نەگىزگى ساتى حالىق ساقشىسىنىڭ ”لەي فىڭ كۇندەلىگى“

ماقالاسىن جازىپ، سۋرەتىن تۇسىرگەن ەرىكتى تىلشىلەر جاڭ جيڭشيا، نۇربەك

تاريح توقتاۋسىز العا ىلگەرىلەيدى، تەك رۋح قانا ماڭگىلىك جالعاسادى. لەي فىڭ رۋحىن جاڭا داۋىردە ٴتىپتى دە شۇعىلا شاشتىرۋ ٴۇشىن، قۇلجا قالالىق قوعام حاۋىپسىزدىگى مەكەمەسى ىلە وزەنى جولى ساقشى بولىمشەسىنىڭ ساقشىسى نۇربەك ماعاۋيا ۇلى ٴىس جۇزىندىك ارەكەتى ارقىلى نەگىزگى ساتى قوعام حاۋىپسىزدىگى حالىق ساقشىلارىنا  ٴتان «لەي فىڭ كۇندەلىگىن» جازىپ كەلەدى.

2024 - جىلى 2 - ايدىڭ 27 - كۇنى

［نەگىزگى تاقىرىبى: بۇقارانىڭ ۇيىنە بارىپ كۋالىك ٴبىتىرۋ］  قازىر ولكە اتتاپ ٴبىر تۇتاس جۇمىس بىتىرۋگە، ٴبىر تەرەزەدە ٴبىر تۇتاس جۇمىس بىتىرۋگە بولاتىن بولدى، قازىر شىنىندا عىلىم - تەحنيكا زامانى عوي. الايدا جانىمىزدا كومەككە مۇقتاج جاندار ٴالى دە كوپ. بۇگىن نوپوس بولىمىندەگى حالىق ساقشىلارىمەن بىرگە ٴجۇرىس - تۇرىسى قولايسىز گۇلي اجەيدى ازاماتتىق كۋالىك سۋرەتىنە تۇسىرۋگە باردىق ٴارى اجەيدىڭ ٴۇي - ٴىشىن جيناستىردىق. اجەي ٴبىزدىڭ كەلگەنىمىزدى كورىپ قاتتى قۋاندى،  ٴدامدى تاعامدارىن الىپ شىعىپ، ٴبىزدى  ٴوز بالاسىنداي كۇتىپ بايەك بولدى. حالىق ساقشىسى مەن حالىق بۇقاراسىنىڭ جاراسىمدى دا شىنايى بەينەسى وسى بولسا كەرەك! بۇل ٴبىر قاراپايىم شاعىن ٴىس ٴارى حالىق ٴۇشىن قىزمەت وتەگەن كەرەمەت كۇن بولدى.

2024 - جىلى 2 - ايدىڭ 28 - كۇنى

［نەگىزگى تاقىرىبى: قايشىلىق پەن داۋ - شاردى شەشۋ］  بۇگىن قاراستى رايونداعى بالالاردىڭ فۋتبول تەبۋىنەن تەرەزە شاعىلعاندىقتان ابدۇل اعاي مەن قۇربان اتاي سوزگە كەلىسىپ قالدى. مەن ولارعا يدەيالىق قىزمەت ىستەگەلى كەلدىم، تالاي جىلدىق تاتۋ كورشىلەردىڭ بولىمسىز ىسكە بولا كۇرەڭ قاباق بولۋىن قالامايمىن.

 ارەكەت ٴتۇبى بەرەكەت دەگەن بار عوي! قۇربان اتاي ساباسىنا ٴتۇسىپ، جۇزىنە كۇلكى ٴۇيىرىلدى. ول بىلاي دەدى: ” تالاي جىلدىق تاتۋ كورشىمىز، ونىڭ نەمەرەسى دە ادەيى شاققان جوق، ساقشى بالامىز نۇربەكتىڭ جاڭادان اينەك قويىپ بەرگەنىنە راقىمەت ايتامىن،  ٴۇيىمىزدىڭ ٴىشى جاپ - جارىق بولىپ كەتتى“. مەن كەنەت وسى ٴبىر پارشا اينەكتىڭ بارلىق ادامنىڭ جۇرەگىن نۇرلاندىرعانىن سەزىندىم. سونىمەن قىزمەتتەسىمنەن وسى ٴبىر كوڭىلدى شاقتان ەستەلىك الىپ قويۋدى ٴوتىندىم.

2024 - جىلى 2 - ايدىڭ 29 - كۇنى

［نەگىزگى تاقىرىبى: امانداسا بارىپ حال سۇراۋ］  ساقشى ىستەرى كەڭسەسىنىڭ قارسىسىنداعى تۇرسۇن مامەت اعايدىڭ ۇيىندەگىلەردى كورمەگەلى بىرنەشە كۇن بولدى،  تۋىسشىلاپ كەتكەن بە؟ ۇيلەرىنىڭ ەسىك - تەرەزەسى جابىلدى ما؟ نەمەسە اۋىرىپ قالدى ما ەكەن؟ بۇگىن ۋاقىت شىعارىپ حال سۇراپ بارىپ، الدىڭعى جولى ساتىپ العان ٴدارىنى جەتكىزىپ بەرەيىن.

ٴاسىلى، اعايدىڭ بەلىنىڭ ەسكى اۋرۋى قوزعالىپ، سىرتقا شىعۋعا قولايسىز بولعاسىن، اپاي ۇيدە كۇتىمدەۋمەن قاربالاس بولىپ جاتىر ەكەن. ەكەۋىنىڭ ٴوزارا قارايلاسىپ، كومەكتەسكەنىن كورىپ، مەن «اكە - شەشەمنىڭ ماحابباتى» اتتى تەلە فيلمدى ەسىمە الدىم، وتە جاقسى!

2024 - جىلى 3 - ايدىڭ 1 - كۇنى

［ نەگىزگى تاقىرىبى: شاش الۋ ］     ۋاقىت ۇشقان قۇستاي زىمىراپ، بۇگىن مىنە 3 - اي دا جەتىپ كەلدى. شوكرات اعايدىڭ شاشىن الىپ بەرۋگە ۋادە بەرگەن ەدىم. بۇگىن اۋا رايى جاقسى ەكەن، تۇستەن بۇرىن جاڭادان ساتىپ العان شاش الۋ ماشيناسىمەن اعايدىڭ تۇسكى دەمالىسى كەزىندە شاشىن الىپ بەردىم. قانشا ايتقانمەن ساقشى كەڭسەسىندە تالاي جىلدان بەرى جۇمىس ىستەپ كەلگەن مەنى اعاي قاتتى قولدادى، مەن دە اعايدىڭ شاشىن ادەمىلەپ الىپ بەردىم.

شاشىن الىپ بولعان سوڭ اعاي مەنىڭ تاماق ٴىشىپ كەتۋىمدى ٴوتىندى، اپاي مەنىڭ شاش الۋ ونەرىمدى بارعان سايىن جاقسى بولىپ بارادى دەپ ماقتادى، وتە كوڭىلدى بولدىم! شىنايىلىق، سەنىمدىلىك، تىنىش تا مەيىرىمدىلىك... مەنىڭشە، بۇل ساقشى كەڭسەسىندەگى حالىق ساقشىلارىنىڭ ەڭ ۇلكەن تابىسى بولسا كەرەك.

2024 - جىلى 3 - ايدىڭ 2 - كۇنى

［ نەگىزى تاقىرىبى: وزەن شارلاۋ جانە قورعاۋ ］   بالالاردىڭ وقۋى باستالدى، اۋا رايى دا بىرتىندەپ جىلىندى.

تۇستە وتباسىلارىن ارالاپ جۇرگەندە بالالاردىڭ ىلە وزەنىنىڭ جاعاسىنا بارىپ ويناماقشى ەكەنىن ەستىپ قالدىم... ٴيا، اپتا سوڭىندا كورىنىس رايونىنداعى باقشا دۋمانعا بولەنىپ، بالالاردىڭ كۇلكى ٴۇنى ەستىلەدى.

الايدا، وزەن جاعاسىنداعى قار - مۇز بىرتىندەپ ەرىپ، ٴتىپتى دە قاتەرلى بولاتىندىعىن مەن بالالارعا ەسكەرتىپ قويدىم. حاۋىپسىزدىك ۇگىتىن جۇرگىزۋ،  ۇرپاقتاردى قورعاۋ حالىق ساقشىلارىنىڭ باس تارتۋعا بولمايتىن بورىشى ەمەسپە.

”اماليات − زامان قالاي وزگەرسە دە، لەي فىڭ رۋحىنىڭ ماڭگى ۋاقىتى وتپەيتىندىگىن دالەلدەدى“.

تاعى ٴبىر لەي فىڭنان ۇيرەنۋ كۇنى، شينجياڭدا، ىلەدە، ساقشى لاگەرىندە نۇربەك سياقتى حالىقتى سۇيەتىن حيكايالار ٴار كۇنى تۋىلىپ تۇرادى، نۇربەك سياقتى حالىق ساقشىلارى ٴبىزدىڭ جانىمىزدا  ٴالى دە كوپ. ٴبىز ”لەي فىڭنىڭ“ اتىمەن نەگىزگى ساتىداعى حالىق ساقشىلارىنىڭ حالىقتى سۇيەتىن، حالىق ٴۇشىن ىستەيتىن وسى «لەي فىڭ ەستەلىگىن» جالعاستى جازامىز.

 سۋرەتتە: نۇربەك شوكراتتىڭ  شاشىن الىپ بەرۋدە.