وقۋشىلارعا مۋزيكانىڭ كوركەمدىگىن سەزىندىردى

وبلىستىق ٴان - ٴبي تەاترحاناسىنىڭ الەۋمەتتىك يگىلىك كونسەرتى قۇلجا قالالىق 23 - ورتا مەكتەپتە قويىلدى

ٴتىلشىمىز ياڭ جيڭ - ي حابارلايدى. 5 - ايدىڭ 24 - كۇنى ىلە وبلىستىق ٴان - ٴبي تەاترحاناسى قۇلجا قالالىق 23 - ورتا مەكتەپتە ”تاڭداۋلى كوركەمونەر نومىرلەرىن مەكتەپ اۋلاسىنا جەتكىزۋ“ اتىنداعى الەۋمەتتىك يگىلىك كونسەرتىن وتكىزدى.

كونسەرت الاڭىندا تارتىمدى نومىرلەر ارت - ارتىنان قويىلدى. ”دوستار“ اتتى اندە شىنايى سۇيىسپەنشىلىك جىرلانسا، ”جاستىق شاق“ اتتى بيدە جاستاردىڭ جاستىق ورالى مەن ومىرشەڭدىك قۋاتى ايگىلەندى، ەلەكتروندى مۋزيكا مەن ۇرلەمەلى اسپاپتار وركەسترى ورىنداعان «باتىسقا ساپار» تەلە فيلمىنىڭ تاقىرىپتىق ٴانى − «اسپان ورداسىنىڭ اۋەنى» ادامدى كلاسسيكالىق كورىنىسكە قايتا ورالعانداي سەزىندىردى. ارتيستەردىڭ تارتىمدى ويىن نومىرلەرى وقىتۋشى - وقۋشىلاردىڭ قىزۋ قارسى الۋىنا جانە ايرىقشا القاۋىنا بولەندى.

ويىن قويۋ بارىسىندا مۋزيكا اسپاپتارىن ورىنداۋشىلار وقۋشىلارمەن ىقپالداسىپ، ناق مايدان دۋمانعا بولەندى. 23 - ورتا مەكتەپتىڭ وقۋشىسى چىن شياۋيىڭ ٴوزىنىڭ مۋزيكا ۇيىرمەسىندە جۇڭگونىڭ مۋزيكا اسپاپتارى دا، باتىستىڭ مۋزيكا اسپاپتارى دا، شينجياڭ ەرەكشەلىگىنە يە كەيبىر ۇلتتىق مۋزيكا اسپاپتارى دا بار ەكەنىن تەرەڭ سەزىنگەنىن ايتتى.

وقۋشى ەسىل بەكبولات ۇلى دا قۋانا بىلاي دەدى: كونسەرت ەرەكشە تارتىمدى ەكەن، كوپتەگەن كلاسسيكالىق مۋزيكانى تىڭداپ، كوڭىل كۇيىم ٴبىر جادىراپ قالدى، ٴان ـ ٴبي تەاترحاناسىنداعى مۇعالىمدەردىڭ وسىنداي مۋزيكا سالتاناتىن الا كەلگەنىنە ەرەكشە العىس ايتامىن.

وبلىستىق ٴان - ٴبي تەاترحاناسىنىڭ ورىنباسار باستىعى جوۋ شيۇڭبياۋ بىلاي دەدى: وسى جولعى ”تاڭداۋلى كوركەمونەر نومىرلەرىن مەكتەپ اۋلاسىنا جەتكىزۋ“ قيمىلىن ورىستەتۋ بالالار جونىنەن ٴبىر رەتكى ەستەتيكالىق تاربيە بولىپ قالماستان، ول تاعى مىنەز - قۇلىقتى شىڭدايدى. وسى جولعى قيمىلدىڭ وقۋشىلارعا مۋزيكانىڭ كوركەمدىگىن سەزىندىرىپ، ولاردىڭ اقاۋسىز ەسەيىپ ـ ەرجەتۋىنە دەم بەرۋىن ٴۇمىت ەتەمىن.

سۋرەتتە: الەۋمەتتىك يگىلىك كونسەرتتىڭ ناق مايدانى.             ياڭ جيڭ - ي فوتوسى