تىلشىلەرىمىز ما چىڭلۋ، جاڭ چيڭحۋا، سۇن ي - نان حابارلايدى. 11 - ايدىڭ 13 - كۇنى تۇستەن كەيىن ىلە وبلىسى توعىسپالى مەديا ورتالىعىنىڭ ماڭدايشالىق اشۋ سالتىن وتكىزدى، وبلىستىق پارتكومنىڭ شۋجيى ياڭ شيۋلي سالتقا قاتىناستى ٴارى ٴسوز سويلەدى، وبلىستىق پارتكومنىڭ ورىنباسار شۋجيى، ۇگىت ٴبولىمىنىڭ باستىعى، وقۋ ـ اعارتۋ قىزمەت كوميتەتىنىڭ شۋجيى كۇلان سەيپىلقان قىزى سالتتى باسقاردى.

ياڭ شيۋلي وبلىستىق پارتكوم اتىنان ىلە توعىسپالى مەديا ورتالىعىنىڭ قۇرىلعاندىعىن قۇتتىقتاپ، ۇزاق ۋاقىتتان بەرى ٴبىرىنشى شەپتە شايقاس جاساپ جاتقان بارشا اقپارات قىزمەتكەرلەرىنەن حال سۇرادى. ول بىلاي دەپ اتاپ كورسەتتى: ىلە توعىسپالى مەديا ورتالىعىنىڭ قۇرىلۋى − وبلىستىق پارتكومنىڭ شي جينپيڭ جاڭا ٴداۋىر جۇڭگوشا سوتسياليزم يدەياسىن ۇيرەنىپ، دايەكتىلەندىرىپ، اقپاراتتىق قوعامدىق پىكىر ىستەرىنىڭ جاڭالىق اشا دامۋىن ىشكەرىلەي ىلگەرىلەتۋدەگى پارمەندى شاراسى، سونداي ـ اق بۇكىل وبلىستىڭ اقپارات مەديا قىزمەتىندەگى كەلەلى قۋانىشتى ٴىس، بۇل ىلە وبلىسىنداعى وبلىس دارەجەلى نەگىزگى اعىمدىق اقپارات مەديالارىنىڭ شىت جاڭا دامۋ كەزەڭىنە وتكەندىگىنىڭ بەلگىسى.

ياڭ شيۋلي مىنالاردى باسا دارىپتەدى: اقپارات مەديالارىنىڭ توعىسپالى دامۋىن ىلگەرىلەتۋ − پارتيا ورتالىق كوميتەتىنىڭ جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا قۇدىرەتتى رۋحاني كۇش جانە قوعامدىق پىكىر جاعىنان قولداۋ كورسەتۋدى كوزدە ۇستاي وتىرىپ جاساعان كەلەلى ستراتەگيالىق ورنالاستىرۋى. ىلە توعىسپالى مەديا ورتالىعى جاڭا باسشىلىق القاسىنىڭ جەتەكشىلىگىندە شي جينپيڭنىڭ مادەنيەت يدەياسىن ىشكەرىلەي ۇيرەنىپ، دايەكتىلەندىرىپ، بەتالىستى جان تامىر ەتۋگە، جىلجىمالى تاراتۋدىڭ ٴتيىمدى ورايىن مىقتى يگەرۋگە، مازمۇندى نەگىز ەتۋگە، جاڭالىق اشۋدى ٴتۇيىن ەتۋگە تاباندى بولىپ، وڭىرلىك باسەكەلىك قۋاتقا جانە قۋاتتى ىقپالعا يە جاڭاشا نەگىزگى اعىمدىق اقپارات مەديالارىن قۇلشىنا قالىپتاستىرۋ كەرەك. ساياسي بەتالىستان جازباي، پارتيا مەدياسى پارتيانىكى دەگەنگە باستان ـ اياق تاباندى بولىپ، تۋ ۇستاۋ، جۇرت تىلەگىن توعىستىرۋ، جاڭا ادام تاربيەلەۋ، مادەنيەتتى گۇلدەندىرۋ، وبرازدى ايگىلەۋ بورىشى مەن مىندەتىن سانالى تۇردە ارقالاۋ كەرەك. جالپى جاعدايعا باستان - اياق قىزمەت وتەپ، ”بۇرامالى بارابان“، ”جەل باعدارلاۋىش“ رولىن ويداعىداي ساۋلەلەندىرىپ، پارتيا مەن ۇكىمەتتىڭ اقىلماندار ۇيىرمەسى، ساياسات - قۋاتتامالاردىڭ تاراتۋشىسى، قوعامدىق پىكىر ماسەلەلەرىنىڭ باقىلاۋشىسى، نەگىزگى اعىمدىق ٴۇنىنىڭ جەتەكشىسى بولۋ كەرەك. ىلە حيكاياسىن جاقسى بايانداپ، ىلەنىڭ قوعام ورنىقتىلىعىنىڭ تاماشا جاعدايىن، ەكونوميكالىق دامۋىنىڭ كورنەكتى باسىمدىعىن، ٴتۇرلى ىستەرىنىڭ كۇننەن - كۇنگە كوركەيگەن تاماشا بولاشاعىن كوپ ساتىلى، جان - جاقتى، ستەرەولدى ايگىلەپ، ىلەنىڭ تاماشا سىرتقى وبرازىن ورناتۋ كەرەك. تۋراشىلدىقتان اينىماي جاڭالىق اشۋعا تاباندى بولىپ، توعىسپالى مەديا ورتالىعىنىڭ ”ٴوزارا قوسىلۋدان“ ”ٴوزارا توعىسۋعا“ قاراي بۇرىلىس جاساۋىن، ”قالىپتىق توعىسۋدان“ ”رۋحتىق توعىسۋعا“ قاراي ساتىلى ىلگەرىلەۋىن ورنىقتى جەبەپ، دامۋدىڭ قوزعاۋشى كۇشىن جاپپاي جانداندىرۋ كەرەك. ىسىلعان قوسىن قۇرىپ، تاڭداۋلى جاس دارىندىلاردى ەنگىزۋ، باۋلۋ تەبىنىن ارتتىرىپ، كادرلاردىڭ، جۇمىسشى - قىزمەتكەرلەردىڭ ٴجۇرۋ، كورۋ، ويلاۋ، جازۋ قۋاتى سىندى ”4 قۋات“ تاربيەسى امالياتىن كۇشەيتىپ، كورىكتى ىلە قۇرۋعا تىڭ دا اناعۇرلىم زور ۇلەس قوسۋ كەرەك.

ىلە توعىسپالى مەديا ورتالىعى بۇرىنعى ىلە گازەتى مەكەمەسى، ىلە راديو - تەلەۆيزيا ستانسياسىن نەگىزگى تۇلعا ەتىپ بىرىكتىرىلىپ قۇرىلىپ، گازەت، تەلەۆيزيا، راديو، توراپ بەكەتى سياقتى تۇعىرلاردى جاپپاي بىرىكتىرىپ، جاڭاشا جىلجىمالى كليەنت جانە توعىسپالى مەديا ماتريتساسىن قۇرادى.

وبلىس باسشىلارىنان سۇن حۇي، لي جانچاۋ ماڭدايشالىق اشۋ سالتىنا قاتىناستى.

سۋرەتتە: 11 - ايدىڭ 13 - كۇنى وبلىستىق پارتكومنىڭ شۋجيى ياڭ شيۋلي وبلىستىق پارتكومنىڭ ورىنباسار شۋجيى، ۇگىت ٴبولىمىنىڭ باستىعى، وقۋ - اعارتۋ قىزمەت كوميتەتىنىڭ شۋجيى كۇلان سەيپىلقان قىزىمەن بىرگە ىلە توعىسپالى مەديا ورتالىعىنىڭ ماڭدايشالىعىن اشتى. 

 سۇن ي - نان فوتوسى