قۇلجا قالالىق اكىمشىلىك قىزمەت وتەۋ ورتالىعى شارالاردى ساپالىلاندىرىپ، قىزمەت ونىمدىلىگىن جوعارىلاتتى

كاسىپورىندار مەن بۇقارانىڭ جۇمىس بىتىرۋىنە ٴتىپتى دە قولايلى، ٴتىپتى دە جايلى ورتا جاراتتى

بۇقارا قۇلجا قالالىق اكىمشىلىك قىزمەت وتەۋ ورتالىعىنىڭ تەرەزەسىندە رەسميات بىتىرۋدە.    سۋرەتتى مىڭ شيا تۇسىرگەن 

ٴتىلشىمىز مىڭ شيا حابارلايدى. ”ٴبىر تەرەزەدە قابىلداۋ“ بۇقارانىڭ ٴىس بىتىرۋىنە اناعۇرلىم قولايلى بولدى، ”ٴبىر تەرەزەدە ٴبىر تۇتاس ٴبىتىرۋ“ اكىمشىلىك قىزمەت وتەۋدىڭ اناعۇرلىم ٴونىمدى بولۋىنا مۇمكىندىك جاسادى... قۇلجا قالالىق اكىمشىلىك قىزمەت وتەۋ ورتالىعى اكىمشىلىك قىزمەت وتەۋدىڭ جوعارى ساپالى، جوعارى ٴونىمدى بولۋىن جوعارىلاتۋدى نىسانا ەتىپ، ”تومەنگە بەرۋ، باسقارۋ، قىزمەت وتەۋ“ رەفورماسىن ۇزدىكسىز تەرەڭدەتىپ، قىزمەت وتەۋ تاسىلىندە جاڭالىق اشىپ، قىزمەت وتەۋمەن قامداۋدى كۇشەيتىپ، ساۋدا ورتاسىن ۇزدىكسىز ساپالىلاندىرىپ، كاسىپورىندار مەن بۇقارانىڭ تابىس سەزىمىن جانە ريزا بولۋ سالىستىرماسىن ۇزدىكسىز جوعارىلاتتى.

11 ـ ايدىڭ 13 ـ كۇنى قۇلجا قالاسىنىڭ تۇرعىنى چىن چىن قورا ـ جاي ۇقىعىن وتكەرۋ رەسمياتىن بىتىرگەندە باجى تاپسىرۋ، ەكىنشى قول ٴۇيدى وتكەرۋ، قوسىمشا سۋ، ەلەكتردەن پايدالانۋ ۇقىعىن وتكەرۋ جۇمىستارىن ٴبىر تەرەزەدە عانا ٴبىتىردى. ول: ”بۇقارانىڭ جۇمىس ٴبىتىرۋى شىنىمەن بارعان سايىن قولايلى بولدى، باجى ىستەرى مەن جىلجىمايتىن مۇلىك كاسىبى ٴبىر تەرەزەدە ٴبىتىرىلىپ، ۋاقىت ۇنەمدەلدى، جۇمىس ٴبىتىرۋ ونىمدىلىگى دە جوعارىلادى“ دەدى تەبىرەنە. ”ٴبىر ٴىستى ٴبىر جولدا ٴبىتىرۋ ارناۋلى تەرەزەسىندە“ قالا تۇرعىنى ابدۇحيلىل ابليكىم تيجارات كۋالىگىندەگى تيجاراتشىنىڭ اتىن وزگەرتۋ جۇمىسىن 15 مينۋتتا - اق ٴبىتىردى. ابدۇحيلىل بىلاي دەدى: ”قازىر رەسميات بىتىرەتىن تەرەزە كوپ، تەرەزە الدىنا كەلە سالىپ بىتىرۋگە بولادى، قىزمەتكەرلەردىڭ قىزمەت وتەۋ پوزيتسياسى جاقسى بولىپ قانا قالماستان، تەز بىتىرەدى، ولارعا شىنايى العىس بىلدىرەمىن“.

قالا تۇرعىنى جۋ جيان حالىققا قولايلى قىزمەت وتەۋ تەرەزەسىندە جاڭا ٴۇيىنىڭ سۋ، گاز كارتوچكاسىن تىزىمگە الدىرۋ رەسمياتىن ٴبىتىرىپ جاتتى، ول تىلشىگە بىلاي دەدى: ”بۇرىن سۋ كارتوچكاسىن تىركەۋ، اشۋ رەسمياتىن تۇڭعىش رەت بىتىرگەندە قالا اينالما جولىنداعى قۇبىر سۋ سەرىكتىگىنە بارۋ وتە الىس، وتە قولايسىز ەدى. قازىر سۋ، گاز كارتوچكاسىن تىركەۋ، اشۋ كاسىبىن قۇلجا قالالىق اكىمشىلىك قىزمەت وتەۋ ورتالىعىندا بىتىرۋگە بولاتىن بولدى، ودان قالسا سۋ، ەلەكتر، جىلۋ، گاز، حابارلاسۋ اقىسىن تاپسىرۋ سياقتىلاردىڭ بارلىعىن ٴبىر ورىندا، ٴبىر جولدا بىتىرۋگە بولاتىن بولدى، بۇل شىنىندا وتە قولايلى“.

وسىعان ۇقساس قۇلجا قالالىق اكىمشىلىك قىزمەت وتەۋ ورتالىعىنىڭ قوعام حاۋىپسىزدىگى تەرەزەسىندە تۋىسشىلاۋ پاسپورتى كاسىبىن ٴبىتىرىپ جاتقان ما جييۋان دا قازىرگى ”ٴبىر تەرەزەدە ٴبىر تۇتاس ٴبىتىرۋ“ كاسىبىنىڭ قولايلىلىعىنان تەرەڭ اسەر الدى، ول: ”بۇقارانىڭ قانداي ٴىس بولسا دا ٴبىر تەرەزەدە بىتىرە الۋدىڭ سىننان وتكىزەتىنى − قىزمەتكەرلەردىڭ كاسىپتىك جالپىلىق قابىلەتى، بۇقاراعا جەتكىزەتىنى − قولايلىلىق“ دەدى.

قۇلجا قالالىق اكىمشىلىك قىزمەت وتەۋ ورتالىعى قوعام حاۋىپسىزدىگى تەرەزەسىنىڭ باس ۋاكىلى اينۇر توحتى بىلاي دەدى: ”بۇرىن بۇقارا جۇمىس بىتىرگەندە ٴارقايسى ساقشى بولىمشەلەرىنە سابىلاتىن، قازىر’ٴبىر تەرەزەدە ٴبىر تۇتاس ٴبىتىرۋ‘ جولعا قويىلىپ، ٴبىر تەرەزەدە نوپوس، شەكارادان كىرىپ - شىعۋ، پاسپورت، ازاماتتىق كۋالىك جانە اۆتوكولىك، كولىك جۇرگىزۋ كۋالىگى، ۋاكىلەتتى كاسىپ ٴبىتىرۋ سياقتى 116 ٴتۇرلى كاسىپتى بىتىرە الاتىن بولدى، بۇل بۇقاراعا كوپ قولايلى بولدى“.

قۇلجا قالالىق بازار باقىلاۋ - باسقارۋ مەكەمەسى تىزىمگە الۋ ٴبولىمىنىڭ باستىعى لي فاڭ مىنالاردى ٴبىلدىردى: ”بيىل 4 - ايدا مەكەمەمىز ’ٴبىر ٴىستى ٴبىر جولدا ٴبىتىرۋ‘ تەرەزەسىن اشتى، باستىسى، كاسىپورىن قۇرۋعا، كاسىپورىندى تىزىمنەن وشىرۋگە اقىل - كەڭەس بەرۋ، قىزمەت وتەۋ، ينتەرنەتتە قولما - قول جەتەكشىلىك ەتۋ، قىزمەت وتەۋ، كاسىپورىن قۇرۋ  بارىسىندا ونى تىزىمگە الدىرۋ، تيجارات كۋالىگىن ٴبىتىرۋ، ەسەپ اشۋ، باجى، تۇرعىن ٴۇي الەۋمەتتىك قورى، قوعامدىق قامتاماسىزداندىرۋ، ەمدەۋ قامسىزداندىرۋى سياقتى ٴبىرقىدىرۋ تاراۋلاردىڭ كوپ ٴتۇرلى كاسىبىنە ساياتىندىقتان، كاسىپورىندارعا تاماشا ساۋدا ورتاسىن جاراتىپ بەرۋ ٴۇشىن، قازىر تىزىمگە الدىرۋ تەرەزەسىندە كاسىپورىن قۇرۋ كاسىبىن بىتىرگەندە تەك تاپسىراتىن ماتەريال تولىق بولسا بولعانى، ٴبىر قىزمەت كۇنىندە بىتىرۋگە بولادى. سونىمەن بىرگە، ولار تەرەزەلەرگە  ىسكەر قىزمەتكەرلەردى ورنالاستىردى، قۇلجا قالالىق بازار باقىلاۋ - باسقارۋ مەكەمەسىنىڭ قۇلجا قالالىق اكىمشىلىك قىزمەت وتەۋ ورتالىعىنداعى 1 - ٴنومىرلى تەرەزەگە كاسىپتىك قابىلەتى جوعارى ىسكەر كادرلاردى سەپتەپ، ٴىس بىتىرەتىن كاسىپورىندار مەن بۇقاراعا اقىل - كەڭەس بەرىپ، ماسەلەلەردى شەشىپ، بۇقارانىڭ ٴىس بىتىرۋدەگى كۇتۋ ۋاقىتىن ازايتتى.

بيىل كاسىپورىندار مەن بۇقاراعا اناعۇرلىم ويداعىداي قىزمەت وتەۋ ٴۇشىن، قۇلجا قالالىق اكىمشىلىك قىزمەت وتەۋ ورتالىعى ٴارقايسى ورىنداردىڭ قىزمەت وتەۋ ورنىنداعى جۇمىس ٴبىتىرۋ تەرەزەلەرىن ساپالىلاندىرىپ، ”قىزمەتكە وزگەرىس ەنگىزىپ“ بىرلەسىپ تەكسەرىپ بەكىتۋ ارناۋلى رايونى جالپىلىق تەرەزەسى، ورتا، شاعىن، ۇساق كاسىپورىنداردىڭ جۇمىسىن جەدەل ٴبىتىرۋ ارناۋلى تەرەزەسى، حالىققا قولايلى 6 قىزمەت وتەۋ تەرەزەسى سياقتى تەرەزەلەردى قۇردى.

”قازىر اكىمشىلىك قىزمەت وتەۋ زالىنا 24 تاراۋ جانە ورىن ورنالاسىپ، 105 تەرەزە اشىپ، 384 اكىمشىلىك تەكسەرىپ بەكىتۋ ىستەرى مەن الەۋمەتتىك قىزمەت وتەۋ ىستەرىن بىتىرەدى، ٴىس ٴبىتىرۋ ونىمدىلىگىن جوعارىلاتۋ، كاسىپورىندار مەن بۇقارانىڭ ٴىس بىتىرۋىنە قولايلىلىق جاساۋ ٴۇشىن، ٴبىز كاسىپورىندارعا تيىمدىلىك جاسايتىن ارناۋلى رايون جانە ٴبىر تەرەزەدە ٴبىر تۇتاس ٴبىتىرۋ، قارتتارعا قىزمەت وتەيتىن ارناۋلى تەرەزە، ولكە اتتاپ ٴبىر تۇتاس ٴبىتىرۋ، ٴبىر ٴىستى ٴبىر جولدا ٴبىتىرۋ ارناۋلى تەرەزەسى سياقتى تەرەزەلەردى ارناۋلى ورنالاستىردىق“. قۇلجا قالالىق اكىمشىلىك قىزمەت وتەۋ ورتالىعى جالپىلىق كەڭسەسىنىڭ ورىنباسار مەڭگەرۋشىسى، اكىمشىلىك قىزمەت وتەۋ زالىن باسقارۋ كەڭسەسىنىڭ مەڭگەرۋشىسى تۇڭ شياڭياڭ بىلاي دەدى: ”ٴبىز بارلىق قىزمەتكەردەن كۋالىك تاعىپ قىزمەت ورنىنا شىعۋدى، قىزمەت ورنىنىڭ جاعداي مەن بايلانىس جاساۋ ٴتاسىلىن اشىق جاريالاۋدى، بارلىق ٴىستى ٴبىر جاقتى ەتۋ ٴتارتىبى مەن ٴىس ٴبىتىرۋ باعدارناماسىن اشىق جاريالاۋدى، بۇقارانىڭ باقىلاۋىن ىرىقتىلىقپەن قابىلداۋدى، اكىمشىلىك قىزمەت وتەۋدى ارناعا ٴتۇسىرۋ دەڭگەيىن ۇزدىكسىز جوعارىلاتۋدى تالاپ ەتتىك، وسى ارقىلى كاسىپورىندار مەن بۇقارانىڭ جۇمىس بىتىرۋدە از سابىلۋىنا، ٴىس ٴبىتىرۋ ونىمدىلىگىن جوعارىلاتۋىنا مۇمكىندىك جاساپ، ساۋدا ورتاسىن ساپالىلاندىردىق“.