ما شيڭرۇي، ەركىن تۇنياز ٴۇرىمجى اۋەجايىن جاڭالاپ، كەڭەيتىپ سالۋ ينجەنەرياسىن تەكسەرىپ ـ زەرتتەدى، تەكسەردى

　　قارقىندى، ساپانى، حاۋىپسىزدىكتى ٴبىر تۇتاس جوسپارلاپ، ەرتەرەك سالىنىپ بولىپ، ىسكە قوسىلۋىنا شىنايـى كەپىلدىك ەتىپ، وسىزاماندانعان، حالىقارالانعان اۆياتسيا تورابىن كۇش سالا تۇلعالاۋ كەرەك

6 ـ ايدىڭ 15 ـ كۇنى اۆتونوميالى رايوندىق پارتكومنىڭ شۋجيى ما شيڭرۇي، اۆتونوميالى رايوننىڭ ٴتوراعاسى ەركىن تۇنياز قاتارلىلار ٴۇرىمجى اۋەجايىنىڭ T4 تەرمينال عيماراتىندا اۋەجايدى جاڭالاپ، كەڭەيتىپ سالۋ ينجەنەرياسىن جوبالاۋ، سالۋ قىزمەتى جونىندەگى مالىمەتتى تىڭداپ، قاتىستى جاقتارداعى جاۋاپتى جولداستاردان ٴتۇرلى قىزمەتتەردىڭ اياق الىسىن ەگجەي ـ تەگجەيلى ۇعىستى.

□ سۋرەتتى انار بۇلت \ شينجياڭ گازەتىنىڭ ٴتىلشىسى سۇي جىجيان تۇسىرگەن

انار بۇلت \ شينجياڭ گازەتىنىڭ ٴتىلشىسى ۋاڭ شيڭرۇي 6 ـ ايدىڭ 15 ـ كۇنى ۇرىمجىدەن حابارلايدى. اۆتونوميالى رايوندىق پارتكومنىڭ شۋجيى ما شيڭرۇي، اۆتونوميالى رايوننىڭ ٴتوراعاسى ەركىن تۇنياز 6 ـ ايدىڭ 15 ـ كۇنى سالىنىپ جاتقان ٴۇرىمجى اۋەجايىن جاڭالاپ، كەڭەيتىپ سالۋ ينجەنەرياسىنىڭ جۇمىس باسىنا بارىپ، نىسان قۇرىلىسىن جانە قۇرىلىستىڭ ىلگەرىلەتىلۋ جاعدايىن ىشكەرىلەي تەكسەرىپ ـ زەرتتەدى، تەكسەردى، قاتىستى ماسەلەلەردى ۇستىندە سايكەستىرىپ شەشتى، ينجەنەريانىڭ ۋاعىندا جوعارى ساپامەن سالىنىپ ىسكە قوسىلۋىن، ەرتەرەك ونىمدىلىگىن ساۋلەلەندىرۋىن، وسىزاماندانعان، حالىقارالانعان اۆياتسيا تورابىن كۇش سالا قالىپتاستىرۋدى ىلگەرىلەتتى.

ٴۇرىمجى ديوپۋ حالىقارالىق اۋەجايىن جاڭالاپ، كەڭەيتىپ سالۋ ينجيەنەرياسى 2019 ـ جىلى 10 ـ ايدا باستالعان، مەملەكەتتىڭ ”13 ـ بەسجىلدىقتاعى“، ”14ـ بەسجىلدىقتاعى“ ٴتۇيىندى قۇرىلىس نىسانى، جىبەك جولى ەكونوميكالىق بەلدەۋى وزەكتى رايونىنىڭ ”ٴبىر پورت، 5 ورتالىق“ قۇرىلىسىنداعى ٴتۇيىندى ينجەنەريا. ينجەنەريا جوباسىنا ساي، 2 ـ، 3 ـ ەكى سىرعىما جول سالىنادى، 500 مىڭ شارشى مەترلىك T4 تەرمينال عيماراتى مەن كەشەندى قاتىناس ورتالىعى، ايالداما الاڭى جانە سايكەستى ٴوندىرىس، تۇرمىس قۇرىلعىلارى جاڭادان سالىنادى. قازىر تەرمينال عيماراتى نىسانى اشەكەيلەۋدىڭ سوڭعى كەزەڭىنە جانە جابدىق ـ قۇرىلعىلاردى بىرلەسىپ رەتتەۋ، بىرلەسىپ سىناق ەتۋ كەزەڭىنە ٴوتتى، الاڭ ىشىندەگى قالا اكىمشىلىك قۇرىلعىلارى مەن سايكەستى نىساندار تۇتاس تۇلعالىق ينجەنەريا قۇرىلىسىمەن بىرگە ىلگەرىلەتىلدى. ينجەنەريا مەجەمەن كەلەر جىلى ىسكە قوسىلادى.

”تيانشان“، ”جىبەك جولى“ سياقتى فاكتورلاردى توعىستىرعان T4 تەرمينال عيماراتىنىڭ ٴپىشىن ۇلگىسى ساۋلەتتى دە تىنىستى بولىپ، عيمارات ٴىشىن اشەكەيلەۋ قىزمەتى تارتىپپەن ىلگەرىلەتىلۋدە. ما شيڭرۇي، ەركىن تۇنياز تەرمينال عيماراتىنا كىرىپ، اۋەجايدى جاڭالاپ، كەڭەيتىپ سالۋ ينجەنەرياسىن جوبالاۋ، سالۋ قىزمەتى جونىندەگى مالىمەتتى تىڭداپ، قاتىستى جاقتارداعى جاۋاپتى جولداستاردان ٴتۇرلى قىزمەتتەردىڭ اياق الىسىن ەگجەي ـ تەگجەيلى ۇعىستى. ما شيڭرۇي بىلاي دەدى: ٴۇرىمجى اۋەجايىن جاڭالاپ، كەڭەيتىپ سالۋ ينجەنەرياسى شينجياڭنىڭ جىبەك جولى ەكونوميكالىق بەلدەۋى وزەكتى رايونىن قۇرۋ، جاڭا دامۋ جاعدايىن قالىپتاستىرۋدىڭ ستراتەگيالىق ٴتۇيىنىن تۇلعالاۋ سياقتى قىزمەت جالپى جاعدايىندا شەشۋشى تىرەكتىك رول اتقارادى. يدەيالىق تانىمدى شىنايى جوعارىلاتىپ، ٴتۇرلى قىزمەتتەردى ايرىقشا جاۋاپكەرشىلىك سەزىممەن جانە بورىشتىلىق سەزىممەن ىلگەرىلەتىپ، حاۋىپسىزدىك پەن ساپاعا شىنايى كەپىلدىك ەتۋ العى شارتىندا، قۇرىلىس جۇرگىزۋ، اشەكەيلەۋ سياقتى قىزمەتتەردىڭ اياق الىسىن بار كۇشپەن جەدەلدەتۋ كەرەك. اۆتونوميالى رايوننىڭ قاتىستى باسشىلارى ينجەنەريا قۇرىلىسىن باستاماشىلدىقپەن ىلگەرىلەتىپ، ورنالاستىرۋدى، قولباسشىلىق ەتۋدى جانە ٴبىر تۇتاس جوسپارلاپ سايكەستىرۋدى كۇشەيتىپ، قيىنشىلىقتار مەن ماسەلەلەردى دەر كەزىندە شەشىپ، ينجەنەريانىڭ ەرتەرەك ىسكە قوسىلۋىنا شىنايى كەپىلدىك ەتىپ، شينجياڭنىڭ جوعارى ساپالى دامۋىنا تاعى دا جاڭا قوزعالىس قۋاتىن ۇستەۋ كەرەك.

تەرمينال عيماراتىندا ما شيڭرۇي، ەركىن تۇنياز ىلگەرىندى ـ كەيىندى اتتانۋ زالى، ورتالىق زال، جۇك الۋ زالى، قاتىناس ورتالىعى سياقتى اۋماقتاردى ارالاپ كوردى ٴارى ۇشاق توقتاتۋ الاڭىنا جانە ۇشۋ اۋماعىنىڭ سىرعاناۋ جولى، سىرعىما جولى سياقتى قۇرىلىس اۋماقتارىنا بارىپ جۇمىس باسىندا قىزمەت تەكسەرىپ، جۇمىس جۇرگىزۋ قارقىنى مەن ساپاسىنا باقىلاۋ ـ جەتەكشىلىك ەتتى جانە تەكسەردى. ما شيڭرۇي بىلاي دەدى: حاۋىپسىزدىك _ حالىقتىق اۆياتسيانىڭ جان تامىرى. ساپانى ٴبىرىنشى ورىنعا قويۋعا، حاۋىپسىزدىكتى بارىنەن جوعارى قويۋعا مىقتاپ تاباندى بولىپ، ينجەنەريانىڭ جالپى بارىسىنىڭ، جالپى پەريودىنىڭ، تۇتاس تىزبەگىنىڭ ساپا حاۋىپسىزدىگىن باقىلاۋ ـ باسقارۋدى شىن مانىندە كۇشەيتىپ، ساپانى باعالاۋ جانە جاقسارتۋ، دەڭگەيىن جوعارىلاتۋ سياقتى قىزمەتتەردى ىشكەرىلەي، ەگجەي ـ تەگجەيلى، شىندىقتى ٴىس جۇزىنەن ىزدەي وتىرىپ ويداعىداي ىستەپ، حاۋىپسىز ينجەنەريانى، ساپالى ينجەنەريانى، پاك ينجەنەريانى قۇلشىنا تۇلعالاۋ كەرەك.

ما شيڭرۇي بىلاي دەپ باسا دارىپتەدى: ٴۇرىمجى اۋەجايىن جاڭالاپ، كەڭەيتىپ سالۋ ينجەنەرياسىن ۋاعىندا جوعارى ساپامەن ورىنداۋدىڭ كەلەلى ٴمانىن جەتە تانىپ، نىسانا ـ جوسپارلاردى كوزدەپ، باتىلدىقپەن جاۋاپكەرشىلىك ارقالاپ، ىسكەرلىك كورسەتىپ، ولقىلىقتاردى تولىقتاۋعا، ٴالسىز بۋىنداردى كۇشەيتۋگە كۇش سالىپ، ينجەنەريا قۇرىلىسىنىڭ ٴتۇرلى قىزمەتتەرىن بار كۇشپەن ويداعىداي ىستەۋ كەرەك. جاۋاپكەرشىلىكتى تياناقتاندىرۋدى ۇزدىكسىز كۇشەيتىپ، ينجەنەريانى سالۋعا قاتىناسقان ورىنداردىڭ تۇلعالىق جاۋاپكەرشىلىگىن قاتايتىپ، ناقتىلاندىرىپ، ٴبىر تۇتاس جوسپارلاپ ورنالاستىرۋدى كۇشەيتىپ، فاكتورلار قامتاماسىزدىعىن كۇشەيتىپ، قاتىناس، مەملەكەت مەنشىگىندەگى مال ـ مۇلىك، دامۋ جانە رەفورما سياقتى قاتىستى تاراۋلاردىڭ قولداۋ، سايكەستىرۋ تەبىنىن ارتتىرىپ، نىسانداردى ىلگەرىلەتۋ بارىسىنداعى بوگەتتى تۇيىندەردى، قيىن تۇيىندەردى قاداعالاپ، كۇشتى ۇيىستىرا سەرپىلىس جاساپ، ينجەنەريانىڭ ٴساتتى، جوعارى ونىمدىلىكپەن ىلگەرىلەۋىنە شىنايى كەپىلدىك ەتۋ كەرەك. قۇرىلىستىڭ ساپاسىن، ونىمدىلىگىن كۇش سالا جوعارىلاتىپ، ٴتيىمدى قۇرىلىس مەرزىمىن مىقتى يگەرىپ، تۇيىندەردى قاداعالاپ، جۇمىس مەرزىمىن كەرى شەگەرىپ ورنالاستىرىپ، قاتار ىلگەرىلەتىپ، ٴتۇرلى قۇرىلعىلاردى تورلاندىرۋدى، سايكەستىرۋدى جەدەلدەتىپ، نەگىزدىك قۇرىلعىلاردى قامتاماسىزداندىرۋ قابىلەتىن جوعارىلاتىپ، اۋەجاي مەن تاس جول، مەترو سياقتى قاتىناس تاسىلدەرىنىڭ ساڭلاۋسىز ٴتۇيىلىسۋىن كۇش سالا جەبەپ، ٴىش پەن سىرت تۇتاسقان، جوعارى ٴونىمدى، قولايلى قاتىناس تورىن قۇلشىنا قۇرۋ كەرەك. كاسىپ سالاسىنىڭ دامۋىن ٴبىر تۇتاس جوسپارلاپ ىلگەرىلەتىپ، اۆياتسيا تورابى قۇرىلىسىنىڭ اۋەجاي ماڭى ەكونوميكاسى كاسىپ سالاسىنىڭ ورنالاسىمى، قالا قۇرىلىسىنىڭ دامۋ جوباسى سياقتىلارمەن ٴونىمدى ۇشتاسۋىن جەبەپ، پورتتىڭ، كاسىپ سالاسىنىڭ، قالانىڭ توعىسپالى دامۋىن بەلسەنە ىلگەرىلەتىپ، بۇكىل ەلدى شارپۋ، دۇنيە ٴجۇزىن تۇتاستىرۋ، ”ٴبىر بەلدەۋ، ٴبىر جولدى“ بىرگە قۇرۋعا قىزمەت وتەۋ قابىلەتىن ۇزدىكسىز جوعارىلاتىپ، ٴۇرىمجىنىڭ، ٴتىپتى، بۇكىل شينجياڭنىڭ دامۋىن جەتەكتەيتىن قۋاتتى قوزعالتقىشىن قالىپتاستىرۋ كەرەك. تومەنگى شەكتى، قىزىل سىزىقتى مىقتاپ ساقتاپ، ٴوندىرىس حاۋىپسىزدىگى مەن قۇرىلىس جۇرگىزۋ ساپاسى تالابىن قاتاڭ تياناقتاندىرىپ، مەملەكەتتىڭ قاتىستى تەحنيكالىق جۇيەسىن، ولشەمىن، بەلگىلەمەسىن قاتاڭ اتقارىپ، قارجىنىڭ پايدالانىلۋ ونىمدىلىگىن جوعارىلاتىپ، پاكتىك قورعانىس شەبىن بەكەمدەپ، تاريح پەن حالىقتىڭ سىنىنان وتە الاتىن الاڭسىز ينجەنەريا قۇرۋعا قۇلشىنۋ كەرەك.

وسىدان كەيىن ما شيڭرۇي، ەركىن تۇنياز شينجياڭ اۋەجاي توبىنا كەلىپ، قاتىستى قىزمەت مالىمەتتەرىن تىڭداپ، بۇكىل شينجياڭنىڭ جەر ـ جەرىندەگى حالىقتىق اۆياتسيانىڭ قاتىناۋ جانە باسقارۋ ـ مەڭگەرۋ ناقتى جاعدايىن تەكسەرىپ، كورىپ، كاسىپورىنداعى جاۋاپتى جولداستارعا پارتيا قۇرىلىسى ارقىلى جەتەكشىلىك ەتۋدى ۇزدىكسىز كۇشەيتىپ، اۋە جەلىسى تورىنىڭ ورنالاسىمىن جەدەل كەمەلدەندىرىپ، شارۋاشىلىق باسقارۋ دەڭگەيىن ۇزدىكسىز جوعارىلاتىپ، اسىرەسە، اۋە قورعانىسى حاۋىپسىزدىك قورعانىس شەبىن باتىل بەكەمدەپ، شينجياڭ حالىقتىق اۆياتسياسىنىڭ جوعارى ساپالى دامۋىنىڭ جاڭا ونىمدىلىكتەرى ارقىلى شينجياڭنىڭ جوعارى ساپالى دامۋى مەن جوعارى دەڭگەيدە ەسىك اشۋىنا اناعۇرلىم پارمەندى تىرەك ازىرلەۋدى تاپسىردى.

تيان شياڭلي، چىن ۋيجۇن، قادەن كابەن، ۋاڭ گاڭ، جۋ ليفان، جين جىجىن تەكسەرۋ ـ زەرتتەۋگە قاتىناستى.