سۋرەتتە: 6 - ايدىڭ 12 - كۇنى جولاۋشىلار ”موڭعۇلكۇرە تۇلپارى اتتى“ جولاۋشىلار ۇشاعىنان تۇسۋدە.      حى رۇڭ فوتوسى

ٴتىلشىمىز حى رۇڭ حابارلايدى. 6 - ايدىڭ 12 - كۇنى تۇستەن بۇرىن ”تۇلپار“ ەلەمەنتىنە تولى ٴبىر ۇشاق موڭعۇلكۇرە تۇلپار اۋەجايىنا قوندى، تيانجين اۆياتسياسىنىڭ ”موڭعۇلكۇرە تۇلپارى اتتى“ GS7498 نەگىزگى تاقىرىپتىق كەزەكشى ۇشاعى تۇڭعىش ٴساتتى قاتىنادى. 

تيانجين اۆياتسياسىنىڭ ”موڭعۇلكۇرە تۇلپارى اتتى“ ۇشاعىنا موڭعۇلكۇرە اۋدانىنداعى ەڭ ايـگـىـلـى بەلگى سيپاتتى كورىنىس − ”تۇلپارلاردىڭ سۋ كەشۋى “ مەن ”كەمپىرقوساق“ تاڭدالدى ٴارى ٴتۇستى ورنەك تاسىلىمەن ۇشاق تۇلعاسىندا جاندى بەينەلەندى، ”شوپان جىرى قالىقتاعان موڭعۇلكۇرە − تۇلپار مەكەنى ٴسىزدى قارسى الادى“ دەگەن جازۋ جانە ىلە جىلقىسى مەن كەمپىرقوساقتىڭ سۋرەتى ٴوزارا توعىستىرىلىپ، موڭعۇلكۇرە اۋدانىنىڭ ساياحات بايلىعىن تانىستىرۋعا كورىك قوستى. ۇشاق تۇلعاسىنان سىرت، ۇشاق بولمەسىنىڭ، ورىندىقتارىنىڭ، جۇك سورەسىنىڭ تاماشا جوبالانۋى بارلىق جەردە موڭعۇلكۇرە ەلەمەنتىن جانە جاراتىلىستىق كورىنىسىن، ۇلتتىق سالت ـ ساناسىن ايگىلەدى.

قازىرگە دەيىن موڭعۇلكۇرە تۇلپار اۋەجايىندا كوپتەگەن اۋە لەنياسى اشىلدى، تاعى كورلا ـ موڭعۇلكۇرە ـ شاۋەشەك، شاۋەشەك ـ موڭعۇلكۇرە ـ كورلا اراسىندا قاتىنايتىن اۋە لەنياسى اشىلادى. سونىمەن بىرگە، تيانجين اۆياتسياسىنىڭ ”موڭعۇلكۇرە تۇلپارى اتتى“ ۇشاعى ىركەس ـ تىركەس حايكوۋ، تيانجين، شي ـ ان، چاڭشا، لانجوۋ، گۇيياڭ سياقتى قالالاردا اۋە لەنياسىن ىسكە قوسىپ، موڭعۇلكۇرە اۋدانىنىڭ ساياحات بايلىعىن ۇگىتتەۋدى كۇشەيتىپ، موڭعۇلكۇرە اۋدانى ساياحاتىنىڭ تانىمالىلىعىن ۇزدىكسىز جوعارىلاتادى.