تىلشىلەرىمىز ياڭ جيڭ - ي، چىن تيانجين، ۋاڭ حاۋ حابارلايدى. ىلە توعىسپالى مەديا ورتالىعى راديو باعدارلامالارى ورتالىعىنىڭ FM105.9 قاتىناس مۋزيكا راديوسى، FM88.4 قازاق تىلىندەگى راديوسى، FM95.3 ۇيعۇر تىلىندەگى راديوسى قۇلجا قالالىق قاتىناس - تاسىمال مەكەمەسىمەن، قۇلجا قالالىق قوعام حاۋىپسىزدىگى مەكەمەسى قاتىناس ساقشى ۇلكەن اترەتىمەن، قۇلجا قالالىق تاكسي قوعامىمەن، قۇلجا قالالىق وتاندى ٴسۇيىپ، ارميانى قولداۋدى جەبەۋ قوعامىمەن جانە مەيىربان ساۋداگەرلەرمەن بىرلەسىپ وتكىزگەن ”2024 - جىلعى جاسىل لەنتالىلاردىڭ وقۋشىلارعا مەيىر باعىشتاپ ەمتيحان مايدانىنا جەتكىزۋ“ قيمىلىنىڭ باستالۋ سالتى 6 - ايدىڭ 3 - كۇنى قۇلجا قالالىق الەۋمەتتىك قاتىناس توبى تاكسي شەكتى سەرىكتەستىگىندە وتكىزىلدى.

قيمىل الاڭىندا قۇلجا قالالىق قاتىناس ـ تاسىمال مەكەمەسى ۇندەۋ شىعارىپ، قالىڭ قاتىناس ـ تاسىمال سالاسىنداعى كاسىپكەرلەردىڭ، شوفەرلەردىڭ 2024 ـ جىلعى ”وقۋشىلارعا مەيىر باعىشتاپ ەمتيحان مايدانىنا جەتكىزۋ“ قيمىلىنا جابال ات سالىسىپ، ٴىس جۇزىندىك ارەكەتتەرى ارقىلى جوعارى مەكتەپ ەمتيحانىنا قاتىناسقان وقۋشىلاردىڭ تاماشا كوڭىل كۇيمەن ومىردەگى اناعۇرلىم جوعارى نىساناعا ۇمتىلۋىنا دەم بەرۋىن ٴۇمىت ەتتى. ناق مايداندا ”وقۋشىلاردىڭ ەمتيحان تاپسىرۋىنا مەيىر باعىشتاۋ“ ماشينا اترەتىندەگىلەردىڭ سەرت بەرۋ، ولارعا جاسىل لەنتا تاراتۋ سياقتى قيمىلدار وتكىزىلدى.

ۇعىسۋعا قاراعاندا بۇل قيمىل ٴۇرتىس 11 جىل وتكىزىلگەن، باستىسى، جوعارى مەكتەپ ەمتيحانىنا قاتىناسىپ جاتقان وقۋشىلاردى ەمتيحان مايدانىنا ۋاعىندا ٴساتتى جەتكىزۋگە كەپىلدىك ەتەدى ەكەن.

سۋرەتتە: تاكسي شوفەرى اۆتوكولىگىنە ”وقۋشىلارعا مەيىر باعىشتاپ ەمتيحان مايدانىنا جەتكىزۋ“ بەلگىسىن  تاعۋدا. 

سۋرەتتە: ”وقۋشىلارعا مەيىر باعىشتاپ ەمتيحان مايدانىنا جەتكىزۋ“ اۆتوموبيل اترەتىنىڭ شوفەرلەرى جوعارى مەكتەپ ەمتيحانىنا قاتىناسقان وقۋشىلارعا مەدەت بەرۋدە.     ياڭ جيڭ - ي فوتوسى