كوپ جاقتان كۇش سالىپ، قۇلجا اۋدانىنداعى توقىماشىلىق كاسىپورىندارىنىڭ ومىرشەڭدىك كۇشىن تاسقىنداتۋعا دەم بەردى
ماقالاسىن جازىپ، سۋرەتىن تۇسىرگەن ليۋ چۇنشيڭ (ٴوز ٴتىلشىمىز)
5 - ايدىڭ 22 - كۇنى تۇستەن بۇرىن ”جوعارى ساپالى دامۋ جۇڭگو ساپارى . شينجياڭ تاراۋى“ ارناۋلى تاقىرىپتىق قيمىلىنداعى ارالاپ احۋال ۇعىسۋ ۇجىمى قۇلجا اۋدانىنىڭ توقىماشىلىق كاسىپ باقشاسىنا بارىپ، شينجياڭ تيان - ي حۇڭچي توقىماشىلىق عىلىم - تەحنيكا شەكتى سەرىكتەستىگىن كوزدەن كەشىردى، كوپشىلىكتىڭ اسەرلەنگەنى، كاسىپورىننىڭ بار جىگەر - قايراتىمەن ٴوندىرىستىڭ قاربالاستىعىنا ٴتۇسىپ، تاپسىرىستى ۇلگىرتۋگە ايانباي بارىن سالعان دۋماندى كورىنىسى بولدى.
اتـالـعان سەرىكتەسـتىكـتىڭ توقىماشىلىق سەحىندا 312 توقىما ماشـيناسـى جوعارى جىلدامدىقپەن اينالىپ، كۇمىستەي تابيعي تالشىق ٴجىپ ۇرشىققا ورالىپ، توقىما ۇرشىعى كەزدەمە توقۋ ماشيناسىنىڭ كومەگىندە ونى وڭدەلمەگەن كەزدەمەگە اينالدىرۋدا، جۇمىسشىلار كەزدەمە توقۋ ماشيناسىنىڭ الدىندا قايشالىسىپ، بارلىق جەردە قاربالاستىق مەنمۇندالادى. سەحتىڭ شۋىلى كۇشتى بولعانىمەن، ول ارالاپ احۋال ۇعىسۋ ۇجىمىنىڭ مۇشەلەرىنە اسەر ەتپەدى جانە ولار مۇقيات سۋرەتكە ٴتۇسىرىپ جاتتى؛ سەحتىڭ سىرتىندا كوپشـىلـىك سەح جاۋاپتىلارىمەن اڭگىـمەلەسىپ، كاسىپورىننىڭ ٴوندىرىسى، ارتىق ەڭبەككۇشتەردىڭ جۇمىستانۋى سياقتى جاعدايلاردى ۇعىستى.
بۇل سەرىكتەستىك 2022 ـ جىلى 6 ـ ايدا قۇرىلعان، ماقتا توقىما بۇيىمدارىن زەرتتەپ اشۋ، توقۋ جانە ساتۋ جاعىنا كۇش سالعان عىلىم ـ تەحنيكادا جاڭالىق اشۋ تيپىندەگى كاسىپورىن، سونداي ـ اق بۇكىل شينجياڭداعى بىردەن ـ ٴبىر جابدىق جاساۋ جانە وڭدەلمەگەن كەزدەمە توقۋ ٴبىر تۇلعالانعان كاسىپورىن. بۇل سەرىكتەستىك انا سەرىكتەستىگى − چيڭداۋ تيان - ي قىزىلتۋ توقىما ماشيناسى توبى شەكتى سەرىكتەستىگى دەربەس زەرتتەپ وندىرگەن ەڭ جاڭا ۇرپاق HQF001 جوعارى جىلدامدىقتى 306 زەردەلى توقۋ ماشيناسىن پايدالاندى. جاڭا بۋىن توقۋ ماشيناسىنىڭ ونىمدىلىگى جوعارى، ٴتۇرلى كورسەتكىشى حالىقارادا الدىڭعى قاتاردا تۇرادى، جابدىقتاردىڭ ٴوندىرىس قۋاتى قازىرگى جابدىقتارعا قاراعاندا %30 اينالاسىندا جوعارى، سونىمەن بىرگە، بۇعان اۆتوماتتى ساباقتاۋ ماشيناسى، جوعارى قارقىندى ارقاۋ وتكىزگىش، توعىز ۇياشىق، قوس استاۋلى ٴجىپ تۇتقىرلاۋىش سياقتى زەردەلىلەنگەن، ٴبىر تۇلعالانعان ۇلاسپالى توقىماشىلىق اسپاپتارىن سيفرلى مەڭگەرۋ جابدىقتارى سەپتەلگەن.
جاڭالىق اشۋدان قامال الۋ − كاسىپورىننىڭ قۇن تىزبەگىنىڭ جوعارعى اعارىنا قاراي كوتەرىلۋىن ىلگەرىلەتتى. شينجياڭ تيان - ي حۇڭچي توقىماشىلىق عىلىم ـ تەحنيكا شەكتى سەرىكتەستىگىنىڭ باستىعى سۇن شىشىڭ بىلاي دەدى: سەرىكتەستىك جاڭالىق اشۋعا، زەرتتەۋگە جىل سايىن 20 ميلليون يۋاننان استام قارجى جۇمساپ، ٴوندىرىس ونىمدىلىگىن جوعارىلاتادى. وندىرىسكە قوسىلعانىنا ٴبىر جىلعا جەتپەيتىن ۋاقىتتا، بۇل سەرىكتەستىك 2 - مەرزىمدىك نىسان قۇرىلىسىن جۇرگىزۋدى ۇيعاردى. قازىر 2 ـ مەرزىمدىك نىسان وندىرىسكە قوسىلدى.
مادەنيەت - ساياحات شولۋشى بلوگەرى ”گۋيانمۋچان“ بىلاي دەدى: ”مىنا كەڭ دە جارىق سەحقا، ەلىمىز وندىرگەن وزىق توقۋ ماشيناسىنا، ساپالى شينجياڭ ماقتا جىبنە، ونان سوڭ AI ٴمىن تابۋ ماشيناسىنا قاراڭىزشى، مەملەكەتىمىزدىڭ AI كاسىبىنىڭ قانداي جەرلەرگە كۇش سالىپ جاتقانىن بايقايسىز با؟ ٴبارى دە تۇلعالىق ونەركاسىپ سالاسىندا، وسى AI ٴمىن تابۋ ماشيناسى بولعان سوڭ عانا، ادامداردىڭ جۇمىسى جەڭىلدەدى“.
وزىق جابدىقتاردى قولدانىپ، ماقتا توقىما بۇيىمدارىن زەرتتەپ اشىپ، كاسىپورىنداردىڭ ٴوندىرىس ونىمدىلىگىن جوعارىلاتۋمەن بىرگە، ونىمدەردىڭ بازار يەلەۋ مولشەرىن دە جوعارىلاتتى، كوپ جاقتان يگىلىككە كەنەلتەتىن جاعداي ۇكىمەتتىڭ كاسىپورىنداردىڭ دامۋىن زور كۇشپەن قولداۋىنا مۇمكىندىك جاسادى. ي - دۇڭ ونەركاسىپ باقشا رايونى پارتيا قىزمەتى كوميتەتىنىڭ مۇشەسى يان چۇنپيڭ ۇكىمەت شىعارعان ”جابدىق قوسىمشا قاراجاتىن“ تانىستىردى، ەگەر كاسىپورىن ەنگىزگەن جابدىق ولشەم بويىنشا ”مەملەكەت بويىنشا الدىڭعى قاتارداعى وزىق جابدىق“ دەپ سارالانىپ بەكىتىلسە، %20 تىك جابدىق قوسىمشا قاراجاتىنان يگىلىكتەنە الادى. بۇل كوپتەگەن كاسىپورىنداردىڭ وزىق جابدىقتاردى ەنگىزۋدەگى ەكونوميكالىق قىسىمىن ازايتتى.
جاقىنعى جىلداردان بەرى قۇلجا اۋدانى اۆتونوميالى رايون العا قويعان ”8 ٴىرى كاسىپ سالاسى شوعىرىن“ قالىپتاستىرۋدى ارقاۋ ەتىپ، وڭىرلىك، ساياساتتىق، بايلىق باسىمدىعىن تولىق ساۋلەلەندىرىپ، توقىماشىلىق كاسىبىن زورايتىپ، كۇشەيتىپ، قۇلجا اۋدانىنىڭ ٴتۇيىندى توقىماشىلىق كاسىپ باقشاسىن قۇردى، قازىر ٴجىپ ٴيىرۋ، كەزدەمە توقۋ، توقىماشىلىق، كيىم - كەشەك ونىمدەرىن مانەرلەۋ سياقتى ٴبىرشاما كەمەلدى كاسىپ تىزبەگىن قالىپتاستىردى. كاسىپ سالاسى بازاسى توقۋ ماشيناسى كولەمى، جۇمىستانۋعا جەتەكتەۋ، ماركا اسەرى سياقتى جاقتاردا بۇكىل شينجياڭنىڭ الدىڭعى لەگىندە كەلەدى.
”باقشا رايونى ىركىندى جانە ارتۋ مولشەرى جاعىنان كاسىپورىندارعا قىزمەت وتەۋگە كۇش سالىپ، ولاردىڭ كەيبىر قيىنشىلىقتارىن، تالاپتارىن شەشتى، اسىرەسە، جاڭادان قوسىلعان كاسىپورىندارعا جۇمىسشى قابىلداۋ جانە جۇمىسشىلاردى ورنىقتىرۋ قىزمەتىن جاقسى ىستەپ، قۇلجا اۋدانى توقىماشىلىق كاسىپ باقشاسىن سولتۇستىك شينجياڭ وڭىرىندەگى ەڭ ۇلكەن وڭدەلمەگەن كەزدەمە ٴوندىرۋ بازاسى ەتىپ قۇرىپ شىعۋعا كۇش سالدى. بيىل قۇلجا اۋداندىق توقىماشىلىق كاسىپ باقشاسىنىڭ 2 ـ مەرزىمدىك نىسانى سالىنىپ بولىپ، وندىرىسكە قوسىلعاننان كەيىن، ٴونىم قۇنى 5 ميلليارد يۋانعا جەتەدى، تۇتاس توقىماشىلىق ٴوندىرىس قۋاتى بويىنشا 320 ميلليون مەتر وڭدەلمەگەن كەزدەمە، 550 مىڭ ۇرشىق ٴجىپ وندىرۋگە، جىلدىق ٴونىم قۇنىن 5 ميلليارد يۋانعا جەتكىزىپ، 6000 نان استام ادامنىڭ جۇمىسقا ورنالاسۋ ماسەلەسىن شەشەدى“ دەپ تانىستىردى يان چۇنپيڭ.
سـۋرەتتـە: شينجياڭ تيان ـ ي حۇڭچي توقىماشىلىق عىلىم ـ تەحنيكا شەكتى سەرىكتەستىگىنىڭ ٴوندىرىس سەحىندا جۇمىسشىلار قاربالاس جۇمىس ىستەۋدە.