناعا شىعىپ، كوپشىلىككە تىلشىلىك ىستەۋ، حابارلاۋ بارىسىندا ٴوز باسىنان كەشىرگەن، ٴوزى ەستىگەن جاندى اڭگىمەلەردى بايانداپ، قازىرگى زامان اقپارات قىزمەتكەرلەرىنىڭ جاۋاپكەرشىلىگى مەن سۇيىسپەنشىلىگىن جاندى ٴتۇسىندىردى. وسى رەتكى اۆتونوميالى رايوننىڭ اقپارات شەبىندەگى ”جاقسى تىلشىلەردىڭ جاقسى حيكايالاردى بايانداۋى“ اتىنداعى شينجياڭدى ارالاپ لەكسيا جاساۋ قيمىلىندا 2022 -، 2023 - جىلعى لەكسيا جاساۋ قيمىلىندا بەينەسى كورنەكتى بولعان 7 اقپارات قىزمەتكەرىن ۇيىمداستىرىپ، شينجياڭدى ارالاتىپ لەكسيا جاساتۋ ارقىلى جەر - جەردەگى اقپارات قىزمەتكەرلەرىمەن بەتپە - بەت پىكىر اۋىستىرىپ، جۇڭگو حيكاياسىنىڭ شينجياڭ تاراۋىن بىرگە ويداعىداي باياندادى.

7 اقپارات قىزمەتكەرى كوپشىلىككە تارىم مۇناي الابىنداعى جاستىق كوكتەمنىڭ كۇش - قۋاتىن؛ Z180 كەزەكتى پويەزى 86 ساعات بوگەلىپ قالعاندا پويەز قىزمەتكەرلەرىنىڭ  قاجىرلىقپەن تاباندىلىق تانىتقانىن؛ قارلى تاۋ مەن شەكارا ەسكەرتكىشىنە كۋا بولعان جاس ەرلى - زايىپتىلاردىڭ وتانعا دەگەن پاك سۇيىسپەنشىلىگىن؛ قۇمدى بورانمەن 18 جىل شايقاس جاساعان قۇمدى تىزگىندەۋشى ايەل پاتىگۇل ياسىننىڭ باتىلدىعى مەن تاباندىلىعىن؛ جاڭا داۋىردە ٴار سالا، ٴار كاسىپتە شۇعىلا شاشقان لەي فىڭ رۋحىن؛ دۇنيە جۇزىندەگى تۇڭعىش قۇمدى ٴشول تەمىر جولىنىڭ تۇتاس جەلىسىن ىركىلىسسىزدەندىرۋ سىندى كەرەمەتتەردى جارىققا شىعارعان جۇڭگو رۋحىن؛ ۋان تۇڭشۋ مىرزانىڭ مۇقام كوركەمونەرىنە مۇراگەرلىك ەتۋ جولىن نۇرلاندىرۋ جونىندەگى جاپالى ىزدەنىس بارىسىن باياندادى. جاندى دا مەيىرگە تولى اڭگىمەلەر كورەرمەندەردى ايرىقشا اسەرلەندىردى جانە شابىتتاندىردى.

قۇلجا اۋداندىق توعىسپالى مەديا ورتالىعىنىڭ ٴتىلشىسى زاينۇرا ابىلەت بىلاي دەدى: ”بۇگىن اقپارات شەبىنەن كەلگەن تاڭداۋلى اقپارات قىزمەتكەرلەرىنىڭ تىلشىلىك كەشىرمەلەرىن، تيانشاننىڭ تۇستىگى مەن تەرىستىگىندەگى اڭگىمەلەردى شىنايى، قاراپايىم تىلمەن بايانداعانىن ەستىپ ەرەكشە اسەرلەندىم. بۇل قيمىل مەن ٴۇشىن ٴبىر رەتكى ۇيرەنۋ، ٴوسىپ - جەتىلۋ ورايى سانالادى. جاڭا داۋىردەگى نەگىزگى ساتى اقپارات قىزمەتكەرى رەتىندە بۇدان كەيىن مەن دە اقپاراتتىق قىراعىلىعىمدى ارتتىرىپ، نەگىزگى ساتى حيكايالارىن جاقسى تاراتىپ، ەكپىندەي ىلگەرىلەۋگە كۇش قوسامىن“.

شىفان داشۋەسى اقپارات جانە تاراتۋ ماماندىعى اسپيرانتتىق 1 - جىلدىعىنىڭ وقۋشىسى جياڭ جيانتاۋ بىلاي دەدى: ”ٴبىرىنشى شەپتە قىزمەت ىستەيتىن وسى اقپارات قىزمەتكەرلەرىنە ەرەكشە ٴسۇيىندىم. مەن جىجياڭنىڭ ي - ۋ قالاسىنان كەلدىم، ۇستازدار ورتاقتاسقان وسى اڭگىمەلەر مەنىڭ بولاشاقتا شەكارا وڭىرگە تامىر تارتۋ بەكىمىمدى نىعايتتى. كۇندەردىڭ بىرىندە مەن دە سولار سياقتى ساحنادا تۇرىپ كوپشىلىككە شينجياڭ حيكاياسىن ايتىپ بەرسەم دەيمىن“.

ارالاپ لەكسيا جاساۋ اياقتاعاننان كەيىن  لەكسيا جاساۋ ۇيىرمەسىنىڭ مۇشەلەرى ىلە گازەتى مەكەمەسىندەگى، ىلە راديو - تەلەۆيزيا ستانسياسىنداعى جانە ٴىشىنارا اۋدان، قالالاردىڭ توعىسپالى مەديا ورتالىعىنداعى اقپاراتتىڭ ٴبىرىنشى شەبىندەگى تىلشىلەرىمەن، رەداكتورلارمەن اڭگىمە وتكىزىپ، پىكىر اۋىستىرىپ، اقپارات جازۋشىلىعىنىڭ استارىنداعى وي جۇگىرتۋ مەن اسەردەن ورتاق يگىلىكتەنىپ، جاڭا داۋىردە پارتيا مەن حالىق سەنىم ارتاتىن اقپارات قىزمەتكەرى بولۋ بەكىمدەرىن اقتارىلا اڭگىمەلەدى. ماجىلىسكە قاتىناسقاندار جابال بىلاي دەستى: تاڭداۋلى تىلشىلەردى ۇلگى ەتىپ، ٴجۇرۋ، كورۋ، ويلاۋ، جازۋ قابىلەتىن ۇزدىكسىز كۇشەيتىپ، جاڭا داۋىردەگى اقپارات قۇرالدارىنىڭ توعىسۋىنداعى تىڭ اڭگىمەلەردى ويداعىداي بايانداپ، شينجياڭنىڭ جاقسى اڭگىمەلەرىن ٴتىپتى دە جاقسى ايتىپ، ٴتىپتى دە الىسقا جەتكىزەمىز.

ارالاپ لەكسيا جاساعان 7 اقپارات قىزمەتكەرى.

اقسۋ توعىسپالى مەديا ورتالىعىنىڭ ٴتىلشىسى ”كىرشىكسىز سۇيىسپەنشىلىك“ حيكاياسىن بايانداۋدا.

ليۋ چۇنشيڭ فوتوسى