جوعارى مەكتەپ ەمتيحانىنىڭ دايىندىق قىزمەتتەرىن تەكسەردى، قۋزاپ ـ جەتەكشىلىك ەتتى
6 ـ ايدىڭ 6 ـ كۇنى اۆتونوميالى رايوندىق پارتكومنىڭ شۋجيى ما شيڭرۇي اۆتونوميالى رايوندىق وقۋ ـ اعارتۋ ەمتيحان مەكەمەسىندە جوعارى مەكتەپ ەمتيحانىنىڭ دايىندىق قىزمەتتەرىن تەكسەردى، قۋزاپ ـ جەتەكشىلىك ەتتى.
□ سۋرەتتى انار بۇلت \ شينجياڭ گازەتىنىڭ ٴتىلشىسى سۇي جىجيان تۇسىرگەن
انار بۇلت \ شينجياڭ گازەتىنىڭ ٴتىلشىسى ۋاڭ شيڭرۇي 6 ـ ايدىڭ 6 ـ كۇنى ۇرىمجىدەن حابارلايدى. اۆتونوميالى رايوندىق پارتكومنىڭ شۋجيى ما شيڭرۇي 6 ـ ايدىڭ 6 ـ كۇنى شينجياڭ پوچتا ىستەرىن باسقارۋ مەكەمەسىنە، جۇڭگو گەولوگيالىق تەكسەرۋ مەكەمەسىنىڭ ٴۇرىمجى جاراتىلىستىق بايلىقتى جالپىلىق تەكسەرۋ ورتالىعىنا بارىپ، ارالاپ احۋال ۇعىسىپ، تەكسەرۋ ـ زەرتتەۋ جۇرگىزىپ، قاتىستى قىزمەتتەردىڭ ورىستەتىلۋ جاعدايىن ىشكەرىلەي ۇعىستى، ورتالىقتىڭ شينجياڭدا تۇراتىن ورىندارىنىڭ ۇزاق ۋاقىتتان بەرى شينجياڭ قىزمەتىن بار كۇشپەن قولداپ كەلگەندىگىنە العىس ايتتى، ولاردىڭ جوعارى ساپالى دامۋ سىندى ماڭداي الدى مىندەتتى مىقتاپ ارقاۋ ەتىپ، نازاردى نەگىزگى جاۋاپكەرشىلىككە، نەگىزگى كاسىپكە اناعۇرلىم ويداعىداي شوعىرلاندىرىپ، فۋنكتسيالىق رولىن ساۋلەلەندىرىپ، جاۋاپكەرشىلىك ارقالاۋدى، ىسكەرلىك كورسەتۋدى ايگىلەپ، شينجياڭنىڭ ەكونوميكالىق، قوعامدىق دامۋىنا تىڭ دا اناعۇرلىم زور ۇلەس قوسۋىن ٴۇمىت ەتتى. جوعارى مەكتەپ ەمتيحانى باستالۋ الدىندا، ما شيڭرۇي ەمتيحان الدىنداعى دايىندىق قىزمەتتەرىن ارنايى تەكسەردى، جەر ـ جەردەن، قاتىستى تاراۋلاردان وسكەلەڭ جاۋاپتى بولۋ پوزيتسياسىمەن جانە قاتاڭ، ىجداعاتتى بولۋ ستيلىمەن ەمتيحانعا دايىندالۋ، ۇيىمداستىرۋ، قىزمەت وتەۋ سياقتى ٴتۇرلى قىزمەتتەردى بار كۇشپەن ويداعىداي يگەرىپ، شينجياڭنىڭ جوعارى مەكتەپ ەمتيحانى قىزمەتىنىڭ حاۋىپسىز، ورنىقتى جۇرگىزىلۋىنە شىنايى كەپىلدىك ەتۋدى تالاپ ەتتى.
شينجياڭ پوچتا ىستەرىن باسقارۋ مەكەمەسىندە ما شيڭرۇي قىزمەت تانىستىرۋىن تىڭداپ، ٴارقايسى باسقارما ـ كەڭسەلەردىڭ جۇمىس احۋالىن ۇعىسىپ، شينجياڭنىڭ جەدەل جولداما ناقتى ۋاقىت ساندى مالىمەتىن قاداعالاۋ جاعدايىن بەينەەكراندا تەكسەرىپ كوردى، شينجياڭ پوچتا ىستەرىن باسقارۋ مەكەمەسىنىڭ شينجياڭنىڭ ەكونوميكالىق، قوعامدىق دامۋىمەن جانە ٴار ۇلت بۇقاراسىنىڭ تۇرمىس قاجەتىمەن تىعىز جاناسىپ، پوچتا جەدەل جەتكىزۋ تورى ورنالاسىمىن اناعۇرلىم ساپالىلاندىرىپ، جولداۋ ـ جەتكىزۋ بويىنشا قىزمەت وتەۋ ساپاسىن جوعارىلاتىپ، پوچتا جەدەل جەتكىزۋ كاسىبىنىڭ شينجياڭنىڭ ساپالى اۋىل شارۋاشىلىق ونىمدەرىن ساتۋ جانە تاسۋ جونىندەگى قولداۋ تەبىنىن ارتتىرۋعا دەن قويىپ، شينجياڭ ەرەكشە اۋىل شارۋاشىلىعىنىڭ دامۋى مەن ٴار ۇلت شارۋالارىنىڭ كىرىستەرىن ارتتىرىپ بايۋىنا اناعۇرلىم ويداعىداي كۇش ۇستەۋىن؛ اۆتونوميالى رايوننىڭ قاتىستى ورىندارىمەن، تاراۋلارىمەن بايلانىس جاساۋدى، ۇشتاسۋدى كۇشەيتىپ، كەڭەسۋ، سايكەسۋ مەحانيزمىن كەمەلدەندىرىپ، قىزمەتتىڭ ساپاسى مەن ونىمدىلىگىن اناعۇرلىم جوعارىلاتىپ، پوچتا جەدەل جەتكىزۋ قىزمەتىنىڭ جوعارى ساپالى دامۋىن بىرگە ىلگەرىلەتۋىن ٴۇمىت ەتتى.
جۇڭگو گەولوگيالىق تەكسەرۋ مەكەمەسىنىڭ ٴۇرىمجى جاراتىلىستىق بايلىقتى جالپىلىق تەكسەرۋ ورتالىعىندا ما شيڭرۇي تاجىريبەحانالاردىڭ قىزمەت ورىستەتۋ جاعدايىن ۇستىندە تەكسەرىپ كورىپ، قاتىستى جاۋاپتى جولداستارمەن ىشكەرىلەي اڭگىمەلەستى ٴارى شينجياڭ گەولوگيالىق مادەنيەت سارايىنا بارىپ، شينجياڭنىڭ گەولوگيالىق تەكسەرۋدى ورىستەتۋ جاعدايى مەن قىزمەت جەتىستىگىن تاپتەشتەي ۇعىستى، ولاردىڭ شينجياڭنىڭ ٴىس جۇزىندىگىن تىعىز ارقاۋ ەتە وتىرىپ قىزمەت ورىستەتىپ، جاڭا كەزەكتى كەن ىزدەۋدەن قامال الۋ ستراتەگيالىق ارەكەتىن ورىستەتۋمەن ۇشتاستىرىپ، كەن بايلىعىن بارلاۋ قىزمەتىن اناعۇرلىم ماڭىزدى ورىنعا قويىپ، نەگىزدىك تەكسەرۋ مەن تالداۋ جاساۋ، زەرتتەۋ دەڭگەيىن ۇزدىكسىز جوعارىلاتىپ، كەن ىزدەۋ قىزمەتىندە ۇزدىكسىز تىڭ ناتيجەگە قول جەتكىزۋدى قۇلشىنا ىلگەرىلەتىپ، شينجياڭنىڭ مەملەكەتتىڭ ەنەرگيا جانە شەشۋشى كەن بايلىعى حاۋىپسىزدىگىن قامتاماسىز ەتۋىنە اناعۇرلىم زور قولداۋ كورسەتۋىن، گەولوگيالىق تەكسەرۋ جۇرگىزەتىن جوعارى ساپالى، ماماندانعان دارىندىلار قوسىنىن شىن مانىندە كۇشەيتىپ قۇرىپ، كاسىپتىك تەحنيكا مەن كاسىپتىك قابىلەتتى ۇزدىكسىز جوعارىلاتىپ، گەولوگيالىق تەكسەرۋ قىزمەتىنىڭ تۇتاس تۇلعالىق ونىمدىلىگىن جوعارىلاتۋعا پارمەندى تىرەك ازىرلەۋىن ٴۇمىت ەتتى.
جىلىنا ٴبىر رەت وتەتىن جوعارى مەكتەپ ەمتيحانى قارساڭىندا، ما شيڭرۇي اۆتونوميالى رايوندىق وقۋ ـ اعارتۋ ەمتيحان ورنىنا بارىپ، وقۋ ـ اعارتۋ تاراۋلارىنداعى جاۋاپتى جولداستاردان ٴتۇرلى دايىندىق قىزمەتتەرىنىڭ اياق الىسىن سۇراپ ۇعىسىپ، ەمتيحان تۇيىندەرىنىڭ ورنالاسۋى، ەمتيحان الاڭدارىن ورنالاستىرۋ سياقتى ناقتى جاعدايلاردى تەكسەرىپ كوردى، ۇعىستى. ول بىلاي دەپ باسا دارىپتەدى: جوعارى مەكتەپ ەمتيحانى سان مىڭداعان وتباسىنىڭ مۇددەسىنە سايادى، قالىڭ وقۋشىلاردىڭ بولاشاعىمەن بايلانىستى. جەر ـ جەر، قاتىستى تاراۋلار ەمتيحان بەرەتىن وقۋشىلارعا، اتا ـ انالارعا جانە قوعامعا وسكەلەڭ جاۋاپتى بولۋ پوزيتسياسىن نەگىزگە الا وتىرىپ اناعۇرلىم قاتاڭ، اناعۇرلىم تىڭعىلىقتى، اناعۇرلىم ەگجەي ـ تەگجەيلى تۇردە ەمتيحان ىستەرىن ۇيىمداستىرۋ قىزمەتىن ويداعىداي ىستەپ، جان اشىر بولۋ، مەيىر جەتكىزۋ شاراسىمەن ەسكەرتۋدى، جەتەكشىلىك ەتۋدى جانە ەمتيحانعا قىزمەت وتەۋدى كۇشەيتىپ، ەمتيحان حاۋىپسىزدىگىن باقىلاۋ ـ باسقارۋ شارالارىن جالپى بارىستا تياناقتاندىرىپ، ٴتۇرلى حاۋىپ ـ قاتەرلەردەن قاتاڭ ساقتانىپ، توسىن تۋىلاتىن ۋاقيعالارعا ٴونىمدى توتەپ بەرىپ جانە ونى ٴبىر جاقتى ەتىپ، شينجياڭنىڭ جوعارى مەكتەپ ەمتيحانى قىزمەتىنىڭ حاۋىپسىز، ٴساتتى، ورنىقتى، ٴتارتىپتى جۇرگىزىلۋىنە شىنايى كەپىلدىك ەتۋى كەرەك. وقۋ ـ اعارتۋ بويىنشا شينجياڭنىڭ ٴتۇرلى ىستەرىنىڭ ۇزاق بولاشاقتىق دامۋىنا قىزمەت وتەۋدى كوزدەپ، ەمتيحان الۋ، قابىلداۋ سياقتى ٴتۇرلى قىزمەتتەردى ٴبىر تۇتاس جوسپارلاپ ويداعىداي ىستەپ، ٴتىپتى دە كوپ دارىندىنى شينجياڭدا ۇيرەنۋگە، شينجياڭعا كەلىپ دامۋعا، شينجياڭعا ٴوزىن ارناۋعا كۇش سالا باۋلىپ جانە تاڭداپ، شينجياڭنىڭ جوعارى ساپالى دامۋى مەن باياندى تىنىشتىعىنا سارقىلماس دارىندىلار تىرەگىن ازىرلەۋ كەرەك.